تعرف و تعلم ال Adf بسهولة و خطوة بخطوة

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين

---------------

تعليم Oracle ADF خطوة بخطوة

اسئلة لازم نرد عليها قبل ما نبدا ان شاء الله

1- هو ايه ال ADF
2- هو ايه الفرق بين ال ADF و ال J-Developer
3- وهل هو داتا بيز ولا ايه
4- وايه الفرق بينه وبين ال Forms & Report
5- وهل هو هيلغي ال Forms & Report
6- اهم سؤال ازاي اتعلمه
7- قصة حياة ال ADF

نبدا بسم الله الرحمن الرحيم

1- هو ايه ال ADF
هو مكتبة أكواد او تطبيقات جاهزة ( كومبوننت - Component ) تساعد المبرمج علي اداء أعمال البرمجة بسرعة اكبر وجهد اقل مع توفر الاتقان و الاحترافية في العمل .

2- هو ايه الفرق بين ال ADF و ال J-Developer
بكل بساطة علشان استخدم ال ADF بالطبع محتاج ال IDE وهي بيئة تطوير متكاملة يعني علشان اكتب ال ADF وابني مشروعي محتاج الي IDE وال J-Developer ما هو الا IDE بنكتب جوه ال ADF .
:: مثل ::
انا لو عاوز اكتب اكواد ال Asp.net او ال C# بعمل ايه بفتح ال Visual Studio واكتبهم
هو دي تمام اللي احنا بنعمله لما نكون عاوزين تكتب ال ADF بنفتح ال J-Developer ونكتبه فيه.
::مثل تاني::
انا لو عاوز اعدل علي صورة بعمل اية بفتح ال PhotoShop وابدا اعدل علي الصورة هو ده اللي احنا بنعمله
علشان ابني مشروع بال ADF بعمل اية بفتح ال J-Developer وابني مشروعي اتمني الفكرة تكون وصلت

وال J-Developer ما هو ال IDE زي ال Eclipse و ال NetBeans

3- وهل هو داتا بيز ولا ايه
لا طبعا زي ما قولت لحضرتك من قبل هو مكتبة اكواد جاهزة للاستخدام.

4- وايه الفرق بينه وبين ال Forms & Report
الفرق كبيرة من عدة نواحي

::1:: الناحية البرمجية ال ADF بنستخدم لغة ال Java لبرمجة مشروعنا أما ال Developer بنستخدم PL/SQL

::2:: تقنيات أضافية في ال ADF – Java Script و Ajax موجودين فيه Put In وتقدر تتعمل معهم بكل سهولة حتي لو لم تكون عرفهم خالص وهذه الميزة معدومة في ال Developer

::3:: ناحية انشاء المشروع ال ADF تستطيع تبني مشروعك في 15 دقيقة فقط بدون اي تعقيد بسهوله متنهيه وده ان شاء الله هو هدفي من هذه الكلمات اسال الله ان تكون خالصه لوجه اما ال Developer مش سهل مقارنة بال ADF وبه تعقيدات كثير عكس ال ADF

::4:: ناجية الجمال في التصميم بال ADF تستطيع تعمل ارقي التصميمات لمشروعك بكل سهوله بعكس ال Developer الذي يفتقد الي الناحية الجمالية والتصميم الانيقة

::5:: ناحية الاعدادات شاشات اليوزر ففي بعض الحالات متطالب من مبرمج ال Developer تكرار اعداد مشروعه علي شاشات اليوز اما في ال ADF المبرمج مسيطر علي المشروع وهو في مكانه وكذالك جهاز اليوز في ال Developer بتكون لها مواصفات خاصة اما ال ADF فكل المطلوب جهاز اليوزر بيشغل Browser بس ونهيك علي سهولة الشاشات لليوزر في ال ADF علي عكس ال Developer

::6::ناحية تشغيل الشاشات ال Forms لازم تسطب ال JInitiator علشان الشاشات تشتغل اما في ال ADF كل اللي انت محتاج متصفح بس

::7:: ناحية التطوير في ال ADF التعديل اللي بتعمله في الابلكيشن بيتم علي كل الشاشات علي عكس ال Developer
لما نكون عاوزين نعمل تعديل او تطوير لازم نعمله علي شاشة شاشة .

