الانتقال إلى المحتوى

أضمن الشغل قبل الشهادة


hamota

Recommended Posts

أضمن الشغل قبل الشهادة
أخوتي في الله السلام عليكم ورحمة الله وبركاته بس حبيت أن أناقش هذا الموضوع مع أخوتي في المنتدى لكي يستفيد مشتركي المنتدى بما فيهم أنا ولنعرف بكل وضوح حل قضية البيضة الاول ولا الكتكوت (الشغل ولا الشهادة)
أحب أن نناقش تجربة الناس اللي اشتغلوا(واللي مشتغلوش برضه) في مجال أوراكل والحاصلين على شهادة OCP سواء في الديفلوبر أو ال DbA بدون ذكر اسماء الشركات
-هل الشهادة كانت أول الاولويات التي بموجبها حصلت على العمل أم ان العمل اولاً ثم الشهادة
-هل كلن العمل عن طريق معرفة أم عن طريق مو قع توظيف(طريقة الحصول على عمل)
- الفترة التي انتظرتها للحصول على عمل
-أهم الشروط الواجب توافرها للحصول على عمل

وسأحكي لكم قصتي ليس كي أحبط المشاركين في المنتدى ولكن كي يستفيدوا من تجربتي وأرجو من الأخوة المشتركين المساهمة في هذا الموضوع.


أنا خريج كلية العلوم قسم علوم الحاسب بتقدير جيد وحاصل على دورة أوراسكوم بعد ما خلصت التدريب كملت الامتحانات حتى حصلت على ال OCP ديفلوبر وكنت عامل مشروع كويس
وبعدين بعثت السي في الخاصة بي لمعظم شركات ال IT وشركات كتيرة بعتتلي لعمل مقابلة شخصية وبالفعل أجريت اكثر من 20 انترفيو وكانت السيناريوهات مختلفة فمنها ما وفقت فيها في نظر نفسي ومنها ما أخفقت ومنها ما استبعدت لعدم الخبرة أو الشغل في SOFTWARE HOUSE من قبل ولنأخذ أمثلة للتي أعتقد أنني وفقت فيها
-أول انتر فيو كانت في شركة -------- بعد الاختبار وكان الرد فيها انك ALREADY معانا وهتبدأ معانا من اول الشهر وهيكون مرتبك كذا وكنت ساعتها OCA فقط وجه آخر الشهر ومحش سئل قلت أسأل أنا فكان الرد معلش مكنش في نصيب
-والسيناريو اللي فات اتكرر باساليب مختلفة كتيييير.
-وسأذكر لأخوتي بعض اساليب الانترفيوهات في بعض الشركات المصرية
*شركة ITWORX شركة محترمة جدا بيحدد ميعاد ومظبوطين جداً في مواعيدهم بتدخل امتحان لمدة ساعتين (انجليزي-IQ-حساب-FLOWCHARTS) وهي اسئلة مش صعبة بس الوقت ضيق اذا عديت فيه بيتصلوا بيك عشان الامتحان الTECHENICAL بالنسبة للاوراكل بيديلك مشكلة ويخليك ترسم ER MODEL ثم امتحان لمدة 40 دقيقة SQL AND PL/SQL ومعطمة من اسئلة الشيت شيت وهذا الحال في معظم اسئلة الشركات التي تشتغل في اوراكل وأحلى حاجة فيها انهم بيبعتوا جواب اعتذار وشكر لعدم عملك معهم واللي اثلج قلبي ساعتها ان المبل كان مبعوث لحوالي 30 شخص غيري.

*شركة TRENDS IQ ثم مقابلة
*شركة DMS 4 ساعات امتحانات ساعة اوراكل(SQL-PL/SQL-FORMS-REPORTS) وساعة IQ 60 سؤال وساعة ENGLISH وساعة سمات شخصية واذكر واقعة طريفة مع هذه الشركة حيث كانت الانترفيو في رمضان اللي فات وامتحنت 4 ساعات وتاني يوم اتصلوا بيا قالولي انت مجيتش الامتحان امبارح ليه قولتلهم انا رحت وامتحنت اربع ساعات فقالولي اوكي صح صح ومحدش سأل
* شركة OFFIS شركة غير مضبوطة المواعيد ومبيبقاش معاه السي في بتاعتك وعلى الباب لائحة الجزاءات السؤال انت شغال فين الرد مش شغال طب كنت شغال فين الرد لسه مخلص جيش وواخد OCP وعامل مشروع ولو فيه TASK ممكن أعملها لأ أحنا عايزين واحد أشتغل في شركة قبل كده عشان لما بناخد حد جديد بنعلمة وبعدين بيسيبنا
* شركة PRIMA SOFT امتحان IQ GRAPHS 36 سؤال في نصف ساعة وبعدين انترفيو اسئلة
ايه المشاكل اللي قابلتها ومقدرتش تحلها وايه المشاكل اللي قابلتها وحليتها وحليتها ازاي
*شركة EGYCOMP انترفيو يناقشك نظريا وأوكي انت ALREADY معانا بس نحدد الساليري مع المدير وانسى يا عمرو
* شركة NOZHA IT أنترفيو ولاب تيست تشرح كورس وميعاد بعدين عشان تشرح قدام ال MANAGER وكل مره ال MANAGER ميجيش وتأخد ميعاد جديد لغاية متزهق وتبطل تيجي مظنش انه صعب انهم يعتذرولك ويقولولك مفيش نصيب او هتنصل بيك وميتصلوش
*شركة PAYANET مبتشتغلش أوراكل من اساس.

والحمد لله حصلت على عمل بس بعيد عن اوراكل خالص وانشاء الله ربنا ييسر اورجع لل IT بس مش الاوراكل من تاني بس معايا ست شهور على الاقل واسأل الله التوفيق لي ولجميع المسلمين وأعتذر اخيراً للشركات ان كنت اسأت لأي منها وغفر الله لي ولكم وآسف للاطلة في الحديث
والسلام عليكم ورحمة الله وبركاته.

رابط هذا التعليق
شارك

هاهاهاهاها
السلام عليكم ورحمه الله و بركاته

لا تعجب من ضحكى

لانك ان تعمل فى شركة محترمة تحترم اسلوب العمل و الموظف لديها احسن 1000 مرة من ان تعمل فى شركة نصب تضيع وقتك و مجهودك

انا على عكسك تمام فى هذا الموضوع
من اول انترفيو بيقبلونى
و كمان من غير اسئلة مطولة او انتظار

و لكن ان ربك لبالمرصاد

فى شركة القاهرة -مدينة نصر-
كانوا محتاجين اكبر عدد ممكن من المغتربين(خارج القاهرة لمدة 3 شهور لكى ينتهوا من المشروع قبل ان ياتى معاد التسليم النهائى الذى تاجل عدة مرات
و بالطبع لا تاخذ مرتبك لان اصلا المشروع خسران

فى دبى كان مدير المشروع عايز ياخر المشروع على قد ما يقدر علشان يفضل ياخد مرتب
طالما العقد على مشاريع و كمان ان فريق العمل شغال طول الوقت
بس على مين كل حاجة ظهرت و بانت لما سالنى مدير الشركة عن عملى و تنظيم الشغل سابقا فى الشركات الاخرى
(تخيلوا كان مدير المشروع بيقول لهم الشاشة تاخد من 3 الى 4 ايام علشان تخلص :)

