عندي سؤال بخصوص Oracle Developer

[z i k a]

السلام عليكم

كان عندي سؤال بخصوص oracle developer

انا ناوي ان شاء الله امشي في السكه دي واخد الكورس دا

بس كان عندي سؤالين

االاول هل الكورس والمجال دا صعب ؟!!!

السؤال التاني

بلاقى الشركات اللى طالبه اوراكل ديفيلوبر يبقى مش اقل من خبرة سنه او اتنين

طيب لو الواحد متخرج وواخد الكورس دا علي كدا صعب يلاقى شغلانه بيه لان كل الشركات طالبه خبرة !!!!!

[eslam elbyaly]

الديفيلوبر بيلاقي مشكلة كبيرة في انه يلاقي شغل , عشان حكاية الخبرة دي , وهتلاقي موضوعات كتير في المنتدي عن ناس بتشتكي
دور هنا برده واسال كتير قبل ما تدفع فلوس
واسال في منتديات الدوت نت , لانه متهيالي الطلب عليه اكتر , بس يمكن مرتباته بتبقي اقل شوية , بس لما تنزل السوق هتعرف بقي تظبط حالك انت
وتغير لحاجات مرتباتها اعلي وهيبقي ليك زمايل وكده
وبعدين في تخصصات تانية في الاوراكل احسن من الديفيلوبر بس مشكلتها في الخبرة برده زي ال financial ,hrms

ابحث كويس قبل ما تدفع فلوس

[z i k a]

الف شكر ليك يا باشا علي ردك واهتمامك بجد مش عارف اقولك ايه شكرا ليك
قصدك ايه من دوت نت ؟!! ياريت توضيح عن اسمه او اسم الكورس
وانا بجد محتار مش عارف اعمل ايه ياريت لو تفييدني !!!

[z i k a]

انا مش فاهم بصراحه هي الناس بتستخسر ترد وتفيد الناس ليه ؟!!!

يعنى الموضوع بقاله يومين عايزين تفهموني ان مفيش ولا حد في المنتدي كله عارف يرد علي اسألتي

بجد في ناس كدا مابتحبش تخدم ولا تساعد حد لوجه الله خالص

عموما شكرا

[asd202]

الوضع يعتمد عليك انت
فى ناس بتاخد الكورس ومش بتبقى فاهمة برمجة قوى ده صعب يشتغل الى حد كبير
وفى ناس بتفهم وتحب تعمل مشاريع وتدور وتحاول تحل المشاكل باى طريقة
وفى عامل تانى بيفرق برده للاسف الموهل رغم انه مش اهم عامل الا ان بعض الشركات
بتفضل واحد خريج المجال وده طبعا عشان درس وفاهم مفاهيم البرمجة
بس عايز نصيحتى ادخل فى مجال ERP Consulting
اعتقد مطلوب اكتر سواء بيزنس او تينيكال

تم تعديل 26 ديسمبر 2012 بواسطة asd202

[eslam elbyaly]

الف شكر ليك يا باشا علي ردك واهتمامك بجد مش عارف اقولك ايه شكرا ليك
قصدك ايه من دوت نت ؟!! ياريت توضيح عن اسمه او اسم الكورس
وانا بجد محتار مش عارف اعمل ايه ياريت لو تفييدني !!!

اول نصيحة , لو فضلت تترجي الناس هنا , مش هتلاقي رد شافي الا بعد سنة تقريبا , فانت خد نص الكلام وابحث في جوجل مثلا , وكمل المعلومة اللي ناقصاك
زي مثلا انك تبحث عن كورس الدوت نت في جوجل , هيطلعلك بقي سي شارب , vb وسيكول سيرفر , و web development وحاجات كتير كده , اقرا انت بقي ولزق الكلام في بعضه
المهم ان الكورس اسمه تقريبا web development diploma
بس المحتويات ممكن تختلف
اللي انا اقصده
c#
sql server
asp.net
ado
دول في كورس واحد اكيد , زايد عليهم بقي , مختلف عنهم حاجة , ابحث عن web development diploma
الله يعينك

[Marwa Ahmed]

من أكتر الوظائف المحترمة هى
oracle developer
من حيث كل حاجه
بس زى ما قال



الوضع متوقف عليك انت

نصيحتى الشخصية بعد عمل كديفيلوبر اوراكل لمدة 7 سنوات

دور على بعض الأماكن الى بتعلمك مش نظرى ومش كلام الاكاديميات الى كلام وخلاص ومشروع مش عارفه كام ساعة وكلام كده

فى أماكن بتعلم اكتر من 5 شهور عملى وده بيأهلك كويس لسوق العمل وكمان فى أماكن بتديك شهادة معتمدة انك اشتغلت معاهم فى مشاريع علشان

تتغلب على مشكلة الخبرة فى بداية عملك فى اى شركة

تم تعديل 8 يناير 2013 بواسطة Marwa Ahmed

[ahmedbb]

السلام عليكم
على فكرة شغل الديفلوبر كتير بس انا معاك ان كل الشركات محتاجة خبرة ودى حاجة لها حل وانا مجربه فعليا
نصيحتى لك
ابدا مشروع من البداية للنهاية تحت اشراف احد خبراء الاوراكل بحيث يكون معاك فى كل خطوة ويكون هو نفسه عامل مشاريع وبرامج فعلية فى اكثر من مجال
الموضوع ايضا يعتمد على اجتهادك واطلاعم على مشاريع جاهزة كتيييييييييييييييييييييييييييرة
معكم ولكم نتواصل

[wael topar]

على فكره انا معجب جدا دايما برد المهندس AHMEDBB