BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 بجد مش عارف اقوول ايه ... شكرا...السؤال اللي كان بيطرح نفسه.. علشان انا كنت فاكر انو في حاجة تانية هعملها بعد كدا...بس ايه رأيك في تلامزتك... على فكرة انا زاكرت ال 4 درووس كلهم امبااارح.. وبقيت كويس اوي فيهم الحمد لله.. ودة بفضل شرحك الجميل والمبسط...طيب انا ما شفتش اي تعليق ليك على الحل بتاعي ولا على اي كلام انا كاتبة؟؟؟؟؟؟؟؟؟؟؟؟؟؟تاني حاجة يعني ايه كلمة varchar ؟؟؟؟ومنتظرين منك باقي الشرح... وانا عندي طلب خاص يا ريت لو تضيفني على ايميلي..[email protected]او تديني ايميلك لو دة ما كانش يدايقك...مع تحياتي ... اسلام.. اقتباس رابط هذا التعليق شارك المزيد من خيارات المشاركة
babbypirate بتاريخ: 26 يناير 2009 كاتب الموضوع تقديم بلاغ مشاركة بتاريخ: 26 يناير 2009 شوف كده الصورة دي يا باشا اللي في المرفقات انا حطيت الكلمات كلها جمب بعض و قالي ان الجدول اتكريت الغلط هقولهولك بس في الدرس القادم تقبل تحياتي اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 معلش يا .... اخوي... بس يا ريت لما اكتبلك حاجات ترد عليهم..... انت انسااان رائع وعلى راسي والله... بس انا كاتبلك كذا جزئية يا ريت ترد على اللي انا كاتبهولك؟؟؟؟لو سمحت يعني؟؟؟ ممكن؟؟وبعدين ما فيش حاجة في المرفقات؟؟؟ اقتباس رابط هذا التعليق شارك المزيد من خيارات المشاركة
babbypirate بتاريخ: 26 يناير 2009 كاتب الموضوع تقديم بلاغ مشاركة بتاريخ: 26 يناير 2009 انا شفت الحل بتاعك و انا الهدف من اني اخليك تكتب بايدك عشان تتعود على كتابة الكود و تشوف ايه الغلط و تحاول تكتشفه من نفسك و لو ما عرفتش يبقى نيجي هنا و نتناقش فيه على فكره انا بعتلك الاميل بتاعي و ضفتك عندي اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 على العموووم شكرا اوي...انا كمان ضفتك.. وانا اون لاين ناو... اقتباس رابط هذا التعليق شارك المزيد من خيارات المشاركة
hanyfarrag بتاريخ: 26 يناير 2009 تقديم بلاغ مشاركة بتاريخ: 26 يناير 2009 موضوع ممتاز تسلم إيدك يا زعيميا ريت تستمر اقتباس رابط هذا التعليق شارك المزيد من خيارات المشاركة
babbypirate بتاريخ: 26 يناير 2009 كاتب الموضوع تقديم بلاغ مشاركة بتاريخ: 26 يناير 2009 بسم الله الرحمن الرحيم ازيكم يا شباب نخش في الدرس علطول و ياريت التليفونات صامت عشان من عايزين ازعاج توكلنا على الله ازاي نكتب كود و نتاكد انه صح ؟؟؟؟ اولا :- ممنوع استخدام الكلمات المحجوزة للباشا اوراكل زي ( select , update , insert , delete ,.... الخ الخ ) يعني ايه ممنوع استخدام الكلمات المحجوزة زي ؟؟ يعني لما تيجي تسمي جدول ما تسميش الجدول باسم من الاسماء دي مثال على ذلك :- SQL> create table INSERT ; طبعا هيطلعلك ايرور علطول يقولك ما تلعبش في عداد عمرك الكلمه دي بتاعتي و مش من حقك انك تستخدمها استخدام شخصي يبقى نكتب الكود كده SQL> create table students ;كده يقولك انت صاحبي و حبيبي و كفاأه ثانيا :- المحروس اوراكيل بيقولك اكتب الكود بأي حاله سواء كانت الحروف كبيرة او صغيرة ما يهمنيش ( انا اللي يهمني الشغل ) يعني لما نيجي نكتب الكود ده لو كتبناه بالشكل ده SQL>select * from students ; هو