فى ابو ظبى
مدير مركز معلومات فى قطاع حيوى من الدولة وافق على حضورى باقصى سرعة
و كان مطلوب تخليص عدد 250 شاشةوتقرير للنظام فى ظرف 3 شهور
و انجزتهم
بس هوة كان عامل الخطة انى ازهق من ان تعيينى مبيتمش و يجيب واحد قريبة او مواطن او اى شيئ لان ظهر استحالة توظيف وافدين فى هذة المهنة منذ عام 2000 و نحن 2005
و بردة ربك لبالمرصاد حصل و حصل و حصل و رفدوا المدير دا
و لا ظلت فى الانتظار

المهم بعد كل دا تشتغل من اول مرة مع ناس نصابين و كانك لا تاخذ مرتب نهائيا ولا تنتظر الى ان ييسر لك الله رزقا من عندة؟؟؟؟

تم تعديل بواسطة ayman_tamim
رابط هذا التعليق
شارك

السلام عليكم يا جماعة:

بصوا يا جدعان - انا عندي وجهة نظر في الموضوع ده - انا لما شفت ان موضوع البرمجة والتطوير ده مش جايب همه بدأت احضر لل MCSE وال CCNA -ودي شهادات في الشبكات وبدأت اشتغل فعلاً وعملت عقود صيانة في اكتر من شركة - وغير كده اخدت دورة في الهاردوير واشتغلت بيها برضه-علماً بان تخصصي نظم معلومات وبرمجة-، وصدقوني لو كان السوق عاوز اي حاجة غير مجالات التخصص دي هحاول اتعلمها برضه -انشاالله حتى تبقا في الفلسفة الاغريقية - باختصار يا اخواننا دلوقتي المطلوب منك انك انتا اللي تفرض نفسك على الشغل مش العكس - يعني الحاجة اللي متعرفهاش اتعلمها غصبن عن عينيك الاتنين مدام الشغل عاوز كده - ثانياً الشركات عندنا عايزين اللي ياكل بعقلهم حلاوة ويعمل نفسه سوبرمان علشان يقتنعو بيه - يعني لازم يبقا عندك انجليزي واوراكل وسي شارب وشبكات وصيانة و و و و وتبقا مقطع السمكة وديلها - بس الشطارة انك ازاي تقنعهم بقدراتك.

وغير كده ازمة الخبرة اللي كل الشركات بتطلبها لمدة لا تقل عن 300 سنة :D .

والكلام ده يا جماعة من واقع تجربة شخصية ممكن مينطبقش على الوضع العام.

وحسبنا الله ونعم الوكيل :)

هذا والله اعلم

رابط هذا التعليق
شارك

كلام ممتاز يا جماعه والموضوع نفسه رائع...


ولكن برضه لم نحسم قضيه الشهاده.....

هل الشهاده شرط لقبولى بعمل ما ؟

ام انها تزيد من فرصتى للعمل

ام لا داعى لها اطلاقا امام الخبره ؟

رابط هذا التعليق
شارك

هلا اخواني
مبدئيا اشكركم جميعا علي هذه المشاركات الرائعه عن التجارب الشخصيه
بس انا شايف انها كلها احباطات مش عارف اكيد الناس الي مش محبطه مش عاوزه تكتب تجارب علي العموم انا هحكي عن تجربتي الشخصيه مع اوراكل بسرعه
في البدايه اتخرجت من كلية تجاره واتجهت لشغل صيانه الكمبيوتر و الشبكات و اشتغلت حوالي سنتين في المجال ده و بعدهم جاتلي منحه وزارة الاتصالات و اوراسكوم كنت داخلها اصلا علشان ادرس شبكات بس بناء علي الاتجاه الي كان موجود في السوق ساعتها كملت فيها اوراكل و اول ما اتخرجت كان معايا اول امتحان سكول 001 مكنش 007 لسه نزل :) وكان المشروع الي عامله اعتقد كويس فضلت شهرين ابعت في سيفيهات جاتلي اول مقابله كان اختبار سكول كلها و كان ادائي فيها مش قوي بس مش جدا
تاني انتر فيو جاتلي كانت في شركه كنديه بدأوا اولا بمقابله شخصيه مجرد اسئله عن المشروع و اسئله عامه في الداتا بيز وبعدها ادولي مشروع صغير لمدة تلات ايام خلصته و رحت ناقشته راحوا مديني بروسيدجورال قويه اكتبها قدامهم بمجرد ما شغلتها اتعينت
فضلت في الشركه فتره و خدت ال OCP وانا هناك و كنت بعمل انتر فيوهات في شركات تانيه كتير من ضمنهم شركه PRIMA SOFT الي الاخ ذكر اختبارها واعتقد انه اختبار منصف انه بيركز اكتر علي قدراتك الذهنيه اغلب المقابلات كانت بتنتهي لاسباب ماليه اقوي اختبار دخلته كان في شركه متخصصه جدا في اوراكل كان اربع ساعات كله اوراكل و كان من الحاجات الي اندهشتلها انهم تاني مره لما اتصلوا كانت الانتر فيو ان المدير قعد معاك يراجع الاخطاء الي وقعت فيها علشان يعرف وقعت ليه و كام حاله عمليه
وبالنسبه للشغل كان جزء من شغلي اني اقيم الناس الي جايه تشتغل في اوراكل معايا كان الحاجه الي بركز عليها يكون بيعرف يشتغل اوراكل مش لازم قوي جدا بس كان كل اسئلتي بشوف طريقة التفكير و بدي بروجكت صغير يخلص في يوم او اتنين و مسأله صعبه جدا يدور علي حلها
الاتجاه في الشركات مش ابدا تشغيل الناس الي بتعرف قد ما هوا تشغيل الناس الي بتفهم برمجه وسرعة الادارك و الاداء عاليهم عندهم جدا
ان بمنتهي البساطه ممكن في اي وقت اوراكل تخلص و برنامج جديد يقوم البرمجه في الاخر طريقه واحده للتفكير مش مهم بتشتغل ب اداة ايه ان هتقدر تتكيف بسهوله مع اي برنامج لو مستوي الاداراك البرمجي عندك عالي

الاحباط الي انا شايفه عند الناس دلوقتي انا شايف ان سببه اتجاه عدد كبير من الطلبه ل اوراكل و ده ادي لتشبع السوق بالاضافه ان منح اوراسكوم خرجت ناس كتير مستواهم ضعيف جدا و ندره منهم مستواهم مقبول طبعا ده راجع انهم بيوفروا في مصاريف المدربين
:D
واعتقد ان نسبه الي طلعوا من المنحه فاهمين مش تزيد ابدا عن 15%
وكمان زيهم فاهمين بس مش قوي و الباقي مش تبع اوراكل
طبعا مع تفشي ظاهرة الغش في امتحانات OCP في المراكز ده خلي الشهاده مش ليها قيمه
واوراكل سوقها مش كبير قوي في مصر لدرجة استيعاب الاعداد دي كلها بس بره في الخليج ممكن يبقي في استيعاب ليهم
وبالنسبه لموضوع الشهاده فايدتها الوحيده ان السي في بتاعتك مش تترمي في الزباله لما تقدم في شغل يدخلوك انتر فيو يعني تزيد من فرص انك تدخل مقابله وممكن تفرق لو هتسافر بره
في النهاية اتمني ليكوا التوفيق و اي سؤال انا موجود

رابط هذا التعليق
شارك

انا بصرحة هالفصل بتخرج والله يوفقنا ويعينا بس اللي انا شايفه حتى لو كان معك خبرة وشهادات طول وعرض .......... فالفرصة رايحة تضل ضئيلة
لكن اذا كان عندك واسطة فاكيد مشكلتك محلولة.......

