مساعدة : خريج تجارة وبفكر جديا الدخول في مجال الاوراكل

[hisham22]

انا دلوقتي خريج تجارة وبفكر جديا الدخول في مجال الاوراكل وكنت محتار    oracle  erp financial  ولا oracle erp developer 
مين مستقبلة احسن ومطلوب في السوق
ايضا اللي مرتباته كويسة فيهم
ارجو الرد ضروري
وللعلم انا الحمد لله دماغي شغالة يعني مش لازم عشان خريج تجارة يبقي اخد فيننشال انا عايز اعمل حاجة تفيدني في المستقبل

[eslam elbyaly]

الاوراكل ديفيلوبر والفايننشيل سوقهم منيل بنيلة , ابعد احسن , وبعدين مش شرط اوراكل

عندك الدوت نت سوقه احسن مية مرة والله اعلم , اسأل برده

تم تعديل 19 ديسمبر 2013 بواسطة eslam elbyaly

[hisham22]

طب ايه راي حضرتك في تراك الجافا

[ahmedkhaled]

الجافا احسن ولكن هاتلف وترجع للإوراكل تاني لان الاوراكل عاملت حاجه اسمها ADF

وده عباره عن جافا والاوراكل سوقه جامد جدا 

وانا اوراكل ديفلوبر من 5 سنوات وشايف ان سوقه جامد وبره مصر كمان اكثر وفلوسوا حلوه جدا

[eslam elbyaly]

مع احترامي يعني , مش هيلف يلف ويرجع لاوركل ولا حاجة , هو لو هياخد جافا , يبقي يا اما اندرويد يا اما جافا jee , ومش شرط ياخد adf خالص

وانا بصراحة مش عارف انت عشمت الراجل اوي كده ليه , انت لو جيت تعد الشركات اللي بتشتغل adf  في مصر وبرة مصر هتلاقيهم يتعدوا علي الصوابع

وبيحتاجوا خبرة والله اعلم , يعني طريقه مش مضمون

[Mr_Mohamed]

نصيحة ليك
إبعد عن أوراكل فى الفترة دى لإن سوق العمل هنا فى مصر زى الزفت الايام الاخيرة وخصوصا مع أوراكل ولينوكس
ركز مع الـ .NET أو PHP لو حابب تدخل فى مجال الويب
دول اكتر اتنين مطلوبين فى السوق الأيام الأخيرة كـ Junior أو Senior

[mohammed_elshoora]

بالنسبة للسوق في مصر فعلا اسمع ان الوضع سئ بالنسبة للاوراكل عموما وده طبعي لان الرخصه غاليه الي حد كبير يعني لو بتدور علي شغل في مصر يبقي النصحيه انك تشوف الدوت نت هو افضل شئ في مصر  بس في الخليج الوضع افضل كتير الاوراكل في الخليج منتشر جدا لان الحكومات كلها شاريه الرخصه عشان كده كل المشاريع الحكوميه شغاله اوراكل فلو بتدور علي شغل في الخليج يبقي الاوراكل هو اختيارك الاول وبالنسبه للمقارنه بين الفايننشل والديفيلوبر طبعا بما انك خريج تجاره الفاينانشل افضلك بس اعتقد انك المفروض يكون معاك الاتنين يعني ابدا بالديفلوبر وبعدين كمل الفاينانشل هيفرق معاك كتير انك تكون عارف الاتنين وفي النهاية التوفيق من عند ربنا ومحدش عارف رزقه فين