::8:: ناحية البيانات يعني رابط الداتا بيز بالشاشات الامر في ال ADF سهل للغاية علي عكس ال Developer

::9:: وتوجد فرقات كتير اخري هنكتشفها واحنا شغلين ان شاء الله

5- وهل هو هيلغي ال Forms & Report
طب بعد كل الفرقات وهي شئ يسر من الفرقات الكبيرة بينهم هل ممكن الكلام ده يحصل طبعا دي امر في علم الغيب
علي الرغم ان اوراكل اعلنت عن هذا الا ان الامر يصبح كلام بس لماذا لان اوراكل الان بتدعم ال Developer دعم كامل وكذلك بتحديثه وبتصدر له اصدارات جديد فهذا الامر مستبعد في رائي ولو صح اوراكل هتلغي مش هيكون في القريب .

6- اهم سؤال ازاي اتعلمه
علشان تتعلم ال ADF

::أولا:: تعزم النية وتقول لنفسك اني قادر علي اني اتعلمه وتستعين بالله وتتوكل عليه وتاخذ بالاسباب.

::ثانيا:: لازم تكون عارف SQL علشان هي الاساس شغلنا من البداية.
طبع انا مش هشرح ال SQL علشان متوفر شرح جدا من البشمهندس تامر نبيل جزاه الله خير
الشرح موجود علي هذه الروابط وهو هيبدا معك من تحت الصفر

او الرابط ده http://gatewaycourse...eo_cat_name=All

::ثالثا:: لازم تكون عارف J2SE وهي (Java Standard Edition ) وكمان ال OOP وهي (Object-oriented Programming ) .
طبع انا مش هشرح ال J2SE و OOP علشان متوفر شرح جدا من البشمهندس محمد ياسين جزاه الله خير
الشرح موجود علي هذه الروابط وهو هيبدا معك من تحت الصفر ايضا

او http://www.apps-stuff.com/

::رابعا:: تكون عارف J2EE وهي (Java Enterprise Edition ) وهنعمل أغلب شغلنا بيها
وده موضوعنا هنا انا مش هشرحه من البداية انا هشرح ال ADF عطول
ودي دورة للبشمهندس مصطفي ماجد جزاه الله خير لل ADF
http://www.araboug.o...showtopic=47945

::خامسا:: وده اختياري تكون عارف ال HTML و ال CSS علشان تكون فاهم وانت بتكتب الكود وكمان علشان تقدر تعمل التصميم راقي لمشروعك.
طبع انا مش هشرح ال HTML و ال CSS علشان متوفر شرح جدا من البشمهندس نور جزاه الله خير
الشرح موجود علي هذه الروابط وهو هيبدا معك من البداية
رابط ال HTML

وال CSS علي الرابط ده

7- قصة حياة ال ADF – مهمه جدا الكلمات القادمة دي
هنا انا بتحديد هتكلم عن النقطة الرابعة الماضية اللي هي J2EE

بدات J2EE بحاجة اسمها Servlet وكنا بنكتب اكواد ال HTML وال Java معا بطريقة معقدة جدا وبعد فترة تمام تحديث ال Servlet الي JSP وهي (Java Server Pages) وكنا ايضا بنكتب اكواد ال HTML وال Java معا لكن بطريقة أقل تعقيد من الماضي وكان كل شئ صغير كان ام كبير بنكتبه بالكود وكان الامر مرهق للغاية.

وبعد فترة قامت شركة صن بتحديث ال JSP الي ال Struts وفي نفس الوقت قامت شركة ميكرو سوفت باصدار ال Asp.net واصدارت ال Visual Studio وهي IDE وكان ده ثورة في عالم البرمجيات مما ادي الي اتجاه المبرمجين
الي ال Asp.net لتمتعها بالسهولة .