هواه لو كتبناه بالشكل ده SQL>SELECT * FROM students لاحظ كده يا بوب اني كتبت اوامر SQL مره بالحروف الكبيرة و مره بالحروف الصغيرة بس لما قلتله يجيبها من الجدول اللي اسمه students كتبته بحروف صغيره في الحالتين , طب ليه يعني اشمعنى هو اللي كتبته بالحروف الصغيره ( هي الكوسه حتى في الاوراكل ) اقولك لا مفيش كوسه ولا حاجه بس اوامر اوراكل مش بتهتم بحالة الحرف لانها موجوده عندها عشان كده انت ما بتقدرش تستخدمها في تسميه الجداول بتاعتك اما اسم الجدول بتاعك ( يا عيني ابن البطه السودة ) ده حضرتك اللي عملته يعني تخلي بالك و انت بتكتب الجدول هل هو حروفه كلها صغيرة ولا كلها كبيرة ولا اول حرف بس اللي كبير و الباقي صغير خلوا بالكم ياما ناس قعدت تدور على الجدول و تيجي تقول مش لاقي جداول خالص و يتضح انه كاتب اسم الجدول غلط ( غلط يعني حالة الاحرف ) الحته دي مهمه ركزوا عليها ثالثا :- لما نيجي نكتب كود طويل لازم نفصل بين الحقول مش تبقى كلها مهلبيه لا لازم نخلي شغلنا نضيف يبقى نحط بين الحقول الفاصلة ( , ) من غير الاقواس طبعا مثال ذلك SQL> select ename as name , sal salary , job " smployee job " from emp ; لاحظ اني حطيت الفاصلة بين كل حقل و التاني رابعا :- اوراكل بيقول " يا جماعه لو عايزين تكتبوا الكود كله مره واحده ما عنديش مشكله ( يعني على سطر واحد ) و لو عايزين تكتبوا الكود على كذا سطر بردو مفيش مشكله بس لما تخلصوا شخبطه و لعب بالاكواد يا ريت تحطولي الاشارة دي ( ; ) الفاصلة المنقوطه بدون الاقواس طبعا عشان ابدا اشوف شغلي و اشوف الشخبطه اللي عملتوها " . ملحوظة :- لازم ناخد كلام الراجل ده جد لانه حمقي شويتين رابعا :- سامع واحد بيقولي خامسا طبعا هرد عليه و اقوله و انت مالك انا اللي بشرح عشان نزوق الشغل بتاعنا و نخلي منظره حلو و ابن ناس و اللي يشوفه يقدر يفهم نخلي كل كود على سطر مثال ذلك :- SQL> select *2 from Table 3 where consditions 4 order by column ; او ممكن نخلي الفاصلة المنقوطه على سطر لوحدها بس ياعيني هتبقى لوحدها كده غلبانه خليها في اخر الكلام و خلاص عشان ما تبقاش لوحدها اوراكل بعتلي مسج بيقولي عشان خاطرك انا ممكن ابدا انفذ الشخبطه اللي بتعملوها في الاكواد لو كتبتلي الحاجات دي ; او run او / يعني من الاخر اوراكل عملنا عرض خاص ( و لفتره محدودة ) اكتبله الاكواد اللي سيادتك عايزها و في الاخر لما تحب تخليه يشتغل حطله الفاصلة المنقوطه او اكتبله كلمة run او / لحد دلوقتي يا شباب انا مش شايف غير واحد بس اللي مشارك معايا اللي هو الاخ BeCkHaM .11 يا شباب انتوا لو شايفين ان الموضوع ده مالوش اي لازمه قولولي عشان ما اضيعش وقتكم و وقتي انا مش عايز ردود بقد ما انا عايز مشاركات انا ممكن اشوف ان الحته دي سهله و اكروت فيها في حين ان في ناس شايفه ان الجزئيه دي صعبه و عايزه تتبسط الى الان وصلنا بمعرفتنا العميه في اوراكل الى 1- تعملنا متطلبات كتابة الكود في sql ( درس النهارده لسه طازة ) 2- عرفنا اهم امر في sql و هو ====> select و عرفنا ازاي نستخدمه 3- عرفنا اوامر التعامل مع البيانات ====> insert , update , delete 4- بدانا في التعامل مع الجداول باستخدام امر create و عرفنا ازاي نعمل جدول جديد و ازاي