Hossam Abd El-shahid بتاريخ: 23 فبراير 2009 تقديم بلاغ مشاركة بتاريخ: 23 فبراير 2009 أستاذناأنا رجعت لك معلهش كنت مشغول شويةبص يا باشاأنا بشتغل علي البرودكشان بتعلم فيه ينفع أعمل حاجة غير SELECTأنا خايف طبعا أطير حاجة اقتباس رابط هذا التعليق شارك المزيد من خيارات المشاركة
babbypirate بتاريخ: 24 فبراير 2009 كاتب الموضوع تقديم بلاغ مشاركة بتاريخ: 24 فبراير 2009 عزيزي مصطفى 2010 الاوراكل هو نظام قواعد بيانات لو اشتغلت على برنامج ميكروزفت اكسس هو قريب منه بس الاوراكل بيتعامل مع قواعد ضخمه الدرس الجديد بسم الله الرحمن الرحيم درس جديد و محتاج تفتيح دماغ يا شباب عرفنا في الدرس السابق استخدام كلمة where عشان نحصر البيانات بشروط و عرفنا بعض من الشروط اللي هي between و and و or لسه في شروط كتير بما انك مبرمج لازم تكون عارف الحاجات دي طيب نراجع ع السريع على الدرس اللي فات كله في كود واحد عايز اسماء الموظفين اللي عندي بس يكون راتبهم بين 3000 و 5000 او يكونوا ساكنين في القاهرة ( طبعا استحالة يجيلك كود زي ده لان ده خيالي ) الحل :- SQL>select emp_name 2 from employs 3 where emp_sal between 3000 and 5000 or emp_add = ‘ cairo ‘ 4 ; وعرفنا ازاي نبحث مع الشرطه عن شخص هربان من السجن بمعرفه احد حروف اسمه طيب لو عندي مثلا مليون اسم و انا لسه طازه في الشغل طبعا مش عارف ولا اسم من الاسماء دي و طبعا ممكن اكتب الاسم كده rami او اكتبه كده ramy طيب انا محتار و مش عارف مكان الحرف فين اعمل ايه ؟المدير جه و قالك عايز كل الموظفين اللي في اسمهم حرف r و سابك و مشي مش عارف حرف r هو الحرف الاول ولا التاني ولا التالت ولا ولا ولا الحل اهو SQL> select emp_name From employee Where emp_name like ‘%r%’ ; الاوراكل هيدور و هيدعبس على اي اسم فيه حرف r وهيجيبه من افاه ملحوظه صغيره الصيغة العامة لكتابة التاريخ “ DD,MON,YY” DD يعني اليوم وطبعا عارفين ان الايام اخرها رقمين مثال ذلك 31 MON دي 3 حروف مش اكتر مثال ذلك OCT YY دي السنة يعني 09 يبقى 2009 طيب 99 يعني 1999 طيب 84 يعني 1984 كده اشطه ماشي طيب المدير قالك هاتلي الموظفين اللي في الادارات اللي ارقامها 10 و 40 و 84 يعني حددلك الارقام الحل SQL> select emp_name From employee Where dep in ( 10,40,84) ;وبالشفا ان شاء الله ليه انا اخترت امر in ؟ سؤال بيطرح نفسه ؟!! اقولك لان عندي الحاجات متحددة يعني انا عارف هجيب العدة منين نيجي بقى لحدة حلوة اوي is null يعني ايه الكلمة دي ؟ يعني الحقل فارغ طيب ازاي الحقل فارغ ؟؟ يعني مش فيه بيانات مثال ذلك :- عندي موظف شغال ميه ميه طبعا بياخد الراتب بتاعه و هديله حاجه اسمها العمولة و في موظف بيقولك انا عايز اخد الراتب بس و مش عايز العمولة المدير جه و قال انا عايز اشوف الناس اللي مش عايزه تاخد العمولة يبقى العمولة بتاعتهم صفر وطبعا صفر غلط لانه مالوش عمولة و الصفر ده يعتبر رقم في البرمجه يبقى الحل اننا ندور على الخانه الفاضية تيجي ازاي ؟؟