لا حول ولا قوة الا بالله :)

رابط هذا التعليق
شارك


لكن اذا كان عندك واسطة فاكيد مشكلتك محلولة.......


و فى السماء رزقكم و ما توعدون

ال 3 اماكن الى اشتغلت فيهم طوال ال 4 سنين دول كانت بدون واسطة

و حبيت اكمل الموضوع
لقد قلت لكم عن الانترفيوهات فى بلادنا او فى شركات عادية
لم اكمل لستة الانترفيوهات
حضرت انترفيو فى شهر 6/2004
فى طيران الامارات فى دبى او عموما شركة دناتا
كنا مجموعة حوالى 10 يمكن 8 منهم هنود و انا مصرى و واحد خليجى
الانترفيو كان على وظيفة oracle help desk
و مكنش الامتحان سيكول ولا فورمز ولا حاجة
كان اسئلة عامة على الاوراكل
و الجافا
و اليونكس
و البورتال
يعنى عن المنتجات عموما

انترفيو اخر كان فى ابو ظبى فى 3/2004 فى دائرة المشتريات
كنا بردة مجموعة حوالى ال 8 كان مطلوب خبرة كبيرة 4سنين على الاقل بس قبلونى فى الانترفيو و كان الانتر فيو عبارة عن كتلة من الاوراق الخاصة بامتحانات الاوراكل
و حل يا معلم

من دا عايز اقول لكم ان ممكن انت تكون كويس و ادائك ممتاز بس فية معاك ناس كمان كويسن و خبرة
و مش معناة انك متتقبلش انك ادائك ضعيف لا لسة الدور قدامك تم تعديل بواسطة ayman_tamim
رابط هذا التعليق
شارك

الله يستر علينا..


اعتقد ان الخبرة اهم من الشهاده
لأن مش كل شخص عنده شهاده يمكنه انجاز العمل المطلوب
بينما أي شخص عنده خبرة وبدون شهاده ، فيمكنه حل جميع المشاكل .. والشهاده عنده تعتبر كماليات

رابط هذا التعليق
شارك

السلام عليكم ورحمة الله وبركاته،،
فى البدايه احب ان اركز جدا جدا جدا على اليه التى تقول (" و فى السماء رزقكم و ما توعدون")
لان بصراحة دى هى التى قادتنى الى العمل علما باننى واخد OCP DBA من دورة فى الاكاديمية العربية يعنى طالع من الدورة بيها
طبعا مش حقول بعت لشركات بس طبعا كنت بشمشم على اى شركة بتشتغل فى مجال الاوراكل و باعت يا حاج فى سيفيهات فلما لقيت ان مجال الدى بى ايه عايز خبرة بجانب انك تكون قوى فيه و كمان السبب الاول اننى ياست من الحصول على شغل DBA اتجهت للديفيلبر و خلصت و تمام التمام مع العلم ان مجال ال DBA هو المفضل لدى المهم ماطولش ( :) عليكم قول طول) عملت مقابلات لاول مرة فى مجال الاوراكل و لكن فى مجال الد يفلبر فى احدى الشركات التى زكرها بعض الاخوة و كانوا برده عايزين خبره
طيب يا خونا امال اللى لسة طازة بس يقدر يروح يلعب بعيد و لا ايه الحكاية قلك لابد تكون شغال فى شركة و لو لمدة 6 شهور ليه متعرفش
المهم احكلكم قصة طريفة حصلتلى فى احدى الشركات اللى كنت ارسل لها السى فى
طبعا من كثرة الايميلات اللى بعتها للشركات ناهيك عن اللف عليهم شخصياعلى الاقدامو (خلى بالك متقولش مش لازم تدور و تعتمد على الاعلانات لا لازم تعمل اللى عليك و تخلص زمتك و الكل و الباقى على ربنا يعنى متعرفش ايه اللى مستخبى و متعرفش نصيبك فين )
المهم نرجع لحكايتنا
بافتح الاميل فى احد الايام لقيت ميل جى من واحد اسمه احمد ...... المهم بيقولى ان انا اتصلت بيك على الموبايل بتاعك بس انت كنت خارج الخدمة و حاول تتصل بيه ضرورى بصرحة فرحت طبعا حضرته ماكان كاتب رقم تليفون و حتعرفوا فى الاخر مكنش كاتبه ليه المهم اخدت الميل اللى هو باعته على انى الاقى عنوان الشركه او السايت بتاعها استحالة و الله ده اللى انا قلته لنفسى (قلت ياد لو كان فيه نصيب حتلاقى العنوان) المهم بعدها بيوم و او اكتر و انا بابحث على عناوين تانية ابعت لها فى ملف عندى فية عناوين اتعطرت فى عنوان الشركة المهم دخلت على السيت بتاعها و استحالة الاقى رقم تليفون اتصل بيه على احمد بيه المهم خدت عنوانهم وكان فى 6 اكتوبر (و انا كنت ساكن فى العمرانية) المهم قلت لازم اروح من غير اتصال
رحت سالت عليه كان برده و لسه مجاش قلت للسكرتير طيب انا حاجى مرة تانية قلى طيب استنه و اتصل بواحده جوة اتصلت باحمد بيه قلها اعملى معاه انترفيوا (كان software house ) و كانو عايزين دى بى ايه علما بان كل الموظفين هناك لا يتعدى اى واحد فيهم 26 كلهم شباب قلت خلاص انا وصلت المهم امتحنت iq ,english و و تمام و اتعلم الامتحان و انا قاعد ( ما انتوا حتعرفو ليه ) و استنه دقايق علشان تقابل الدير علشان يتفق معاك طبعا الى هذة النفقطة كنت تقدر تقول انى خلاص اتعينت المهم راحت الانسه داخلة للمدير و خلاص حاقابله و صل احمد بيه اول سؤال سالهولى قالى انت تعرف الاستاذ ( حافــــــظ ) على فكرة هى دى كلمة السر :D المهم قلتله لا راح طالع طبعا الانسة قلتى استنه و جه هو و قلى خلاص انت كده تمام و انت اوركل دى بى ايه جود لك و حنتصل بيك خدت بعضى و نزلت المهم نسيت حاجة فوق طلعت تانى قابلتنى الانسة قالتلى انت مشيت ليه قلتها احمد بيه ! قلتلى طيب تعالى قابلنا احمد بيه فى الطرقى قالى انت رجعت تانى ليه قلتله حيقابل المدير قالها لا خلاص المقابلة بكرة احسن طبعا انا علطول فهمت زى ما انتو ا فهمتوا ان الاستاذ حافــــظ كان موصيه على واحد من طرفه واحمد بيه افتكره انا فلما ماكنتش انا قلشنى و الله و انا نازل قلت لنفسى (يا احمد بيه لو ليه نصيب من غصب عنك حاشتغل هنا و مش بايدك دة بتاع ربنا )
طبعا اعلانات الجرايد ما كانت تفوتنى لقيت اعلان و الله ما كنت حابعت فيه لانهم كانوا عايزين صيانه بس قلت اعمل اللى عليك بعت و نسيت العنوان لقيت ميل جاى لى بيقولى المكان ..... الميعاد .... و لقيت السكرتيرة بتتصل بيه و انا فى مقابله للمرة التانيه فى شركة برمجة مشهورة بصراحة ما كنت مديها اهتمام قالتلى انت تعرف م/ ... فى الموبايبل على فكرة نفس الاسم كان لواحد صحبى فى الدورة و اتاكدت ان الوظيف علشان صيانة h/w المهم خلصت مقابلتى فى شركة البرمجة و عديت الiq & techniqal وكله تمام و مشيت على انه فيه مقابله مع امدير حيشوف ايه اللى حاقدر اقدمة للشركة (و هى شغاله اوراكل برده )
و طبعا رحت لشركة التانيه فى الميعاد و يشاء الله انها تكون فى 6 اكتوبر دخلت على اساس انها مقابله هاردوير لقيت 3 مهندسين اول سؤال قلهولى ايه اخبارك فى الاوراكل انا اتفاجات بس الحمد لله اتوفقت فى المقابله و اتعينت دى بى ايه و لكن على اوراكل ابلكيشن