في الوقت ده شعرت شركة صن بتهديد القادم من ال Asp.net فقاموا بتحديث ال Struts الي ال JSF وهي (Java Server Faces ) بالتعاون مع شركة اوراكل و IBM وهذا احدث ثورة في عالم الجافا لتمتع ال JSF بسهولة كتابة الكود والفصل بين اكواد ال HTML واكواد ال Java

ولكن كان يعيب الي ال JSF قلت الكومبوننت اللي هي الاكواد الجاهزة لتسهيل علي المبرمجين او اللي بيسمها دراج ودروب (Drag & Drop ) شركة صن عملت 45 كومبوننت وده عدد بسيط جدا

ولكن شركة صن عملت حركة جميلة اوي قلت اللي عاوز يزود كومبوننت يزود بس وفق شروط وضوابط شركة صن وضعتها وبقي الحال علي هذا الي ان تمام بيع شركة صن الي اوراكل 2010 فقام اوراكل بتطوير ال JSF وعملت ال ADF وضافت 255 كومبوننت عدد ضخم جدا كل اللي انت عارف واللي مش عارفه هتلقي سهلت الامر خالص

الخلاصة
يعني ال ADF في الاساس Servlet تم تحديثه الي JSP تم تحديث ده كمان ال Struts ثم ال JSF ثم قامت اوراكل بعمل عدد ضخم من الكومبوننت وضفته ال JSF وسمته ال ADF واوراكل انتاج IDE اللي هي ال J-Developer لاستخدام ال ADF وملحوظة ال J-Developer لي أستخدامات اخري كتير غير ال ADF اتمني من الله تكون فكرة ال ADF وصلت لكم ان شاء الله .

- وهو ده شكل كومبوننت ال Jsf وعددهم 45 بس

شكل الكومبوننت ال ADF وعددهم 255 والاصدار ال R2 عددهم 300

كان انتهي الدرس الاول وهو التعرف علي ال ADF وايه فكرته

وان شاء الله انا هكمل الشرح وانتظار تعليقاتكم علي طريقة الشرح وهل اكمل وله كدا كفاية عليه

وان شاء الله انا هنزل الدرس التاني قريبا جدا وهو تحضير الادوات اللي هنشتغل بها ان شاء الله

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

تم تعديل 19 نوفمبر 2012 بواسطة AhmadSaid

[AhmadSaid]

ان شاء الله شاشات مشروعنا هتكون بهذا الشكل





يتبع ان شاء الله

تم تعديل 19 نوفمبر 2012 بواسطة AhmadSaid

[helal_10g]

رائع جدا فعلا أنا أستفدت كثير من المقدمة الرائعه جزاك الله خيرا

[AHMED MAHMOUD HUSIEN]

بارك الله فيك و ربنا يجعلة في ميزان حسناتك

[az123]

جزاك الله خيراً

[mmsalman87]

موضوع جميل اتمنى الاستمرار وشكرا

[فارس الناغى]

بارك الله فيك وجزاك الله خيراً

[abu_jameel]

توكل
على بركة الله

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين
---------------

شكرا اخواني علي الردود واتمني الموضوع يكون مفيد لكم

الدرس التاني

:: تحضير الادوات اللي هنشتغل بها ان شاء الله

1- تنزيل الجافا JDK وهي ( Java Development Kit ) وده الاصدار الخاص بالمبرمجين
اما ال JRT وهي ( Java Runtime ) الاصدار الخاص بالمستخدمين تقدر تنزل اي اصدار من هذا الرابط http://jdk7.java.net/download.html
احنا هنستخدم ال JDK التسطيب سهل شغال Next و Next
وفي الاخر Finish

بعد التسطيب لازم تعمل الاعداد ده لان بدونها الجافا ملهش لازمة علي جهازك
ادخل علي المسار ده C:\Program Files\Java\jdk1.7.0_02\bin وهو المسار الافتراضي لتسطيب الجافا
طبعا ممكن الاسم ده jdk1.7.0_02 يتغير مع تحديث الاصدار وبعدين أنسخ المسار ده بالضغط علي Ctrl + C
او اضغك كليك يمين واختار Copy

