الانتقال إلى المحتوى

عندى مشكلة وارجو منك انكم تساعدونى فى حلها


yasmen hamdy

Recommended Posts



بسم الله الرحمن الرحيم

انا خريجة كلية تجارة المنصورة

وقرات وبحثت عن الاوراكل كتير

ونزلت شروحات كتيرة عن sql و plsql

وحبيت انى اخد دورة معتمدة عن الاوراكل كلها

وسمعت ان فيه منحة مقدمة من كلية هندسة المنصورة

عن الاوراكل كلها

واتصلت عشان احجز الدورة وقالوا ان ادامى شهر عشان ادخل فى مجموعة جديدة

بس هما قالولى ان فيه مجموعة موجودة حاليا ممكن ادخل معاهم بس هما خلصوا ال sql كلها

وهيبدأوا فى plsql وال forms وال reports

وقالوا ليا ممكن بعد ماخد معاهم ده

ارجع اخد ال sql بعد كده مع اى مجموعة جديدة

وقالوا ان الشهادات معتمدة من كلية هندسة جامعة المنصورة

وموثقة فى الخارجية المصرية وبيعطوا كمان معاها شهادة خبرة

وعاملين خصم 70 %

والدورة كلها هتتكلف بالامتحانات الف جنيه بس


فانا عندى سؤالين

اخد الدورة مع المجموعة اللى شغاله حاليا وادخل معاهم على طول فى plsql

وبعد كده اخد ال sql مع اى مجموعة جديدة بعد كده

ولا استنى مع المجموعة الجديدة اللى لسه ادامها شهر عشان تبدأ


مع العلم ان عندى خلفية بسيطة عن ال sql نزلت بعض شروحتها من النت وعندى خلفية عنها بسيطة


والسؤال التانى

الشهادات دى لما تكون معتمدة من كلية الهندسة وموثقة فى الخارجية

هل زيها زى الشهادات اللى متوثقة فى شركة اوراكل نفسها

ولا ايه رايكم

اخد الدورة ولا اشوف مركز تانى بيديها وبيدى امتحانتها ومعترف بيها فى الاوراكل


اسفه جدا جدا على الاطالة وبجد اعذرونى

ومحتاجه فعلا رايكم جدا جدا

رابط هذا التعليق
شارك

ادخل الدورة بس من الاول علشان مش تاخد حاجة قبل حاجة تانى هتتلخبط دى حاجة


الحاجة التانية على حد علمى ان الشهادة دى طبعا مش زى شهادة الاوراكل
بس انت ابدئ بيها علشان شهادة الاوركل من شركة اوراكل دة تكاليفها كتير ممكن مش تنجح فى الاختبار من الاول لازم تكون متمكن
وفى الحالة دة تكون الفلوس اللى انت دفعتها راحت عليك
وانت فى شركة اوراكل بتبدئ فى مركز تدريب برة وتروح الاختبار فى شركة اوراكل بعد كدة
يعنى الشهادة من الكلية كويسة بدام معتمدة وممكن بعديها تروح تختبر فى شركةاوركل
وربنا معاك
بس لازم تعرف اهم حاجة انك اول ما تحط رجلك على الخط مش تشلها لحظة اصل هتوة عبدل ما ترجع تانى
والله معك وتتوفق ان شاء الله

تم تعديل بواسطة ahmedatif1985
رابط هذا التعليق
شارك



ميرسى لردك ولمساعدتك ليا

ربنا يوفقك

وانا هعمل بكلامك

بس انا عندى سؤال ايه هى الشركات اللى فى مصر اللى بيدبوا فيها بعد حصولهم على الاوراكل

رابط هذا التعليق
شارك

فى الحقيقة لا اعلم انا اخدت الدورة مع دكتور فى كلية حاسبات


وكنت لوحدى علشان شغل فى قطر بس ربنا مش وفقنى لية
وبعديها سفرت السعودية ومن حوالى شهر رجعت للاوراكل تانى اراجع علية لقيت انى مش اعرف حاجة
علشان انا سبت الطريق فتعبت وحتى الان بحاول ارجع ولسة فى حجات كتير مش فكرها
واهم حاجة تاخد بالك منها ومهمة جدا ان المكان اللى تاخد فية الدورة لازم تعمل فى الاخر مشروع كامل ولو بسيط يلم كل اللى انت عرفتة فى الدورة علشان لما تحب تفتكر حاجة ترجع لية هتفتكر على طول
ولازم تعرف حاجة مهمة الطريق لازم مش تسينة ابدا هتتعب وبدام دخلت فى البرمجة تنسى اى حاجة فى الكمبيوتر تانى بس تعرف حجات سطحية وتمسك فى حاجة وحدة وهى البرمجة علشان مش تلخبط نفسك انت تتمكن فى حاجة دى كويس
وشوف اى حاجة تعرفها هتحتجهاولو كلمة بسيطة لو حتى & مش تستهون بيها وكل حاجة هتستخدمها مش تقول دى هستخدمها فى اية ولا لية
وربنا معاك :) :(