من الاخـــــــــــــــــــــــــــــــر المساله مساله رزق ليس اكتر مع انك تعمل اللى عليك و ما تشغل بالك بالباقى
الموضوع الرئيسى انه سبب تعيينى هو اننى كنت معايا ال OCP و طبعا الانترفيو و الاسئله الساعتين اللى سالوهم
و طبعا ده ميمنعش انه فيه و سايط زى بتاع احمد بيه

اسف على الاطاله

رابط هذا التعليق
شارك

السلام عليكم ورحمة الله وبركاتة
اشكر الأخوة على تلك المساهمات الرائعة والتي طالما تعودنا عليها في هذا المنتدى الرائع و أثمرت بالفعل عن نصائح غالية نابعة من التجارب الشخصية في مجالات الاوراكل المتعددة ومن المشاركات السابقة أستخلص الآتي:

1-أن الرزق بيد الله سبحانة وتعالى وهو مكتوب ولا أحد يستطيع أن يمنعك رزقك

احب ان اركز جدا جدا جدا على الآيه التى تقول (" و فى السماء رزقكم و ما توعدون")

2-على الفرد الأخذ بالأسباب وعمل ماعلية وأن يسلك الطريق الذي يتوقع أن الله سبحانة وتعالى سوف ييسر له رزق فيه وأن يكون الطريق ملائم لقدارته
3-السعي الجاد وعدم جعل الآخرين الشماعة التي يعلق عليها أخطاءه
4-ان عدم التوفيق في مجال معين لا يعني ان الشخص ضعيف الامكانات أو أنه مقصر وأن هناك حكمة لا يعلمها الا الله وكثير من الناس وفقوا في مجالات ما كانو في يوم يتوقعوها.
يقول تعالى ﴿وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون سورة البقرة 216

5-سواء الشهادة أو الخبرة ماهي إلا أسباب بموجبها قد يحصل الشخص بها على عمل وقد لا ويجب على الشخص قبل تقرير د خول الامتحانات التأكد من جديته بتكملة المشوار للآخر
6-أن شركة أوراكل قد نجحت في تسويق تقنياتها للمطورين أكثر مما سوقت بالنسبة للمؤسسات مما جعل العرض اكثر من الطلب
7-أما بانسبة للوساطة فما هي إلا أحد الأسباب(وأهمها) المشكوك في صحتها في عصر وصلنا فيه الى أن البطالة صارت أبرز سماته :) .
آخراً وليس أخيراً الله أسأل لي ولكم التوفيق والسداد وأتمنى من أعضاء المنتدى مزيد من المشاركات ووجهات النظر والسلام عليكم ورحمة الله وبركاته.
رابط هذا التعليق
شارك

السلام عليكم ورحمة الله وبركاته

بارك الله فيكم جميعاً يا أخوة واعتقد ان الاخ العزيز hamota قد وفق في تحديد الاسباب والوصول الى النتيجة السليمة تماماً وهي ان الرزق بيد الله سبحانه وتعالى ولكن يجب على المرء السعي بكل ما يستطيع للحصول على الاسباب ثم يترك النتائج على رب الارباب.
يقول رسول الله صلى الله عليه وسلم: "لو توكلتم على الله حق التوكل لرزقكم كما يرزق الطير تغدو خماصاً وتعود بطاناً" او كما قال صلى الله عليه وسلم.

ولو كان الرزق يأتي بقوةٍ ما أكل العصفور شيئاً مع النسرٍ

أتمنى من بقية الاخوة المشاركة في هذا الموضوع بأراءهم وتجاربهم حتى تعم الفائدة ، وأريد ان اضيف على كل ما سبق أنه لو توفرت المصداقية الكاملة لدى مديرينا واصحاب شركاتنا لكان اختيار الكادر نابعاً من الكفاءة والقدرة على الانجاز بغض النظر عن اي اعتبارات اخرى "من واسطه وغيرها" وفي ذلك تحقيق لمبادئنا وقيمنا النابعة من ديننا التي تناسيناها وطبقها غيرنا في بلاد الغرب والشرق ووصلوا بها الى وصلوا اليه الان.

لا تنسونا يا اخوة من دعائكم واسأل الله تعالى ان يهدنا ويهدي بنا وأن يجعلنا سبباً لمن اهتدى.

اخوكم . محمد عبد الله

رابط هذا التعليق
شارك

السلام عليكم أحب ان أشكر الاعضاء اللي ساهموا في الموضوع بذكر تجاربهم الشخصية وعلى فكرة دي أول مشارك في المنتدى بالنسبالي رغم اني زائر دائم للمنتدى، وأنا بتفق مع المشاركين في الرأي والملخص اللي ذكرة الأخ hamota ولكن عندي بعض الملاحظات ،المفروض كان عنوان الموضوع كان يبقى كفــــــــــــاية :D بدل من

أضمن الشغل قبل الشهادة
وأنا واثق من ان نصف الناس اللي مشتركين في المنتدى لهم تجارب مؤسفة ولذلك مشاركوش لسببين انهم مش هيضيفوا جديد للمآسي اللي موجودة ثم انهم مش هيغيروا في الواقع حاجة ده غير السلبية اللي متعوديين عليها أما الناس اللي اشتغلوا عن طريق الواسطة فبيقولوا داريني يا حيطه رغم اني مش شايف انها فيها حاجة لو ذكر قصته بدون حرج لأن أي واحد فينا تتاح ليه الفرصة للشغل عن طريق الواسطة مش هيتردد ورغم اني لسه طالب لكن شايف المستقبل اللهم صلي على النبي مبهج باذن الله وبدل ما نقول البيضة الاول ولا الكتكوت الواحد يحاول يدور على الفرخةاللي بتبيض دهب ألا وهي الواسطة.