نعمل جدول جديد بخصائص جدول قديم و ازاي نحط قيمة افتراضيه للبيانات اللي جوه الجدول النهارده و بعد ما خلصنا شروط كتابة الكود نخش على انشاء جدول جديد بس هقولكم على خاصية جديدة ( عشان تعرف الناس انك واد ادرجي ) عملنا الجدول الجديد اللي هو عملناه المره اللي فاتت SQL>create table students2 (3 St_no number (10) unique ,4 st_name varcher (40) not unll ,5 st_add varchar (50 )6 St_national varchar (15)7 Default ‘ Egypt’8 st_sex varchar(1)9 check ( st_sex ( 'm ' , ' f ' ))10 (; هو نفسه الجدول بتاع امبارح بس دخلنا عليه خاصية انه يشيك على الحاجه اللي داخله يعني عملنا عمود اسمه نوع الطالب هل هو " دكر ولا انتايه " طبعا احنا حطينا حرفين بس m = دكر و f = انتايه عشان محدش من المستخدمين يتذاكا و يحطلي حرف z و يقول اصله من النوع التالت هم نوعين بس هتحطلي انت الثالث الاوراكل هيقولك غلط غلط غلط ما عنديش النوع التالت ده ليه لاني قلتله اللي هييجي يسجل يا دكر يا نتايه كفايه كده و نخش ع اللي بعده طبعا قواعد البيانات بتتعامل مع بعضها عن طريق العلاقات ( في الحلال محدش يفهمها غلط ) ازاي بيبقى في حاجه اسمها مفتاح اساسي و في حاجه اسمها مفتاح ثانوي العمليه دي سهله اوي لو بتستخدم الاكسس كل اللي عليك هتيجي على الحقل اللي عايزه يكون مفتاح اساس بشرط ان البيانات اللي فيه ما تتكررش و تديله كليك يمين بالموس ( بس تكون متوضي ) و تختار مفتاح اساس او ترجمتها بالانجليزي primary key و انشاء العلاقات دي سهله و ده موضوع سهل بس مش هشرحه دلوقتي هنتعلم فيه ازاي نعمل علاقه بين الجداول ( و نوفق بينهم و يا بخت من وفق مفتاحين في الحلال ) نرجع لموضوعنا ازاي نعمل مفتاح اساسي بلغة sql زي ما انا قلت ان العمليه دي سهله في الاكسس بردو سهله هنا كل اللي عليك هتديله 5 جنيه من تحت الترابيزه و هيمشيلك الامور مثال ذلك :- SQL> create table students 2 (3 st_no number (20)4 primary key , 5 st_name varchar ( 30) 6); عملنا ايه احنا هنا ؟؟ عملنا جدول جديد فيه رقم الطالب و اسم الطالب و بما ان رقم الطالب مش هيتكرر قلتله ده يا باشا هو مفتاح الاساس طيب احنا عملنا دلوقتي مفتاح اساسي في الجدول انا سامع واحد بيقولي هو ينفع يبقى في جدول واحد مفتاح اساسي و مفتاح ثانوي ؟؟ اقوله اه ينقع ينفع يكون فيه مفتاح اساسي في الجدول و مليون مفتاح ثانوي عادي جدا بس اللي مش عادي انه يبقى عندك اكتر من مفتاح اساسي في جدول واحد طيب ازاي نعمل مفتاح اساسي و مفتاح ثانوي يا معلم ؟؟ اولا هنعمل جدولين واحد للاقسام و التاني للطلاب جدول الاقسام SQL> create table section( 2 sec_no number ( 20 ) 3 primary key 4 sec_name varchar (30) 5)ونعمل جدول تاني للطلاب SQL> create table students 2(3st_no number (30) 4 primary key 5 st_name varchar (30) 6 sec_no number (20) references 7 section (sec_no)8 ) ; وكده يا شباب يبقى عملنا جدولين الاول للطلاب و التاني للاقسام و وربطنا جدول الطلاب بجدول الاقسام من خلال تعريفنا للمفتاح الاساسي اللي في جدول الاقسام في جدول الطلاب على اساس انه مفتاح ثانوي وكده بقى نكون خلصنا الحصه بتاعة النهاردة طويلة و دسمه وكل يوم من ده و ان شاء الله