وروح أضغط علي My Computer كليك يمين واختار اخر اختيار Properties هتظهرك الصفحة
اختار Advanced وبعدين أضغط علي Environment Variables كما في الصورة



وبعدين



وبعدين اضغط Ok في Ok

2- تنزيل قاعدة البيانات Oracle 10g R2 من هنا http://www.oracle.co...oads/index.html
لمعرفة التسطيب في الدرس التاني من كورس ال SQL لبشمهندس تامر نبيل
وده موضوع لي بشرح في طريقة تسطيب قاعدة البيانات في مصر
http://www.araboug.o...=50270&hl=تسطيب

3- تنزيل ال IDE اللي هي ال J-Developer من هنا
http://www.oracle.co...oads/index.html
تسطيبه مفهوش تعقيد كله Next في Next .......... في Finish في الاخر يعني في اللذيذ

وده كمان درس لبشمهندس محمد ياسين بشرح طريقة الشرح
http://www.youtube.com/watch?v=mWWTIxxlC98&list=PLBA85A8EEAADE45F2&index=1&feature=plpp_video

بس في حاجة لازم تعملها مهم جدا وهي ضبط الذاكرة الافتراضية ال Virtual Memory
والحركة دي مهمة جدا لو هتسطب ال Database او ال J-Developer

روح أضغط علي My Computer كليك يمين واختار اخر اختيار Properties هتظهرك الصفحة
اختار Advanced وبعدين أضغط علي Settings الاولي كما في الصورة



وبعدين



وبعدين



وبعدين Ok وكمان Ok واخر Ok عادي خليها عليك الجهاز هيطلب اعادة تشغيل Restart
ماشي خلي يعمل اعادة تشغيل كدا كل شئ تمام

- ملحوظة : لازم طبعا علشان تسطب ال J-Developer علي جهازك تكون الرامات علي الاقل 2 جيجا
مش هيشتغل معك بكفاءة عالية وكذلك هتشعر بالبطء الشديد لو كان جهازك رامات اقل من 2 جيجا والبروسور
مش اقل من Core 2 Duo وطبعا كل ما امكانيات جهازك تكون احسن فدة افضل واسرع في الشغل

كدا الدرس التاني أنتهي وهو التحضير للعمل

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

يتبع ان شاء الله

تم تعديل 21 نوفمبر 2012 بواسطة AhmadSaid

[DBProgrammer]

الاخ احمد سيد جزاك الله خير الجزاء على هذا الشرح الوافي ونتمنى الاستمرار بهذا الاسلوب الممتع والمتدرج .

لي سؤال لو سمحت :

بخصوص ال PL/SQL هل ممكن تضمينها وكتابتها داخل الـADF ؟؟ ام فقط ايعازات ال SQL يمكنها العمل داخل بيئة JDeveloper ؟

وبارك الله فيك ثانية .

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين
---------------

الدرس التالت
:: بناء مشروعنا بأستخدام ال ADF في 15 دقيقة بس ان شاء الله

اولا حاجة هنعملها هي انشاء ال Business Components واتصال ال Database بال J-Developer

نبدا بسم الله الرحمن الرحيم

هنفتح ال J-Developer من قائمة Start



وبعدين



اضغط Ok
هيفتح ال J-Developer معك كمل
لو اول مرة تفتح ال J-Developer هتظهرلك صفحة البدء دي اقفلها



واضغط New Application وبعدين نفذ اللي في الصورة



اختار Web Application ADF
هتظهرلك الصورة دي كمل



اضغط Finish كدا احنا تمام



الابلكيشن هيظهرلك كدا اقفل صفحة البدء عادي مش هنستخدمها في حاجة
كدا احنا انشاء ال Application دلوقتي هنعمل ال Business Components




اختار ال ADF Business Components
وبعدين اختار Business Components from Tables بعدين اضغط Ok



هتظهر صفحة طلب الاتصال بالداتا بيز



هنا بيطلب الاتصال بالداتا بيز كمل مع الصور اضغط علي الزر الاخضر



خد بالك لازم تظهرلك كلمة Success علشان تتاكد انه تم الاتصال بينهم

يتبع في المشاركة القادمة ان شاء الله

تم تعديل 21 نوفمبر 2012 بواسطة AhmadSaid

[AhmadSaid]

لو ظهرلك الصورة دي كدا انت تمام
كدا احنا هنبدا نعمل ال Business Components



لو ما ظهرتش معك الجداول اضغط علي Query علشان تظهر



هنسمى ال Package ده ب DML علشان ال Entity Object المسؤل عن تنفيد عبارات ال DML اللي هي
Insert , Update and Delete ……..



