كيف ابدأ ؟؟ لغة برمجه اولا ام Database اولا

[rameahmed]

برجاء من الاعضاء
اريد ان ابدأ كورس في البرمجه و لكني لا اعرف كيف ابدأ حيث اني اريد ان اعرف هل ابدأ بلغة البرمجه اولا ام ابدأ database و انا اريد ان ادرس اما لغة java او # c فبرجاء مساعدتي فانا لا اعرف كيف ابدأ و جزاكم الله كل خير حيث اني بقالي شهر بدور علي اجابه علي هذا السؤال ولم اجد ردا واين استطيع ان اخذ الكورسات و محتار في اختيار المكان المناسب فانا اريد مكان جيد لكي اتعلم فيه في مصر
فما رأيكم في الجامعه الامريكيه او مركز yat ام يوجد اماكن افضل منهم في هذا المجال في مصر حيث اني لا اعرف ما هو افضل مكان لتعليم البرمجه في مصر فبرجاء سرعة الرد حتي استطيع الالتحاق بهذه الكورسات

[eslam elbyaly]

السلام عليكم ورحمة الله وبركاته
قبل اى حاجة انا قلت الحقك
الجامعة الامريكية غالية جدا وانا اعرف حد بياخد فيها اوراكل ومستوى الخدمة هناك زفت يعنى اسم علفاضى ويات برده غالى انا بتكلم على كورسات الاوراكل على فكرة بس اكيد ما دام الاوراكل غالى هناك بالنسبة للاماكن التانية فكل حاجة هتبقى غالية اكيد
فى عندك بقى اللى اسعارهم معقولة مركز اوراسكوم بتاع نجيب سويرس وعندك نيوهورايزون وعندك نيوهورايزن فى المنصورة مش عارف ليه فرع فى مصر ولا لا وانت بقى دور على عناوينهم وتليفوناتهم واتصل واسال
بعد كده بقى فى كورسات فى الجامعات اكيد وفى منح زى منحة جامعة القاهرة مش عارف بتبقى فى شهر كم كل شوية بياخده دفعة ب 3000 جنيه بتدخل منحة تتعلم فيها داتا بيز واوراكل مثلا وشوية كورسات تنمية بشرية ومهارات اتصال والحاجات اللى زيى دى ويدوك شهادة من الجامعة ده بالنسبة برده لدورة اوراكل معرفش الباقى ايه
وشغل نفسك بقى يا بشمهندس