رابط هذا التعليق
شارك

السلام عليكم
لا با اخى اصبر احسن .SQL حاجه اساسى ....
تمن الكورس الف جنيه لو الكورس كامل سيكول وبى ال وفورمز وريبوت ده كده سعر ممتاز وعشات تروح اى مكان من غير شهادات اساسا اقل حاجه 500 جنيه لكل تراك يعنى SQL بى 500 وهكذااا.
قصه الشهادات مش مهمه فى كلا الحالات ان كانت من اوركال او بره ...............
و الشهاده اللى معتمده فى التراك ده هى OCA ,OCP اى شهاده تانيه لايعترف بيها في اى شغل حتى لو شهاده حضور من اوركال نفسه .وبعضين بعض الشركات مش يهمها انك تكون عندك شهاده اساسا وكل الشركات لازم تكون مع الشهاده واحد فهام لان شهاده(حاجه اوركال بتكسب منها و الشركات عشان تاخد شهادات جوده لازم تكون المبرمجين معتمدين ).يعنى الشهاده ماهى الا شكل عام بس .
ده مجرد اجتهاد قابل للصحه و الخطاء .
بالتوفيق

رابط هذا التعليق
شارك

يا عم انا تحت امرك ولو محتاج اى حاجة انا موجود ولو احتجة اى مساعدة انا موجود


ودة الايميل بتاعى ابعتلى علية علشان انا ممكن مش اشوفك فى المنتدى
[email protected]
وربنا معاك

رابط هذا التعليق
شارك

السلام عليكم ورحمة الله وبركاتة


اختى فى الله نصيحة الى وجه الله تعالي لا تدخلى الدورة من النصف لان الsql اساس اوركال لان الpl/sql معتمد كتير على sql انا فعلت هذا الخطاء فى اول حياتى الدراسية بس الحمد لله لحقت نفسى بسرعة انا والله بنصحك الى وجه الله تعالى وربنا يوفأك ان شاء الله الى ما يحبة ويرضاة


رابط هذا التعليق
شارك

السلام عليكم
اولا لو مصصمة تخدى اوركل ديفلوبر فا لازم تخدى sql الاول لان plsql مبنى تماما على ال sql

ولو عاوزة شكركات فى المنصورة شغالة اوركل عندك شركة شومان وفية شركة تانية مش متزكر اسمها هى شركة software house

ثانيا انا هقولك على حاجة ودى مجرد نصية انا بقالى فى المجال دة حوالى 4 سنين وواشتغلت اوركل ديفلوبر ومازلت شغال اوركل ديفلوبر بس على e_Business suite

نصحتى انك تتجهى e_business suite

وبعدين انتى تجارة ممكن تدخلى مديول الفيننشل ودة مستقبلة جامد ومطلوب فى مصر واسعارة عالية جدا

اما انك لسة هتدرسى اوركل ديفلوبر ولسة هتشوفى شغل هياخد وقت واسعارة فى مصر مش اد كدا

شوفى السوق عاوز اية وخدى فية
وربنا يوفققك

رابط هذا التعليق
شارك

انا بصراحة ونصيحة لوجه الله تعالى انك تمتثلى قول الله عز وجل للنساء وقرن فى بيوتكن ومتتعبيش نفسك لأن موضوع البرمجة مش سهل وفى الأخر هتلاقى نفسك قعدتى فى البيت واتجوزتى وتعبتى عالفاضى ومن خلال عملى فى المجال ده 5 سنين تقريبا ماشفتش بنات فى اى شركة اشتغلت فيها

رابط هذا التعليق
شارك

السلام عليكم ورحمة الله وبركاته


اسمحولى أن ابدى رأيى فى سؤال أختى العزيزة لو انتى مستعجلة وضرورى تحصلى علسها بإذن الله ممكن تدخلى من دلوقتى تكملى مع المحموعة وتاخدى sql من المنتدى هنا التعليم والروابط بحيث تلحقى اللغة مع الاوراكل ولما تخلصى باذن الله يبقى مخسرتيش حاجة وتاخدى تانى الاس كيو ال وكأنها مراجعة هذا فقط لمن هو متعجل فى امره وجزاكى الله خيرا ووفقك

رابط هذا التعليق
شارك

  • بعد 5 أسابيع...

وعليكم السلام
انا محمد من المنصورة
أنا بنصحك تاخد الكورس كله بر الجامعة
وتبدء من الاول علاشان كورس الاوراكل متسلسل بمعني
مش هتفهم PL/SQL إلي إذا درسة SQL
وفيه شركة عند بوابة الجلاء
إسمها المصرية لقواعد البيانات كويسين جداً
سلام
[email protected]

رابط هذا التعليق
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

جاري التحميل
×
×
  • أضف...

برجاء الإنتباه

بإستخدامك للموقع فأنت تتعهد بالموافقة على هذه البنود: سياسة الخصوصية