هنسمى ال Package ده ب Query علشان ال View Object المسؤل عن تنفيد الاستعلامات ال Select
وحول الجداول من ال Available الي Selected لاننا هنفيذ عليهم الاستعلامات وبعدين Ok



هنا بيطلب منك اي الجدول اللي Read-Only احنا هنا هننقل جدول ال Jobs وبعدين اضغط Next



هنا بيطلب مني اسم Package ال App-Module أمسح كلمة Query كل ده للتنظيم بس يعني انت لو ما عملتهوش عادي بس الابلكيشن هيكون مبهدل فالاحسن نشتغل صح



ويعدين هتظهر صفحة ال Diagram عادي اضغط Next

كدا تمام انشائنا ال Business Components بكل سهولة واتصالنا بالداتا بيز



ودي نتيجة اللي هتظهر لك كما تري كل حاجة لوحدها في Package خاص بها علشان نشتغل علي نضيف ان شاء الله



كدا الدرس التالت أنتهي الحمد لله
الدرس القادم الرابع بناء الشاشات بكل سهولة ان شاء الله

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

يتبع ان شاء الله

اما بالنسبة لرد اخي الفاضل

الاخ احمد سيد جزاك الله خير الجزاء على هذا الشرح الوافي ونتمنى الاستمرار بهذا الاسلوب الممتع والمتدرج .

لي سؤال لو سمحت :

بخصوص ال PL/SQL هل ممكن تضمينها وكتابتها داخل الـADF ؟؟ ام فقط ايعازات ال SQL يمكنها العمل داخل بيئة JDeveloper ؟

وبارك الله فيك ثانية .

بخصوص ال PL/SQL طبعا نقدر نستخدمها مع ال ADF
بس الموضوع ده متقدم جدا في ال ADF

بس لو عاوز تشوف مثل ده درس البشمهندس محمد ياسين
بشرح طريقة استخدام ال PL/SQL مع ال ADF
اتمني لك مشاهدة مفيدة و ممتع

الدرس الاول

الدرس التاني

تم تعديل 21 نوفمبر 2012 بواسطة AhmadSaid

[mmsalman87]

شرح جميل ومبسط بارك الله فيك

[DBProgrammer]

الاخ المبدع احمد السيد جزاك الله خير على ردك وفعلا فيديو رائع .
استمر وفقك الله متابعين معك ان شاء الله .

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين
---------------

اعتذار عن التاخير سامحني

الدرس الخامس
اعداد ال Entity Object يعني عبارات ال DML

أفتح ال J-Developer
افتح الابلكيشن ونفذ الاتي



ما دام Entity Object يعني اروح علي طول ال Package ال hr.model.dml





اعداد ال Validation علشان نحدد الراتب لا يكون اقل من صفر ولا اعلي من 99 الف



ولو اليوز ادخل قيمة غير اللي حددنها هتظهر الرسالة دي



علشان نخلي التاريخ الحالي للجهاز هو ال Default في الابلكيشن ( تاريخ جهازك )
أختار عمود ال Hire Date ومن ال Details
اضغط علي ال Expression وأكتب الاتي adf.currentDate كما ترها علشان لو غلط في كتبتها مش هتشتغل



واضغط علي ال UI Hint وعدل ال Format Type واكتب الصيغة
والصورة دي لتحديد صيغة التاريخ ياريت تكتب الصيغة كما ترها
وبعدين اعمل Run