وأريد ان اضيف على كل ما سبق أنه لو توفرت المصداقية الكاملة لدى مديرينا واصحاب شركاتنا لكان اختيار الكادر نابعاً من الكفاءة والقدرة على الانجاز بغض النظر عن اي اعتبارات اخرى "من واسطه وغيرها" وفي ذلك تحقيق لمبادئنا وقيمنا النابعة من ديننا التي تناسيناها وطبقها غيرنا في بلاد الغرب والشرق ووصلوا بها الى وصلوا اليه الان
وأحب ان ابلغك صديقي العزيز أنها لن تتوفر الا بمرور وقت طويل وياريت الناس تبعتلنا تجاربها عشان نعرف بس الدنيا ماشية ازاي، واختم كلامي بقول ربنا يصلح الحال ومتنسوناش في الدعوات عشان الأيام دي امتحانات والطلبة غلابة :) .
رابط هذا التعليق
شارك

* شركة OFFIS شركة غير مضبوطة المواعيد ومبيبقاش معاه السي في بتاعتك وعلى الباب لائحة الجزاءات السؤال انت شغال فين الرد مش شغال طب كنت شغال فين الرد لسه مخلص جيش وواخد OCP وعامل مشروع ولو فيه TASK ممكن أعملها لأ أحنا عايزين واحد أشتغل في شركة قبل كده عشان لما بناخد حد جديد بنعلمة وبعدين بيسيبنا
------------------------------------
يا صديقي العزيز شركة OFIS التي كتبت عنها المقطع السابق والتي أعمل بها الآن منذ عامين تقريبا ليست بهذا القبح الذي اوردته في مشاركتك
نعم هم يرفضون العمل مع الذين لا يملكون الخبرة ولكن تتمتع الادارة بثقة كل العاملين بها وأنا واحد منهم وكان من الممكن أن تعمل مثلي وتعمل في قسم الدعم الفني فترة تم تنتقل لقسم المطورين
يا صديقي التطلعات العالية في البداية تدمر (لأما مطور لبلاش) لن يجدي هذا المنطق. أعمل أولا ثم ترقي
أما انهم غير منضبطين في المواعيد فهذا خطأ ارجو استدراكه فأنت لم تمكث بالشركة أكثر من ساعة علي الاكثر فكيف تحكم علي دقة المواعيد
وأما عن لائحة الجزاءات فلا اري مشكلة في وضعها في قسم السكرتارية وليس كما ذكرت علي الباب
سيدي شركتي شركة محترمة جدا تدربني كثيرا في مجال الاوراكل وغيره من مجالات تطوير الشخصية
أرجو الاعتذار في نفس المكان لما أساء لي كثير
تحت أمر اي عضو في المنتدي للمساعدة في ايجاد وظائف بالشركة لأعضائه
شكرا

رابط هذا التعليق
شارك

أخي الكريم رعد السماء السلام عليكم ورحمة الله وبركاته أولاً أشكرك على مساهمتك وكنت أتمنى انك تبدأ لنا بتجربتك في العمل بأوراكل لكي يستفيد منها كلاً من معدومي أو محدودي الخبرة من أمثالي بدلاً من توجيه الاتهامات اللاذعة لي بأنني أقصد التجريح في شركة أوفيس بشخصها فأنا لا أكن لها أي عداوة أو ضغينة والسبب ببساطة أنني لا تربطني أي صلة بها ولا بالعاملين فيها سوى أنني أجريت فيها مقابلة كسائر الشركات التي رفضتني ولو أننا نتكلم بهذا المنطق لذكرت المساوىء لكل الشركات التي تحدثت عنها وبالنسبة للأعتذار أعتذرت في مشاركتي الأولى أقرأ السطور الأخيرة في أول مشاركة لي

وأعتذر اخيراً للشركات ان كنت اسأت لأي منها

"وان كان اعتذاري على خطأ لم ارتكبه" لكنني عندما ذكرت شركة Offis لم اذكرها من جانب الادارة أو اداء الشركة ولكنني ناقشته من جانب التقدم لعمل وهي المرحلة التي شهدتها ، لقد مكثت أربع ساعات من أجل مقابلة لا تتعدى الدقيقتين :) وكانت المقابلة على نفس السياق الذي ذكرته سابقاً بالنص اضافة لذلك أنني عرضتب أنني مستعد أشتغل أول شهور بدون ساليري Under Test كان الرد مينفعش . وأعتقد أخي الكريم ان الواحد كونه يطمح انه يشتغل Developer علطول ليس درباً من من الجنون ولا يتنافى مع المنطق وهو ليس على الله ببعيد وعلى فكرة لو كانت أتيحت ليه فرصة الدعم الفني ساعتها مكنتش هتكبر وأقول
لأما مطور يا أما بلاش 
ونحن متفقون على أن كون لائحة الجزاءات معلقة في Reception مش على الباب وآسف لعدم الدقة ليس فيه اي اساءة وانما ملاحظة جذبت انتباهي مش أكتر :D ،وأتمنى لي ولك ولجميع أعضاء المنتدى كل خير، وأخيراً أكرر أسفي إن كنت أخطأت في حقك أو حق شركتك وليس معصوم منا الا رسول الله صلى الله عليه وسلم
رابط هذا التعليق
شارك

السلام عليكم ورحمةالله وبركاته
أولًا أود أن أشكر الأخوة الكرام الذين ساهموا في إبداء ارائهم مع العلم بأني مبتدأ في تعليم الأوراكل بس ؟أنا معيا شهادتين في ال DB2 هي زي الأوراكل بالضبط بس تبع شركة IBM وهي كانت تبع منحة وزارة الأتصالات مع العلم بأن كانت الرغبتين الأولى والثانية كانت الأوراكل وكانت أول تجربه لي كانت ثاني يوم بعد مناقشع مشروع التخرج وكانت من مدير السنتر إلي كنت بدرب فيه ولكن كان عاوزني علشان أنا كنت بعرف JSP وتقريبًا أنا الوحيد لإلي بعرف JSP في السنتر وتعلمته أثناء مشروع التخرج أنا إلي أخترت أشتغل بـ Jsp واستنتجت من أول مكلمه ليه معايا أنه أختار سته من إلي كانوا بيدرسوا علشان يشتغلوا معاه طبعًا أنا مكنتش من ضمن السنه دول بس هو عوزني أعلمهم JSP وبعد شهر تقريبًا كان الرد معلش المشاريع إلي عندنا محتاه العدد ده بس ( السته طبعًا إلي هو أختارهم) .
{وفي السماء رزقكم وما توعدون}
أنا أسف الموضوع ملهوش دعوه بالأوراكل ولكن أردت المشاركة بتجربتي

رابط هذا التعليق
شارك

  • بعد 1 سنة...