الاقي مشاركات و حماس ( مش حماس بتاعت فلسطين ) الدرس الجاي هنكمل باقي اوامر لغة التعامل مع الجداول و بكده يبقى رمينا اول عمود خرسانه في القاعده اللي بنبنيها للاوراكل عندنا شباب انا والله بتعب جامد عشان اشرح الشرح المبسط ده ياريت محدش ياخد الشرح ده و ينقله الى منتدى تاني و يحطه باسمه انا مش بطلب منكم فلوس مقابل الشرح ده انا كل اللي بطلبه حاجتين بس 1- تدعولي بالخير و لوالدتي 2- اني الاقي مشاركات جد لاني حاسس ان مفيش غير 1 بس اللي مشارك معايا تقبلوا تحياتي و الى لقاء اخر ان شاء الله تعالى اقتباس رابط هذا التعليق شارك المزيد من خيارات المشاركة
angel of dreams بتاريخ: 26 يناير 2009 تقديم بلاغ مشاركة بتاريخ: 26 يناير 2009 دكتور على فكره حضرتك استاذ ده مش مجال مناقشه بس حضرتك قولت علشان نتعلم بس على العموما حضرتك كاتب4 st_name varcher (40) not unll كلمه null حضرتك كاتبها unllوانا اسفه لواتفهمت غلط مع الشكرعلى المجهود اقتباس رابط هذا التعليق شارك المزيد من خيارات المشاركة
angel of dreams بتاريخ: 26 يناير 2009 تقديم بلاغ مشاركة بتاريخ: 26 يناير 2009 دكتور انا كمان تلميذه من تلميذه حضرتك وانا مع حضرتك فى الدرس وشكرا للشرحوالنهارده مفيش واجب وده شى جميل اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 27 يناير 2009 تقديم بلاغ مشاركة بتاريخ: 27 يناير 2009 (معدل) كالعادة ... الشكر والتقدير لشرحك الجميل دة.. والتألق والابداع والحاجات الحلوة اللي بتزيد منك يوم عن يوم...بس بصراااحة الدرس دة خلاني ادخل كل حاجة في بعضها...بالراااحة بقا اقولك على الحاجات اللي انا ما فهمتهش.. مع اني نفسي اعمل كوبي وبيست للدرس كله على اني ما فهمتووش === === === === === === ===اولا انا ما فهمتش اي حاجة في الكود دةSQL> select ename as name , sal salary , job " smployee job " from emp ; هوا ايه الل حصل هنا بالظبط.؟؟؟؟=== === === === === === ===تاني حاجة ممكن تعيد الحتة دي علشان انا ما فهمتهااش كويس..جدول الاقسامSQL> create table section(2 sec_no number ( 20 )3 primary key4 sec_name varchar (30)5)ونعمل جدول تاني للطلابSQL> create table students2(3st_no number (30)4 primary key5 st_name varchar (30)6 sec_no number (20) references7 section (sec_no)8 ) ; بجد انا مش عارف ايه الي حصل هنا... يا ريت تشرح الكوود زي ما كنت بتشرحه زمااان بالتفصيل الممل الخنيييق .. ( وما تقوليش عايزنا نرجع زي زمان قول الزمان ارجع يا زماان ) يلا بقا اتجدعن معايا علشااان ادفعلك الحاجات اللي على النوتة.. طبعا اوعوا تسدقوا اني هدفعله حاجة انا بقالي 3 درووس بقول الكلام دة لحد ما اخلصص شرح وبعديها هقوووم يا فكييييييييييك... احلاها نحشة شكرا اوي لحضرتك ومنتظر منك الرد تم تعديل 27 يناير 2009 بواسطة BeCkHaM.11 اقتباس رابط هذا التعليق شارك المزيد من خيارات المشاركة