SQL> select emp_name ,comm.From employee Where comm is null ;لاحظ اني استخدمت is و ما استخدمتش = لان = مع null غلط نركز يا شباب يبقى مع NULL نستخدم IS عشان تبقى IS NULL متفقين على كده طيب لو حبيت انفي يعني اعكس جملة الشرط بتاعتي المدير قالي هاتلي اسماء الموظفين اللي بياخدوا كومشن على الراتب بتاعهم طيب هو قالي الكومشن بتاعهم قد ايه ؟؟ لا طب اعمل ايه ؟ اعمل ايه ؟ المره دي لازم تديلة 100 جنيه عشان يمشيلك امورك و بما اننا في نص الشهر و العملية على الحديدة يبقى ما قدمناش غير حل واحد ان احنا نجيب الخانات الفاضيه و نعكسها ازاي ؟؟الحل SQL> select emp_name , emp_comm. From employee Where emp_comm is not null ; يعني قلتله هاتلي اسماء الموظفين و الكومشن بتاعهم لما يكون الكومشن بتاعهم قيمة مش فاضيه يبقى كده عكسنا الخانات الفاضيه يعني بدل ما هيجيب الخانات الفاضيه هيجيب الخانه اللي فيها ارقام طيب نقدر نستخدم not مع كل حاجه ؟ اقولك على حسب يعني اقدر استخدمها مع between SQL> select emp_name , emp_sal From employee Where emp_sal not between 1000 and 2000 ;طيب ايه الحالات اللي نقدر نستخدمها مع Not ?? خد عندك between ونكتبها كده not between and Not in ( , )Not like ( ‘ % ‘) Is not null والى لقاء اخر ان شاء الله تعالى اقتباس رابط هذا التعليق شارك المزيد من خيارات المشاركة
amrosh101 بتاريخ: 25 فبراير 2009 تقديم بلاغ مشاركة بتاريخ: 25 فبراير 2009 كل الي اقدر اقولو ربنا يكرمك ويحفظك ويحيمك وواللة انتا بجد استاذ مشعشان بتشرح لينا بس وكمان خايف علي ناس متعرفهمش وسوالي احنا ممكن نشتغل بالديفولبر بس من غير الداتا بيز ومرة تانية الف شكر اقتباس رابط هذا التعليق شارك المزيد من خيارات المشاركة
mostafe2010 بتاريخ: 25 فبراير 2009 تقديم بلاغ مشاركة بتاريخ: 25 فبراير 2009 متشكر جدا على الرد السريع والا ستجابة بس انا بصراحة حبيت الاوراكل من كلامكم وعايز اتعمق فيه انا من اسيوط هل فيه دورة اوراكل في اسيوط اقدر اخدها اقتباس رابط هذا التعليق شارك المزيد من خيارات المشاركة
ahmed _m بتاريخ: 26 فبراير 2009 تقديم بلاغ مشاركة بتاريخ: 26 فبراير 2009 ربنا يحفظك ويحميك ويسدد خطاك وشكرا على المعلومة القيمه اقتباس رابط هذا التعليق شارك المزيد من خيارات المشاركة
م/طارق القرم بتاريخ: 26 فبراير 2009 تقديم بلاغ مشاركة بتاريخ: 26 فبراير 2009 (معدل) أخويا وحبيبي رامي حضرتك بتتكلم جد ؟؟ 11 ازاي ناقص 3 زائد 4 في 5 زائد 3 ال (في) أعلى أولوية في البوليان ألجبرا من ال (الزائد) عشان كدة حاينفذ الضرب الأول يبقى ناقص 3 + 20 زائد 3 يبقى 20 الا لو أوريكل بتلعب بديلها أو حضرتك مستعجل تسافر بجد رد عليا ف دي عشان حقيقي جايز أنا غلطان بعدين عندك نملة زيادة غير اللي جنب التوقيع دي ؟؟؟؟ بجد عسولة أوي تم تعديل 26 فبراير 2009 بواسطة م/طارق القرم اقتباس رابط هذا التعليق شارك المزيد من خيارات المشاركة