السلام عليكم ازيكم ياجماعه واشكر القائمين على هذا الموقع
اولا لماذا لم يوجد مكان الواحد يروح يتدرب فيه لمده معينه
بعد ذلك يذهب الى الشركات ويعمل انترفيو طبعا يكون معه خبره
فى المجال الذى يحب ان يعمل به هى طبعا خبره ضئيله بس ممكن
او الموقع يعمل مكان او جزأ من المنتدى للتدريب على الاوراكل
اى واحد يكون محترف فى الاوراكل ويعطى اسئله مثل الذى تكون موجوده
فى الشركات والحياه العمليه لكى يتدرب الفرد على العمل
هذه فكره
ثانيا هل هذة اللغه مطلوبه فى الخارج اى الدول الاجنبيه
لو كان مطلوب كيفه الوصول اليها؟
واخر طلب
ليه الواحد لم يكتب عن كيفيه التحق بالعمل اىى باتجربه الذى مره بها
لكى يعمل بالعمل الحالى الذى ربنا وفقه فيه
وربنا المستعان
وان شاء الله كل واحد محتاج يعمل ربنا يوفقه
والسلام عليكم ورحمه الله وبركاته
واسف على الاطاله الحمد لله
الهدف اهم شىء فى الحياه

رابط هذا التعليق
شارك

الاسلام عليكم
الصراحة انا حابب اني اكتب تجربتي و اتمنى انه يتم التعليق عليها
انا طالب كيمياء و دخلت في مجال البرمجة ( اوراكل) على ما يبدو غدر . المهم اعرف فقط sql و pl\sql
ذهبت الى شركة برمجية تصنع برنامج محاسبة ضخم لشركات (طبعا في سوريا) . من اول لحظة وانا عم عرف عن نفسي و عم اطلب وظيفة القي علي وابل من الاسئلة :
1 شو بتعرف 2- شو يعني هي ........ 3 – بتعرف تعمل بروسجر كامل 4 – متاكد 5- بتعرف تعمل فيو
كيف و كيف كيف و كيف كيف و كيف و بالاخير قلي شو بتدرس قلتلوه كيمياء فجاوبني : و الله ما بيمشي الحال
المهم انا حبيته كتير و ما عرفت شو وجعو
على كل لسع ما وجدت عمل يلي بيحسن يفيدني يدلني يستر على الكلاوي

انا في حلب [email protected]

رابط هذا التعليق
شارك

بسم الله الرحمن الرحيم

إخوتى الأعزاء .. السلام عليكم ورحمة الله وبركاته

انا الحمد لله خريج كلية الهندسة قسم الكمبيوتر منذ عام 1997 وبدأت رحلة العمل فى دنيا البرمجيات منذ عام 1998 حتى الآن.

يعنى خبرتى حوالى 8 سنين تقريباً فى البرمجيات ومعايا الocp منذ عام 2001 فى ال developing
وعملت بمصر فى عدة شركات وعملت فى الخليج والحمد لله.

المهم

رداً على جميع ما سبق وعلى سؤال اخونا الحائر بين العمل أولاً أو الشهادة أو غير ذلك أحب أن تبدأ حياتك بتفكير منطقى ومرتب كما يلى:

1- الاستعانة بالله أولا واخيراً والتأكد من أن الرزق بيديه تعالى مهما اختلف الأسباب وتغيرت
2- اختيار الطريق للثلاث سنوات القادمة وليكن Oracle Developing ولا تظن أنك ستظل فى هذا المجال دوماً لأنك ستتغير بمتغيرات السوق
3- العمل على تميزك فى هذا المجال بشتى الطرق ولتكن البداية هى ال ocp طيب كام واحد تانى غيرك معاه ocp تبدأ تتميز بالقراءة فى المواضيع المتعلقة بمجالك أكثر وأكثر ثم تقوى نفسك فى اللغة الانجليزية ثم تزيد من دائرة اتصالاتك ومعارفك فى المجال وتناقش الأصدقاء وتحاول تحضر ندوات وتعرف آخر الأخبار من موقع أوراكل ومن المجلة وهكذا.
4-تبحث عن عمل وتحاول تثبت شخصيتك فى المقابلة وتكون واثق من نفسك ولا تهتم بموضوع الواسطة أو موضوع نصب الشركات أو غير ذلك. صحيح لو ربنا وفقك فى شركة كبيرة لها اسم أفضل بكثير من الشركات الصغيرة ولكن مش كل الناس حتقدر تتعين فى الشركات الكبيرة المهم حاول تحط رجلك فى أى شركة وتشتغل فى مشروع وتتعلم كل صغيرة وكبيرة فى المشروع ده بقدر الإمكان وتمشى فى طريق الشهادات والتطوير ليك انت مش علشان مشروعك فى الشركة لإن معظم الشركات بس مش كلها ميهمهاش ان الموظف يتطور بل بالعكس عاوزينه يفضل كده علشان ميمشيش أو ميطلبش زياده بس تشتغل شغلك بما يرضى الله.

أرجو من الله ان يستفيد الأصدقاء بهذا الكلام وأن يجعله علم ينتفع به

رابط هذا التعليق
شارك

  • بعد 2 أسابيع...

ياجماعه مصر اساسا مفيهاش اوراكل يكفي كل المطورين والمبرمجين الي متخرجين بس الول الاوروبيه والخليجيه مليانه شغل اوراكل ياريت تدوروا بره مصر من خلال الانترنت ومواقع الوظائف الخاليه وانا ليا تجربه معاهم لشركه من النمسا طالبه dba جدا بس انا مش معايا لا شهادة اوراكل ولا خريج كلية حاسب الي .

واعلموا انه لا اله الا الله

رابط هذا التعليق
شارك

-هل الشهادة كانت أول الاولويات التي بموجبها حصلت على العمل أم ان العمل اولاً ثم الشهادة
-هل كلن العمل عن طريق معرفة أم عن طريق مو قع توظيف(طريقة الحصول على عمل)
- الفترة التي انتظرتها للحصول على عمل
-أهم الشروط الواجب توافرها للحصول على عمل

37607[/snapback]




1-لا الشهادة ليست من الاولويات لم اسال ولا مرة و انا اتقدم لاى شركة داخل مصر على ال ocp
2- الافضل ان تذهب بنفسك اى الشركة و تترك السيرة الزاتية و يا ريت يكون معاك مشروع انت عاملة
3- لا تنتظر الحصول على عمل يجب ان تكون فى عمل طول الوقت سواء تعمل فى شركة او تعمل فى البيت و بذلك يكون مستواك فى اذدياد و سيرزقك الله ("إن الله لا يضيع اجر من احسن عملا")صدق الله العظيم
4- اهم الشروط هو ان تكون اشتغلت بايدك فى البيت و يا ريت لو عملت مشروع و يا سلام بقى لو انت سوقت المشروع دة و تاخد من الشركة دليل انك عملتها المشروع دة كدة يبقى انت فعلا عملت اللى عليك

لا تنسى بعد ان يوفقك الله فى العمل ابدا فى التفكير ان تحصل على ال ocp
رابط هذا التعليق
شارك

  • بعد 2 أسابيع...
أضمن الشغل قبل الشهادة
أخوتي في الله السلام عليكم ورحمة الله وبركاته بس حبيت أن أناقش هذا الموضوع مع أخوتي في المنتدى لكي يستفيد مشتركي المنتدى بما فيهم أنا ولنعرف بكل وضوح حل قضية البيضة الاول ولا الكتكوت (الشغل ولا الشهادة)
أحب أن نناقش تجربة الناس اللي اشتغلوا(واللي مشتغلوش برضه) في مجال أوراكل والحاصلين على شهادة OCP  سواء في الديفلوبر أو ال DbA  بدون ذكر اسماء الشركات
-هل الشهادة كانت أول الاولويات التي بموجبها حصلت على العمل أم ان العمل اولاً ثم الشهادة
-هل كلن العمل عن طريق معرفة أم عن طريق مو قع توظيف(طريقة الحصول على عمل)
- الفترة التي انتظرتها للحصول على عمل
-أهم الشروط الواجب توافرها للحصول على عمل

وسأحكي لكم قصتي ليس كي أحبط المشاركين في المنتدى ولكن كي يستفيدوا من تجربتي وأرجو من الأخوة المشتركين المساهمة في هذا الموضوع.