babbypirate بتاريخ: 27 يناير 2009 كاتب الموضوع تقديم بلاغ مشاركة بتاريخ: 27 يناير 2009 شكرا يا جماعه على المتابعه اولا الكود ده SQL> select ename as name , sal salary , job " smployee job " from emp ; هو كود عادي و انا حطيته على سبيل المثال يعني مش للشرح انا حطيته عشان اعرفك ان بين كل حقل و حقل لازم نحط فاصلة والجدول ده يا باشا SQL> create table section( 2 sec_no number ( 20 ) 3 primary key 4 sec_name varchar (30) 5) ده انا عملت جدول للاقسام عملت فيه ايه ؟؟قلتله اعملي جدول للاقسام وعملت عمود لرقم الاقسام و خليته يبقى هو مفتاح اساسي primary key يعني بقوله الــsec_no ده هو هيبقى مفتاح اساسي للجدول وعملنا جدول الطلاب SQL> create table students 2( 3st_no number (30) 4 primary key 5 st_name varchar (30) 6 sec_no number (20) references 7 section (sec_no) 8 ) ; لاحظ كده ان لغاية السطر الخامس هو نفس الجدول السابق بس الجدول ده للطلاب نيجي بقى بعد كده للسطر السادس عملت ايه ؟؟؟ حطيت sec_no number ده اللي هو موجود في جدول الاقسام و لاحظ اني حطيت كلمة references <====يعني ايه الكلمه دي ؟؟ يعني مرجع او راجع الى طيب راجع الى ايه بقى ؟؟ راجع الى الجدول section وده اللي كتبته في السطر رقم 7 و sec_no هو مفتاح الاساسي بتاعنا لو في حاجه مش واضحه في كلامي قولي مستني الردود و التعليقات تحياتي لكم اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 27 يناير 2009 تقديم بلاغ مشاركة بتاريخ: 27 يناير 2009 والله انا قاااعد سهراان مستنيييك.. بجد شكرا اوي انا فهمت تماااام كدة....تمااااااااااااااااام بجد شكرا اوي ليك.. واظن اني هقدر اتواصل اكتر وافهم اكتتر لما ابدأ اشتغل عملي على الكلام دة...ف يا ريت تحط كدا 100 سؤااال واااجب.. علشااان الواحد يجرب ويشوووف وشكرا اوي تاني لحضرتك اقتباس رابط هذا التعليق شارك المزيد من خيارات المشاركة
ahmedibrahem بتاريخ: 27 يناير 2009 تقديم بلاغ مشاركة بتاريخ: 27 يناير 2009 ربنا يجزيك خيربصراحة شرحك جميلبالتوفيق ان شاء الله اقتباس رابط هذا التعليق شارك المزيد من خيارات المشاركة
abu_sami بتاريخ: 27 يناير 2009 تقديم بلاغ مشاركة بتاريخ: 27 يناير 2009 بصراحة شرحك رهيبومستفيدين من دروسكالله يجز يك الخيرابو سامي اقتباس رابط هذا التعليق شارك المزيد من خيارات المشاركة
elbanna2008 بتاريخ: 27 يناير 2009 تقديم بلاغ مشاركة بتاريخ: 27 يناير 2009 السلام عليكمملحوظه بسيطه اولا جزاك الله خيرا الاستاذ اللى كاتب الموضوع(مش عارف اقرا اسمه) فى حاجه بسيطه بس تقريبا مش صح اوى وهيا انى اقدر اكتب اسم الجدول زى ما انا عايز حروفه كبيره او صغيره وا حرف كبير وحرف صغير والاوراكل مش هيعترضوجزاك الله خيرا وربنا يجزيك خير على مجهودك الرائع اقتباس رابط هذا التعليق شارك المزيد من خيارات المشاركة
babbypirate بتاريخ: 27 يناير 2009 كاتب الموضوع تقديم بلاغ مشاركة بتاريخ: 27 يناير 2009 السلام عليكم يا شباب شكرا لكل الناس المتابعه معايا و الاخ البنا2008 اللي مش عارف يقرا اسمي شكرا يا باشا على المعلومه بتاعتك هي صحيحه بس مش في كل الاحوال يعني انا لما جيت اجرب اني اعمل select على اسم في الجدول وكنت كاتبه بحروف كلها صغيره وكتبته بحرو ف كبيرة طلع عندي ايرور و لما جيت اعمل select عليه و كتبت الحروف صغيره قالي موجود و جابه عشان كده انا حابب الشغل كله يبقى نظيف يبقى نركز في اسماء الجداول و اسماء الحقول و البيانات الداخله عشان ما نتعرضش لمشاكل وهو ده قصدي على فكره انا مش زعلان انك بتعدل على كلامي لا والله بالعكس انا ما عنديش مانع نتناقش و نشوف وجهات النظر و اختلاف الآراء لا يفسد القضيه احنا جايين هنا عشان نتعلم و انا مهما كان بشر و البشر مش معصوم من الغلط .