babbypirate بتاريخ: 28 فبراير 2009 كاتب الموضوع تقديم بلاغ مشاركة بتاريخ: 28 فبراير 2009 عزيزي المهندس طارق لو حضرتك ركزت شوية هتلاقي ان الاول هي عملية الطرح 3+4*(4-9)+ 4-1 رقم 1 - رقم 4 هيطلع سالب 3 و بعد كده هنطرح 9 من 4 هيطلع 5 و هنجمع عليه سالب 3 يبقى الناتج موجب 2 و بعد كده هنضرب موجب 2 في 4 هيطلع 8 و هنجمع عليه 3 يبقى 11 ومش هاجي في اليوم ده يا باشا ولا تزعل عزيزي ahmed_m شكرا على ردك و يارب تكون استفدت معايا و تابع ان شاء الله هنزل الدرس الجديد قريب عزيزي amrosh101 شكرا للمتابعه و اعذرني اني ما رديتش على حضرتك ممكن نشتغل من غير الداتا بيز بس هش هيكون عندك اي قواعد بيانات يعني مالوش لازمه عزيزي Hossam Abd El-shahid شكرا على متابعتك معايا و ان شاء الله تستفاد بالنسبه لاستفسارك بص طول ما انت خايف مش هتتعلم وبشكر كل الناس اللي بتشجعني اني اكمل الحلقه الدراسيه دي و ان شاء الله اكون عند حسن ظنكم و ان شاء الله الكل يستفاد بس ياريت تدعولي بضمير و اهم حاجه الضمير مش تدعولي دعوه من اللي هي بربع جنيه و السلام تقبلوا تحياتي و انتظروا الدرس الجديد و هنتكلم عن الدوال تحياتي لكم اقتباس رابط هذا التعليق شارك المزيد من خيارات المشاركة
Ahmed_oracle بتاريخ: 28 فبراير 2009 تقديم بلاغ مشاركة بتاريخ: 28 فبراير 2009 الأخ / babbypirateشكرا لك على الجهد المتميز ... واسلوبك المميز فى الشرح لقد كتبت المعادلة الحسابية وكان الناتج كالتالي SQL> select 1-4+(9-4)*4+3 value from dual; VALUE --------- 20 اقتباس رابط هذا التعليق شارك المزيد من خيارات المشاركة
babbypirate بتاريخ: 28 فبراير 2009 كاتب الموضوع تقديم بلاغ مشاركة بتاريخ: 28 فبراير 2009 أنا اسف يا شباب على الخطأ اللي حصل تقريبا الاوراكل ما بيعرفش السالب و لو جربناها على الاوراكل هيدينا الناتج 20 كده في ناس شغاله و انا اسف على الغلط تحياتي لكم و شكرا لك يا احمد _ اوراكل انتظروني في الدرس الجديد اقتباس رابط هذا التعليق شارك المزيد من خيارات المشاركة
babbypirate بتاريخ: 2 مارس 2009 كاتب الموضوع تقديم بلاغ مشاركة بتاريخ: 2 مارس 2009 محدش عايز يشتغل ولا ايه ؟؟ على العموم الدرس خلص و مستني التفاعل تحياتي لكم اقتباس رابط هذا التعليق شارك المزيد من خيارات المشاركة
جلال شواقفه بتاريخ: 4 مارس 2009 تقديم بلاغ مشاركة بتاريخ: 4 مارس 2009 مرحبادرسك جميل ومواضيع مميزهاستمر لاجل الاعضاء الجدد وشكرا لك اقتباس رابط هذا التعليق شارك المزيد من خيارات المشاركة
babbypirate بتاريخ: 8 مارس 2009 كاتب الموضوع تقديم بلاغ مشاركة بتاريخ: 8 مارس 2009 ان شاء الله هستمر بس اعذروني عشان ظروف العمل تقبلوا تحياتي اقتباس رابط هذا التعليق شارك المزيد من خيارات المشاركة
babbypirate بتاريخ: 4 أكتوبر 2009 كاتب الموضوع تقديم بلاغ مشاركة بتاريخ: 4 أكتوبر 2009 ورجعنالكم من جديد و ان شاء الله هنواصل مسيرة تعلم اوراكل اسف على الغيبه الطويله لظروف خارجه عن ارادتي و ان شاء الله هحاول على اقد ما اقدر اني اعمل الدروس و ارفعها لكم عشان الكل يستفيد ان شاء الله هعمل مراجعه على الدروس اللي فاتت ع الماشي كده عشان الناس تفتكر و نبدا علطول في الدروس الجديدة تقبلوا تحياتي و مروري اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.