وده الشكل النهائي بعد الانتهاء من الاعداد وعمل Run وهتجد ان صيغة التاريخ اتغيرت

ودلوقتي هنختبر شغلنا



لو دخل اليوز صيغة غير اللي احنا حددنها هيظهرله الخطا ده ويدله مثل للصيغة المحددة


وعلشان ما نتعبش اليوزر يضغط علي شكل النتيجة هيظهر له تاريخ الشهر يضغط علي اليوم اللي عاوزه الابلكيشن هيتكفل بكتابه التاريخ بالصيغة المحدده مسبقا



لو اليوز وضع قيمة في الرتب غير المحددة هتظهرله الرسالة اللي كتابنها

يتبع في المشاركة القادمة ان شاء الله

تم تعديل 24 نوفمبر 2012 بواسطة AhmadSaid

[AhmadSaid]

والاسهم دى هي عملية ال Sorting اللي هي ترتيب القيمة تنازلي او تصاعدي



واليوز ممكن ينقل العمود كما يحب ويرتبهم براحته وكما يحب
كما تري عمود ال E-mail اتنقل



والمنطقة الفارغة دى هي عملية ال Filtering وهي لعمل تصفية ( بحث ) للبيانات



افتح نافذة ال Structure بالضغط عليها مرتين واختار الجدول ومن الخصائص
غير ال ColumnSelection من ال Default الي Single وده علشان نعمل تجميد للاعمدة

- وكدا تمت الاعدادات بس ناقص نضيف ال Graph



من ال Data Controls اختر ال EmployeesView3 واسحبها الي ال More Info
واختر ال Graph وبعدين هتظهر الشاشة دي




وبعدين اعمل Run



اعمل Run وشوف اللي حصل



ده هو شكل الابلكيشن بتاعنا بعد اضافة الاعدادات وال Graph



والصورة دي بتبين لماذا عملنا ال Single لاظهار ال Freeze وهي خاصية بتمكن اليوزر من تجميد العمود او اكثر كما تري احنا مجمدين اول 3 اعمدة وتقدر تحرك الاعمدة الاخري كما تريد

وبكدا انتهي الدرس الخامس ولله الحمد

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

يتبع ان شاء الله الدرس السادس ::بناء شاشة البحث::

[mmsalman87]

مجهود رائع بارك الله فيك واتمنى الاستمرار

[osamam84]

جزاك الله خير على المجهود العظيم وربنا يجعله فى ميزان حسناتك

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين
---------------

اعتذر بشدة لاني ضفت الدرس الخامس قبل الرابع و هذه بدون قصد

واشكر كل من رد علي الموضوع واتمني الموضوع يكون مفيد للجميع ان شاء الله

الدرس الرابع
::بناء شاشات اليوزر::

في الدروس الماضية عرفنا ايه هو ال ADF والادوات المستخدمة وتم ربطه بالداتا بيز
وتم انشاء ال Business Component

والان ان شاء الله هننشاء اول صفحة Jsf

نبدا بسم الله الرحمن الرحيم

افتح ال J-Developer
وبعد فتحه تابع الصور



اضغط كليك يمين علي ال View Controller وبعدين اضغط علي New


هتظهرلك الصفحة القادمة



اكتب اسم الصفحة واختار Blank Page وبعدين Ok



الف مبروك كدا انت عملت اول صفحة Jsf لك كمل

هنضيف الكومبوننت للصفحة


كدا احنا هنبدا الشغل العملي اسحب ال Panel كما هو موضح امامك انت لما تسحب ال Panel هتظهر كما تري





خد بالك الصفحة فيها شغل كتير اتبع الارقام وخد بالك من الاختيار رقم 3 علشان يتم ال Panel Splitter
تكون عمودي كما يظهر لك في الجزء الاول First اما الجزء الثاني Second





كدا احنا عملنا تصميم الشاشة بدون ان نكتب سطر كود واحد
ودلوقتي هنتعامل مع ال Data Controls اللي هي ال Business Component



يتبع في المشاركة القادمة ان شاء الله

[AhmadSaid]

علم علي ال Include Navigation Controls علشان يظهر ازرار ال First :: Previous :: Next :: Last