على العموم تابع معانا و ان شاء الله هتستفيد نبدا بقى الدرس يا شباب بس قبل ما ابدا الدرس انا عايز سندوتشين حواوشي و ازازة بيبسي مشبرة مش هبدا الا لما آكل مستني الدلفري اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 27 يناير 2009 تقديم بلاغ مشاركة بتاريخ: 27 يناير 2009 hgsلام عليكم.. ازيك يا باش مهندس انت ما ردتش علياا في موضووع الاسئله الي انا طلبتها منك....على العموووم انا في انتظاار الدرس الجديد ان شاء الله وبالنسبة للاكل خلص انت بس الشرح وانا هعشيييك في فرايدايز طبعا مفيش احلى من كدا..شكرا اوي وفي انتظار الدرس... اقتباس رابط هذا التعليق شارك المزيد من خيارات المشاركة
babbypirate بتاريخ: 27 يناير 2009 كاتب الموضوع تقديم بلاغ مشاركة بتاريخ: 27 يناير 2009 لا انا مش عايز فرايدايز انا عايز حواوشي و حاجه ساقعه مشبره و بالنسبه للاسئله والله انا بعمل شوية اسئله اليومين دول بس اصبر عليا شويه لان ورايا شغل و كتابة المحاضرات و طبعا لازم اشوف نفسي شويه ف ان شاء الله قريب هحطلكم كم من الاسئله تكون في مستوى الطالب المحترف انا تقريبا قربت اخلص الدرس القادم بس مش هحطه الا لما آكل عشان بصراحه انا جعان و ان شاء الله بعد الدرس هيكون في شوية اسئله ع الماشي كده عشان اعرف مين اللي بيذاكر و مين اللي ما بيذاكرش وهقولكم ازاي توروني الواجب اللي هينطلب منكم تحياتي لكم اقتباس رابط هذا التعليق شارك المزيد من خيارات المشاركة
م/طارق القرم بتاريخ: 27 يناير 2009 تقديم بلاغ مشاركة بتاريخ: 27 يناير 2009 أستاذنا الجميل بابي باشا بيريتكدة أنا نطقته صح ؟؟ربنا يسترحقيقي شرحك ممتعوأسلوبك فريد (مش الأطرش طبعاً) من نوعهأنا متابع أخوك بتاع شبكات من سنين وداخل الأوريكل جديدووقعت من السما وانت سبتني ربنا يجزاك خير ومعلش لو ممكن تكمل وبلاش بيبسي دلوقت==============================الحاجة الوحيدة اللي مافهمتهاش من الدرسيعني ايه مشبرة اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 28 يناير 2009 تقديم بلاغ مشاركة بتاريخ: 28 يناير 2009 استااااز معلش بس انت بقااالك 3 سنييين مش وااكل ولا ايه.. فين الدرس بجد انت اتأخرت علينا اوي المرة دي؟؟؟؟؟يلا منتظرين الدرس.... وشكرا ليك.. اقتباس رابط هذا التعليق شارك المزيد من خيارات المشاركة
babbypirate بتاريخ: 28 يناير 2009 كاتب الموضوع تقديم بلاغ مشاركة بتاريخ: 28 يناير 2009 السلام عليكم يا شباب معلش على التاخير عشان ظروف العمل انتظروني النهارده ان شاء الله الساعه 8 بتوقيت القاهرة هحط الدرس الجديد و كلمة مشبره يا سيدي ===> اسأل اي قهوجي اكيد هيقولك عليها تحياتي لكم اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 28 يناير 2009 تقديم بلاغ مشاركة بتاريخ: 28 يناير 2009 ولا يهمك يا باشمهندس... بس يا ريت يكوون بجد الساااعة 8 .. انت كنت ماشي بحماااس عالي اوي في البداااية... نتمنى انو الحمااس دة ما يقلش... وتكمل معانا بنفس الطريقة الي انت كنت ماشي بيها.. واذا كان على مرة تأخير ولا يهمك...احنا في انتظاار الدرس... شكرا ليك... اقتباس رابط هذا التعليق شارك المزيد من خيارات المشاركة