أنا خريج كلية العلوم قسم علوم الحاسب بتقدير جيد وحاصل على دورة أوراسكوم بعد ما خلصت التدريب كملت الامتحانات حتى حصلت على ال OCP  ديفلوبر وكنت عامل مشروع كويس
وبعدين بعثت السي في الخاصة بي لمعظم شركات ال IT  وشركات كتيرة بعتتلي لعمل مقابلة شخصية وبالفعل أجريت اكثر من 20 انترفيو وكانت السيناريوهات مختلفة فمنها ما وفقت فيها في نظر نفسي ومنها ما أخفقت  ومنها ما استبعدت لعدم الخبرة أو الشغل في SOFTWARE HOUSE  من قبل ولنأخذ أمثلة للتي أعتقد أنني وفقت فيها
-أول انتر فيو كانت في شركة --------  بعد الاختبار وكان الرد فيها انك  ALREADY  معانا وهتبدأ معانا من اول الشهر وهيكون مرتبك كذا وكنت ساعتها OCA  فقط وجه آخر الشهر ومحش سئل قلت أسأل أنا فكان الرد معلش مكنش في نصيب
-والسيناريو اللي فات اتكرر باساليب مختلفة كتيييير.
-وسأذكر لأخوتي بعض اساليب الانترفيوهات في بعض الشركات المصرية
*شركة ITWORX  شركة محترمة جدا بيحدد ميعاد ومظبوطين جداً في مواعيدهم بتدخل امتحان لمدة ساعتين (انجليزي-IQ-حساب-FLOWCHARTS) وهي اسئلة مش صعبة بس الوقت ضيق اذا عديت فيه بيتصلوا بيك عشان الامتحان الTECHENICAL  بالنسبة للاوراكل بيديلك مشكلة ويخليك ترسم ER MODEL  ثم امتحان لمدة 40 دقيقة  SQL AND PL/SQL ومعطمة من اسئلة الشيت شيت وهذا الحال في معظم اسئلة الشركات التي تشتغل في اوراكل وأحلى حاجة فيها انهم بيبعتوا جواب اعتذار وشكر لعدم عملك معهم واللي اثلج قلبي ساعتها ان المبل كان مبعوث لحوالي 30 شخص غيري.

*شركة TRENDS  IQ  ثم مقابلة
*شركة DMS    4 ساعات امتحانات ساعة اوراكل(SQL-PL/SQL-FORMS-REPORTS)  وساعة IQ  60 سؤال وساعة ENGLISH  وساعة سمات شخصية واذكر واقعة طريفة مع هذه الشركة حيث كانت الانترفيو في رمضان اللي فات وامتحنت 4 ساعات وتاني يوم اتصلوا بيا قالولي انت مجيتش الامتحان امبارح ليه قولتلهم انا رحت  وامتحنت اربع ساعات فقالولي اوكي صح صح ومحدش سأل
* شركة OFFIS  شركة غير مضبوطة المواعيد ومبيبقاش معاه السي في بتاعتك وعلى الباب لائحة الجزاءات السؤال انت شغال فين الرد مش شغال طب كنت شغال فين الرد لسه مخلص جيش وواخد OCP  وعامل مشروع ولو فيه TASK ممكن أعملها لأ أحنا عايزين واحد أشتغل في شركة قبل كده عشان لما بناخد حد جديد بنعلمة وبعدين بيسيبنا
* شركة PRIMA SOFT  امتحان IQ GRAPHS  36 سؤال في نصف ساعة وبعدين انترفيو اسئلة 
ايه المشاكل اللي قابلتها ومقدرتش تحلها وايه المشاكل اللي قابلتها وحليتها وحليتها ازاي
*شركة EGYCOMP انترفيو يناقشك نظريا وأوكي انت ALREADY  معانا بس نحدد الساليري مع المدير وانسى يا عمرو
* شركة NOZHA IT أنترفيو ولاب تيست تشرح كورس وميعاد بعدين عشان تشرح قدام ال MANAGER  وكل مره ال MANAGER  ميجيش وتأخد ميعاد جديد لغاية متزهق وتبطل تيجي مظنش انه صعب انهم يعتذرولك ويقولولك مفيش نصيب او هتنصل بيك وميتصلوش
*شركة PAYANET مبتشتغلش أوراكل من اساس.

والحمد لله حصلت على عمل بس بعيد عن اوراكل خالص وانشاء الله ربنا ييسر اورجع لل IT  بس مش الاوراكل من تاني بس معايا ست شهور على الاقل واسأل الله التوفيق لي ولجميع المسلمين وأعتذر اخيراً للشركات ان كنت اسأت لأي منها وغفر الله لي ولكم وآسف للاطلة في الحديث
والسلام عليكم ورحمة الله وبركاته.

37607[/snapback]


رابط هذا التعليق
شارك

  • بعد 5 أسابيع...

السلام عليكم و رحمة الله و بركاته
ليس لى تعليق الا يقول رسول الله صلى الله عليه وسلم: "لو توكلتم على الله حق التوكل لرزقكم كما يرزق الطير تغدو خماصاً وتعود بطاناً" او كما قال صلى الله عليه وسلم.

ولو كان الرزق يأتي بقوةٍ ما أكل العصفور شيئاً مع النسرٍ

هذا من و اقع حياتى العمليه لابد و ان الانسان يرمى حموله على الله فقط
و ربنا يوفق الجميع

رابط هذا التعليق
شارك

  • بعد 1 سنة...

