استفسار من اساتذتى الافضال

[ehab gamal]

السلام عليكم اساتذتى الافاضل

 

بعد اذنكم عندى استفسار لتوضيح الرؤية

انا خريج نظم معلومات ادارية ودارس اوراكل واخدت كورسات اوراكل ديفلابور 10g و بحثت  على شغل فترة ولما لاقيت الموضوع طول دورت على وظيفة تانيه بعيدا عن الاوراكل

وبقالى فترة كبيرة بعيد عنه هل لو عندى القدرة اكمل فى مشوار الdba دلوقتى بعد الفترة دى هيتدخل عامل السن فى الوظيفه ولا الموضوع كله قايم على الفهم والتعلم الجيد وممكن التغاضى عن السن خصوصا انى بعد 

الكورسات هبقى مبتدأ بردو؟

اتمنى اساتذتنا يفدونى هل فى فرصه بعد خمس سنوات من الابتعاد اكمل وارجع للاوراكل تانى ولا بقى الموضوع اصعب دلوقتى؟

ولكم جزيل الشكر 

[eslam elbyaly]

السن الي هو 28 تقريبا , صح ؟

انا رأيي والله اعلم , لو ليك في البرمجة , سيبك من اوراكل خالص , وخد دوت نت وانت معاك الـ SQL وكده كده كنت بتفكر تاخد WORK SHOP 1 AND 2 عشان تبقى DBA ,

فالموضوع مش هيفرق كتير لانك كده كده هتاخد حاجات جديدة , الفرق ان الدوت نت يمكن يكون اكتر حاجة مطلوبة في مصر , فممكن حتة السن نفاديها شوية .

 

تاني حاجة انك لو بقيت كويس فيه هتقدر تشتغل فريلانس , تعمل برامج وتسوقها او تعمل مواقع الكترونية او تشتغل علي مواقع الفريلانس .

 

لو ملكش في البرمجة بقى قول واحنا نشوف سكة تانية ان شاء الله .

[ehab gamal]

السن الي هو 28 تقريبا , صح ؟

انا رأيي والله اعلم , لو ليك في البرمجة , سيبك من اوراكل خالص , وخد دوت نت وانت معاك الـ SQL وكده كده كنت بتفكر تاخد WORK SHOP 1 AND 2 عشان تبقى DBA ,

فالموضوع مش هيفرق كتير لانك كده كده هتاخد حاجات جديدة , الفرق ان الدوت نت يمكن يكون اكتر حاجة مطلوبة في مصر , فممكن حتة السن نفاديها شوية .

 

تاني حاجة انك لو بقيت كويس فيه هتقدر تشتغل فريلانس , تعمل برامج وتسوقها او تعمل مواقع الكترونية او تشتغل علي مواقع الفريلانس .

 

لو ملكش في البرمجة بقى قول واحنا نشوف سكة تانية ان شاء الله .

شكرا جزيلا استاذ / اسلام على اهتمامك 

السن 29 سنة حاليا

انا فكرت اكمل اوراكل دى بى ايه عشان دى اكتر حاجه بعرف فيها فقولت اكمل الطريق للاخر يعنى خصوصا انى حابب الاوراكل اكتر شويه

بالنسبة للبرمجة انا كنت بدرس دوت نت بردو  asp.net و vb.net بس الحقيقه ملت للاوراكل اكتر 

وانا بقالى فترة بتعلم oracle adf جايب كورسات وبتعلم منها بس حاسس ان سكته بردو فى مصر قليله فمش عاوز اعيد نفس المشكله تانى انى ادور على شغل وملاقيش 

[eslam elbyaly]

- انت كده ماشي في اكتر من سكة وده غلط . adf , dba , vb.net

- بتقول دي اكتر حاجة بتعرف فيها , انا مش فاهم الي هي ايه ؟ لو تقصد الـ dba فانت اصلا مدرستوش ولو درست ديفلوبر فعلي حد علمي ملهمش علاقة ببعض , مفيش حاجة مشتركة غير الـ sql الي مشتركة برده مع سكة

الدوت نت . ( اتأكد برده من الناس بتوع الـ dba ) .

- لو تقصد انك " ملت " للاوراكل اكتر , لو تقصد الكلمة فعلا , ومتقصدش انك كاره البرمجة , او مش هتعرف تمشي فيها , فانا رأيي ودي وجهات نظر طبعا , ان انت مش في وقت تشتغل حاجة عشان بتحبها ,

انت في وقت تشتغل عشان تجيب فلوس لانه معتش ينفع تجرب ومفيش وقت للكلام ده , فانت لو مش كاره وشايف انك تقدر تمشي فيها بس متبقاش حاببها اوي , انا رأيي امشي (اكرر , وجهات نظر ) .

 

- حد غيرى طبعا هيقلك اشتغل الي بتحبه ولما تشتغل حاجة بتحبها هتبقى متميز وهتبقى كذا وكذا , انا بصراحة مش مؤمن بالكلام ده في البلد دي , خصوصا ان الـ dba علي حد علمي لازم يبقى في شغل عشان تجرب عليه ,

وتتعلم , يعني لازم يبقى عندك قاعدة بيانات وتشوف هتعمل عليها ايه , عشان كده هيبقى صعب تجرب وتاخد خبرة عشان تشتغل , غير البرمجة مثلا , تقدر تعمل برامج مع نفسك وتتعلم . (اتأكد برده من اصحاب الخبرة في الـ DBA ) .

[eslam elbyaly]

ملحوظة , لو درست VB.NET فعلي حد علمي هي هي السي شارب مع اختلافات بسيطة جدا , يبقى ناقصط بس الـ ADO.NET مادام بتقول درست ASP.NET كمان ,

وهتبقى الحكاية كلها انك تثبت نفسك أدام نفسك في التراك ده , بس انت طبعا أدرى بنفسك .

[ehab gamal]

ملحوظة , لو درست VB.NET فعلي حد علمي هي هي السي شارب مع اختلافات بسيطة جدا , يبقى ناقصط بس الـ ADO.NET مادام بتقول درست ASP.NET كمان ,

وهتبقى الحكاية كلها انك تثبت نفسك أدام نفسك في التراك ده , بس انت طبعا أدرى بنفسك .

متشكر جدا يا ستاذ اسلام على اهتمامك 

بالنسبة لاستفسارك الاول انا اقصد طالما درست اوراكل ديفلابور من الاول اكمل فى تراك الاوراكل واخش على ال dba بس قلقان تواجهنى مشكلة الخبرة مرة تانيه 

اما بالنسبة للدوت نت ففعلا انا عملت مشروع اثناء الدراسة بال vb.net واخدت بردو asp.net بس متعمقتش فيه بس عموما انا عندى فكرة عامة عن البرمجة وشايف الاختلاف بينهم بيبقى تستخدمها فى ايه

والسينتكس طبعا 

وشكرا ليك مرة تانية

[eslam elbyaly]

 

انا اقصد طالما درست اوراكل ديفلابور من الاول اكمل فى تراك الاوراكل واخش على ال dba

 

ملحوظة : -

مفيش علاقة علي حد علمي