babbypirate بتاريخ: 28 يناير 2009 كاتب الموضوع تقديم بلاغ مشاركة بتاريخ: 28 يناير 2009 بسم الله الرحمن الرحيم معلش يا شباب ع التاخير لظروف العمل المهببه نحش ع الدرس علطول درس النهارده جديد لنج احنا دلوقتي عرفنا ازاي نكريت جدول " نكريت يعني نعمل " ولازم نتعود على اللغه دي عشان يبقى التعامل بينا ايه زي السكينه في الحلاوة و عرفنا ازاي نكريت جدول بخصائص جدول و نعمله قيمة افتراضيه و نعمل مفتاح اساسي للجدول عشان العلاقات اللي هييجي معاد شرحها لاحقا باذن الله نكمل بقى باقي اوامر لغة التعامل مع الجداول Alter يعني ايه ؟؟ يعني ضيف . طيب اضيف ايه ؟؟ نضيف جدول جوا جدول يعني ؟؟ لا نضيف حقل جوا جدول ازاي احنا بعد ما عملنا الجدول و جينا نشيك عليه لقينا ان احنا نسينا نضيف خانه مهمه اوي على سبيل المثال خانة التليفون يبقى ايه العمل ؟؟ قالك لروح للامر Alter وهو هيخلص العمليه بس اديله 5 جنيه هنقوله و النبي ضيف لنا الخانه دي في الجدول الفلاني الكود بقى بيتكتب ازاي ؟؟ SQL>alter table students add 2 (st_phone number (15) ); هيروح شغال و يقولك في الاخر Table altered يعني اللي انت عايزة اتعمل نيجي على الامر التالت قبل ما اقولك على الامر هسالك سؤال لو اتخنقت من حاجه هتعمل فيها ايه ؟؟ الاجابه :- يا هتدغدغها زي ما انا بعمل يا هترميها طيب لو حبيينا نرمي جدول من الجداول اللي عندنا يعني بعد ما تعبنا في عمايل الجدول و قعدنا شوية وقت حلوين نزبط فيه و جه المعلم الكبير ( المدير يعني ) و قالك الجدول ده شكله مش عاجبني طيره تقوله و ماله انا ماليش بكره الا انت و ترزع الامر ده SQL>drop table students ; معلومة ع الماشي كده بعد ما كريتنا الجدول و عملناه و زبطناه و زوقناه عايزين نتفرج عليه سهله اوي اكتب الامر ده SQL> desc students ; هيجيبلك كل حاجه عنه يعني الجدول بيتكون من كام حقل و الحقول اسمها ايه و نوعها ايه هل هي نصية ولا رقمية ولا تاريخ ولا الخ الخ .قربنا نخلص لغة التعامل مع الجداول لو حبينا نغير اسم جدول نعمل ايه ؟ مفيش غيره Rename سهل اوي الكود ده SQL> rename students to teachers ; طيب يا شباب كده اتعلمنا نكريت جدول و نغير اسمه و نضيف عليه شوية حاجات طيب ما تيجي نعمل يوزر جديد و نديلة صلاحيات واحده واحده علينا نعمل يوزر و فهمناها ايه بقى الصلاحيات اللي بتتكلم عنها بص يا سيدي الاوراكل مش بتدي الامان لاي حد يعني لو عملت يوزر لازم تقوله الشخص ده ممكن يتصل بقاعدة البيانات و لو ما قلتش كده مش هيعرف يعمل اي حاجه ازاي نكريت يوزر يا شباب ؟؟ سهل اوي بص ع الكود ده SQL>create user rami identified by password ; ترجم يا بوب . يعني اعمل يوزر يا ريس اسمه رامي و الباسوورد بتاعه Password يقوم الراجل شغال و يقولك ان اليوزر اتكريت طيب لو جيت تستخدمه مش هيدخل و هيقولك الكلام ده ERROR: ORA-01045: user RAMI lacks CREATE SESSION privilege; logon denied Warning: You are no longer connected to ORACLE. وده معناه اني ماليش الصلاحيات اني ادخل طيب اديله الصلاحيه ازاي ؟؟ طيب ندي للمستخدم اللي عملناه الصلاحيه انه يدخل على قاعدة البيانات ازاي ؟؟؟؟