السلام عليكم ورحمه الله وبركاته

اود ان اطرح عليكم قصتى لعل تكون فيها افاده للبعض من الاصدقاء
اولا انا احمد حمدى .بكالوريوس فى الحاسبات ونظم المعلومات من جامعه القاهره عام 2006 , وبعد التخرج التحقت بمنحه وزاره الاتصالات ..تراك اوراكل ..فوجيتسو المهندسين ..ولسه مخللصها من شهر بالظبط فى اول نوفمبر الماضي
اولا انا بشكر جدا الاستاذ خالد ميجا وجميع الاخوه الاعضاء اللذين ساهموا بنشر ايميلات الشركات فى المشاركه بعنوان (هل تبحث عن عمل بالاوراكل ) ,واتمنى لهم خالص التوفيق فى حياتهم وفى عملهم
المهم انا اخدت اللسته دى وقمت باعت للايميلات دى كللها فى BCC ثم ماكان عليا الا الانتظار
اولا كانت انترفيو فى شركه اسمها بشاره (دى كويتيه لها فرع فى مصر ) بعد المنحه على طول باسبوع .. كانت عايزه ناس تروح تشتغل دعم فنى لمشروع تابع للشركه لمده سنه واحده فقط والمرتب 200 دينار ..انا رحت وكانت انترفيو عاديه جدا اهم حاجة فيها المظهر واللباقه فى الكلام والشهاده طبعا * (OCP DEVELOPER10g)
المهم المهندس المختص قابلنى بكل ترحاب وقاللى طبعا انت هتفكر فى الخبره (انت الخبره اللى هتاخدها مش فى الاوراكل خالص بس هتقدر تتعامل مع الناس كويس وتتعرف عليهم وهتقوم بكل مهام الدعم الفنى المطلوبه منك وكمان لو حصل اى خطأ فى البرنامج تقدم تقرير للمطورين ويقوموا يحللوه ) ..وطبعا لا انكر ان الراجل قال ان المتميزين فى الدعم الفنى بناخدهم ديفيلوبر فى الشركه (بس ده مكانش وعد صريح منه ) ..الانترفيو خلصت ..ولسه لحد الان محدش رد بالقبول او الرفض علما بان عدد الناس اللى اتعمللها انترفيو كانوا فوق ال 100 واحد :) وطبعا انتوا عارفين احلام الشباب ومرتب 4000 جنيه وكده ...
المهم جات شركه تانيه اسمها اسست عملت انترفيو ..المهندس المختص ادانى امتحان IQ وقاللى حلله وبعده كان امتحان اوراكل ادمنستراشن وبعده امتحان انجليزى واخيرا ننتهى بامتحان شبكات ..كل دول فى ساعه ونص ..والحمد لله حليتهم كاملين ...والراجل قعد معايا واتناقشنا فيهم وبعدها قاللى طيب ياحمد هنبقى نتصل بيك ...
ماعلينا ..جات شركه بروسي لاب طلبتنى ورحت عملت انترفيو هناك وكان نفس نظام الامتحانات ..بس الوقت اقل ..حلليت ومشيت وانتظروا منننا مكالمه فى غضون الاسابيع القاده
جات شركه NVIS برده انترفيو تكنيكال عن شويه حاجات فى اوراكل كده سيكويل وبى ال وريبورتات وفورمز ..المهم بعد ماتكلمنا على المرتب وهتقدر تستلم الشغل امتى ؟.؟ ..ابقى انتظر مننا اتصال
جات شركه ارابيز اتصلت بيا وعملت الامتحانات المذكوره كانها روشته فى اى شركه لازم تتصرف لاى موظف جديد ..امتحان IQ ..وعملت انترفيو تكنيكال وهنبقى نتصل بيك
جات شركه انتركوم انتربريزس ..برده نفس الكلام وامتحانات كتيره بس معاك وقت حوالى ساعتين ..وبعدها المانجر كللمنى على المرتب وهتقدر تستلم الشغل امتى .وهنبقى نتصل بيك ..
جه مركز تدريب فى مصر الجديده كللمنى ورحت عملت لاب تست (طريقه واداء الشرح للطلبه ) والمانجر اتكلم معايا شويه عن المشروع والدراسه وسالنى تقدر تدرس ايه ..قولتله ديفيولبر او ادمن عادى مش هتفرق ..قاللى طيب ياحمد احنا متعاقدين مع وزاره الاتصالات ..طو مانبدا هنبقى نتصل بيك
جات شركه EGYTECH وشركه تانيه مش متذكر اسمها كللمونى فى نفس اليوم وقالولى الانترفيو على اول اسبوع فى شهر 12 .. كل الانترفيوهات دى ياجماعه الحمد لله فى اسبوعين اتنين بالظبط (فى الفتره من 10 الى 25 نوفمبر )
بس الحمد لله كانت شركه انتركوم كللمتنى فى اخر شهر 11 ..تحديدا يوم 27 نوفبمبر كنت مضيت استلام العمل الحمد لله.
اللى انا عايز اقوله من الكلام ده ..اننا واحد شمن 340 واحد اوراكل سيرتفيد ومعاهم شهادات دوليه كللهم طالعين لسوق البرمجيات فريش
وكللهم طالعين فى وقت واحد ..بالظبط اول نوفبمر كان كلله مخللص المنحه يعنى موضوع الشغل مفتوح
والله ياجماعه الحمد لله انا لما اشتغلت فى شركه انتركوم ..كانت شركه ارابيز بتتصل عشان اقابل مدير الموارد البشريه هناك وكذلك كانت شركه اسست (تكنيكال سبورت ) ودول من اكبر الشركات فى مصر زى انتركوم بالظبط .
وبالنسبه لموضوع الشهاده ..هتفرق معاك اوى فى السفر وهنا فى مصر هتكون بس اول خطوه فى طريق الانترفيو او على الاقل السي في بتاعتك مش هتترمى فى الزباله ..هتكون محطوطه على رف محترم هناك ومعمولها باكاب فى الداتابيز كمان عشان دى مكسب للشركه انها يكون عندها سيرتفيد وفاهم كويس ...وده هيفيدها فى ال CMMI
---وبالنسبه لموضوع الواسطه ...صدقنى والله ماكان ولا واسطه ولا كنت اعرف حد هناك اصلا ..بس شركه اسست الوحيده اللى طلب يعرف وظيفه والدى ايه بالظبط

وعلى فكره ..فيه شركات كتير وتيجى APPLY CV ONLINE هتلاقي فيه فيلد كده يقوللك لو انت تعرف حد او ليك قرايب عندنا ياريت تقول اسمه والظيفه بتاعته والمرتب بتاعه !!! ده طبعا شيء غريب والاغرب انه علنى على النت (او يمكن يكون المقصود بيها حاجة تانيه الله اعلم !!! )

---واعتقد فتره الانتظار الحمد لله مدامتش اكتر من اسبوع على بدايه مشوار الانترفيوهات وشهر على الشغل الحمد لله وانا اعمل الان من 1/12/2007

---طبعا من اهم الشروط الواجب توافرها فيك انت تحديدا كطالب عمل ..انك تكون مهذب فى الكلام وتحاول على اد ماتقدر تكون مستمع اكتر من متكلم واللباقه فى الحديث وطبعا لانترك المظهر ..فعليه عامل مهم جدا ..وبالله التوفيق اولا واخيرا
وصدقنى الرزق ده بايد ربنا سبحانه وتعالى
طب انا اعرف واحد صديق ليا قعد ديفيلوبر لمده 3 شهور فى شركه كاش فى المهندسين وسافر بعدهم الامارات وشغال زى الفل الحمد لله وبمرتب محترم جدا .
انت بس ارمى حمولك على الله وحاول تدور ومتياسش ...لان الياس ده مش هيفيدك بحاجه ..انت بس زى اى واحد حتى لو شغال ..تنمى نفسك اكتر واكتر فى المجال اللى انت عايز تشتغل فيه سواء ديفيولبر او ادمنستراتور .
اتمنى اننا مكونش طولت عليكم فى الحديث وربنا يارب يكرم الجميع
سلام عليكم [/size][/b]

رابط هذا التعليق
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

جاري التحميل
×
×
  • أضف...

برجاء الإنتباه

بإستخدامك للموقع فأنت تتعهد بالموافقة على هذه البنود: سياسة الخصوصية