اهم حاجة وانت بتتعامل مع ال Data Controls تخد بالك انت وقف فين اوقف علي ال EmployeesView3
واسحب علي ال Panel Collection



واختار 1 و 2 كدا تمام



نفذ الاختيارات 1- لاختيار صف واحد
2- لعمل الترتيب اما تصاعدي او تنازلي
3- لعمل تصفية ( بحث ) للبيانات



اوقف علي ال EmployeesView3 واسحبه علي ال Panel Tabbed واختار 1 و 2



الاعمدة اللي متعلم عليها بالازرق اضغط ال ( X ) اللي بالاحمر علشان تحذفها
وممكن ما تمسحش ولا عمود وده الافضل
علم علي ال Include Submit Button علشان يظهر لك زر ال Submit (نفذ)



الشكل النهائي للتصميم



وبعدين اضغط كليك يمين علي الصفحة وبعدين Run وانتظار حتي يتم تشغيل الابلكيشن ربما تاخذ بعد الوقت لا تقلق



لو اول مرة تعمل Run هتظهرلك الصفحة دي وهنا بيطلب منك اسم الدومين ورقم السري بتاعي ال Web Logic
كل اللي انت هتعملوا اكتب الرقم السري واتاكد انه اخترت ال Local Host وبعدين اضغط ok هيشتغل معك ان شاء الله



وهو ده شكل الابلكيشن النهائي وذلك بدون كتابة سطر كود واحد
وان شاء الله في الدرس القادم هنعمل بعد الاعدادات الهامة

كدا الدرس الرابع أنتهي ولله الحمد

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

يتبع ان شاء الله الدرس القادم السادس ::بناء شاشة البحث::

تم تعديل 24 نوفمبر 2012 بواسطة AhmadSaid

[mmsalman87]

شكرا جزيلا وبارك الله فيك مجهود يستحق الشكر

[AhmadSaid]

بسم الله الرحمن الرحيم

اللهم علمنا ما ينفعنا وانفعنا بما علمتنا يا رب العالمين
---------------

الدرس السادس
::بناء شاشة البحث::

وفي هذا الدرس هنبي صفحة Jsf تانية وهتوصلها بالاولي

يلا نبدا ونقول بسم الله الرحمن الرحيم

أفتح ال J-Developer









احنا بنعمل كدا علشان نختار Temple ( شكل ) وهو قالب مصمم من قبل اوراكل وده ممكن احنا ننشائه عادي



وده الصورة النهائية اضغط اوكي



خالي بالك يا اخي حفظك الله وانت بتتعامل مع ال Data Controls انت وقف فين
علشان لكل جدول عمليات خاصة بي تختلف عن الجدول التاني



1 و 2 و 3 احنا عرفنا ليه بنختارهم وممكن ما نختارهمش عادي



وده شكل الصفحة النهائية



Run الصفحة وشوف الناتج



وده هو الناتج بعد ال Run ان شاء الله
وزر اللي بالاخضر يعني البحث علي الوضع Basic ولو ضغط عليه هيديك الوضع ال Advance
وهتجد به اختيارات اللي ظهر امامك في الصورة وجرب انت وشوف بنفس يا هندسة

الدرس السادس كدا انتهي هندخل في درس مهم جدا وهو ربط الصفحات بعضها ببعض ان شاء الله

<< سبحانك اللهم وبحمدك أشهد ان لا اله الا أنت أستغفرك وأتوب اليك >>

يتبع ان شاء الله الدرس السابع ::ربط الشاشات::

[DBProgrammer]

جزاك الله خير وبارك لك في وقتك وعلمك

[az123]

موضوع متميز
ربنا يبارك لك
نتمنى انت تستمتر هذه الدروس الرائعة

[Amgad]

السلام عليكم ورحمة الله
الاخ / احمد

شكرًا لك على هذا الجهد لعمل متميز من عضو متميز

جزاك الله خيرا ....
بارك الله لك في علمك ووقتك وجهدك

تم تثبيت الموضوع لكي يستفيد جميع الاعضاء