المره دي هنديله 50 جنيه مش 5 جنيه بس نشوف الكود SQL>grant connect to rami ; هيقولك يا سيدي grant succeededيعني تم اعطاء المستخدم rami حق الاتصال طيب نجرب نكتب الامر ده SQ> connect هتلاقيه يسالك على اسم المستخدم و الباسوورد هنا بقى هقولكم على واجب ع السريع اعملي جدول للعملاء customers و الجدول ده بيتكون من رقم العميل و اسم العميل و تليفون العميل و عنوان العميل وبلد العميل بس كده بس خد بالك انا عايز في الجدول ده ان رقم العميل يكون هو المفتاح الاساسي و كمان عايز يكون البلد بتاعت العميل تكون default مصر و بردو جدول للموظفينemployee بنفس التقسيمه اللي فوق بس الجدول ده ياخد الخصائص بتاعته من جدول العملاء و تعمل علاقه ( شرعيه طبعا على يد مأذون ) بين الجدولين 'طبعا ما ننساش نعمل مستخدم جديد و كل واحد يعمل مستخدم باسمه و لو ما لقيتش استجابه من حد هخلي الادارة تقفل الموضوع ده و لو لقيت واحد بس اللي بيتجاوب معايا هشرحله كل حاجه على الماسنجر بكده يبقى لا ضيعت وقته ولا وقتي المهم طريقة الحل يا شباب طبعا كل واحد عنده الاوراكل على الجهاز بتاعه كل اللي انت هتعمله انك هتدخل على SQL*PLUS و هتنفذ الحاجات دي و هتاخد برنت اسكرين اللي هو الزرار اللي بعد f12 و تروح على برنامج paint و تقوله past و تحفظ الصورة و تحطها في المرفقات عشان اشوف الشغل و انا هعمل الواجب ده معاكم بعد ما تخلص العمليه اللي بتعملها ابقى اكتب الامر ده و قولي ايه الناتج بتاعه SQL>desc customer ; و اكتب الامر ده SQL>desc employee كده الدرس خلص و يبقى كده خلصنا اهم اوامر التعامل مع الجداول لسه في شوية حاجات هتقابلنا في السكه هنبقى نشرحها نرجع لجملة select و لو انتوا فاكرين اني قلت الجمله دي هي اساس الشغل بتاعنا يعني بنستخدمها بغباء معرفة الصيغه العامه لجملة select SQL> select file name 2 from table 3 where condition 4 order by asc 5 ; طبعا جملة select ممكن مش بس 4 سطور لا ده ممكن تزيد و ممكن تقل بدليل اني بستخدمها في الامر ده SQL>select * from table ; سطرين اتنين بس اهم الحاجات التانيه دي اوبشان زيادة يعني و هو ده ان شاء الله موضوع حلقتنا الجايه ودمتم في رعاية الله و الى لقاء اخر ان شاء الله تعالى اقتباس رابط هذا التعليق شارك المزيد من خيارات المشاركة
babbypirate بتاريخ: 29 يناير 2009 كاتب الموضوع تقديم بلاغ مشاركة بتاريخ: 29 يناير 2009 السلام عليكم ازيكم يا شباب انا شايف ان الناس عملت اللي طلبته منهم بدليل يوم كامل لحد النهارده ومفيش اي اجابه على العموم انا مستني لبكره لو مافيش استجابه يبقى هشوف الناس اللي عايزه تشتغل و هتواصل معاهم و هشرح لهم باقي الكورس تحياتي لكم اقتباس رابط هذا التعليق شارك المزيد من خيارات المشاركة
م/طارق القرم بتاريخ: 29 يناير 2009 تقديم بلاغ مشاركة بتاريخ: 29 يناير 2009 اسمع يا بروفأنا متابع والله العظيمبس منتظر بعد بكرة ابن خالي يرجع م السفرابن خالي ده زي ماتقول كدة رئيس مراجيح ف أوريكلحايحمل لي الإس كيو إلوالأوريكل ماتزعلش اني ماعملتش الواجبوأوعدك ان ابن خالي مايساعدنيش ....=================.... أوي) اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.