هل أكمل المشوار أم لا , افيدوني بالله عليكم

[ELGEHAD2007]

اخي الكريم انا شاب 27 سنة , كنت اعمل محامي ولكني بفضل الله تركت مهنتي لما فيها من محرمات و احاول ان ادرس الاوريكال ,
قمت بأخذ كورس SQL , DEVELOPER بالاكاديمية العربية , ولكني بعد الانتهاء من الكورس لم اشعر بانني قد استفدت الافادة الجيدة , واحاول الان ان اقوم بإعادة الكورس ولكن بالمركز العالمي الشهير New Horizons
سؤالي الان هل يااخي الكريم تعتقد ان في هذا الافادة لي لتغيير مجال العمل لي , ام اني سأقوم بدفع قيمة الكورس ( العالية القيمة ) دون جدوى ( حيث اني لم أقم بالاستفادة كثيرا من قبل بالاكاديمية ) ,
علما بأنني اعاني من مشكلة اللغة الانجليزية حيث اني متوسط القدر فيها ,
بالله عليك اريد اية نصيحة منك خاصة اوا انا احسبك والله حسيبك انك لا تبخل بالنصح على مثلي
و جزاك الله عني خيرا

[hanyfreedom]

لو انت ناوى تبقى مبرمج محترف فلا مفر من ان تتقن اللغة الانجليزية ....... انا درست ال Forms , Reports مع نفسى من ال Material بتاعة الاوراكل ، و انا انصحك ان تعتمد على ال Material ولا تأخذ اى كورسات .... و طالما انك متلزم مع نفسك لتدرس المنهج فى جدول زمنى محدد فلا داعى لأن تأخذ اى كورس من اى مركز ..... و اعتمد على المنتدى هنا فى حال اذا واجهتك اى مشاكل فى عمل اى كود او فى حال واجهتك اى غموض فى اى درس ... و اعتمد على القاموس فى ترجمة الكلمات الانجليزية ، و حاول تحفظ و لو 5 كلمات جديدة كل يوم تكون قد قراءتهم من ال Material .

هذا رأى الشخصى ... و خلى بالك سوق العمل حالياً لمبرمجيين الاوراكل أتشبع جداً ، و كل الشركات بتاخد خبرة سنتيين أو سنة على الاقل .... فاذا مكنتش هتعمل مشروع جامد جداً بعد تخليصك لل Forms ، او اذا مكنش عندك وسطه قوية .... فلا داعى لأن تدرس الاوراكل من أساسه ...... دا مش أحباط دى هى الحقيقة .

مع تمنياتى لك بالتوفيق و النجاح أن شاء الله

[krash]

لا اريد ان احبطك ..........
ولكن صعب صعب عمرك 27 سنة وبدك تبلش تدرس برمجة لأن معظم المبرمجين يعتزلون في سن 31-33

[tamer2002]

لا اريد ان احبطك ..........
ولكن صعب صعب عمرك 27 سنة وبدك تبلش تدرس برمجة لأن معظم المبرمجين يعتزلون في سن 31-33

انا عمري 39 ولسة ما اعتزلتش وباتعلم كل يوم جديد ومش ناوي أبطل أتعلم لو ماكانش كمبيوتر أكيد هايكون أي حاجة محاسبة ( في مجال تخصصي CMA أو CPA وما شابهها ) أو أي حاجة تانية أبدأ فيها.

والأخ أعتقد انه بيحاول يغير مجالة وماقدمهوش غير الكمبيوتر لأنه لغة العصر وسأل فقالوا له الأوراكل ... لكن المشكلة مش في الاوراكل كلغة برمجة ولكن في البرمجة نفسها .. أقصد المنطق في كتابة الكود وخلافة .. لكن عموما أنا ابن خالتي بدأ وعمرة 28 سنة ونجح ... نعم بدأ من الصفر من زمان أيام قواعد البيانات دي بيز ثري لكن طور نفسة مع لغة شبيهة بالأوراكل ودرستها معاة وقتها سنة 1990 واسمها
informex 4GL
وهي تعتبر من قواعد بيانات الجيل الرابع ... وبرضة اشتغلنا كليبر5 Clipper وغيرة من أنواع قواعد البيانات الجيل الثالث Foxpro وبالتالي بقى فيه قاعدة كويسة من المنطق اللي خلاة يقدر يدرس الأوراكل أول ما بدأ يظهر كمنافس للاينفورمكس
هو أكبر مني ب10 سنين ومازال في المجال لكنه مجال مرهق ذهنياً ويفترض بعد سن معين مش الإعتزال لكن العمل كمحلل نظم أو في مجال الإدارة علشان كدة فيه كتير بتفضل تدرس
DBA
أو تدرس شبكات

المهم لو العزيمة فيه يبقى السن مش هو المشكلة

لكن علشان الأمانة برضة المشكلة حاليا هو هل اصلا انت عندك لوجيك أو يعني Programming Logic ودة هايبان لما تبدأ مع حد يشرحلك كويس
نيوهورايزون غاليين (أنا باتكلم طبعا عن فرع جدة بالسعودية ماعرفش في مصر غاليين واللا ايه؟) واسم المعهد مش مشكلة المهم المدرس .. ربنا يوقعك في حد كويس ..

أحسن حاجة انك تستخير الأول وتشوف مرتاح واللا لأ خصوصاً ان نيتك الهروب من الحرام وأكيد ربنا هايوفقك لما فيه الخير سواء في الكمبيوتر أو أي حاجة تانية مثلا إدارة أعمال MBA أو أي حاجة تانية


أما تشبع سوق العمل فأنا عندي رأي في الموضوع دة وهو إن ياريت مصر كلها تعرف برمجة ومستوى الشباب يزيد في كل أنواع البرامج وشهادات مايكروسوفت وكذلك كل الشهادات العلمية العالمية في مجال المحاسبة والإدارة ونتيجة دة هانشوفه كلنا في المستقبل .. لكن المهم الجدية في أي حاجة والسعي والتعب .. التوفيق والرزق بعد كدة على الله .. أعرف ناس مستواهم متوسط ولكن ربنا قدر لهم العمل بمرتبات كويسة جدا في شركات كويسة .. الرزق مش بشطارة حد أو علمه ولا سبب له .. يعني ما تسألش ولا تخاف حتى لو جاء ناس في نفس مكان عملك معاهم نفس خبرتك لأن الرزق بيد الله .. اتعود دايما تدي أي معلومة عندك هاتلاقي ربنا يزيدك علم ... وأعتقد إن المنتدى دة مليان ناس زي كدة لا يبخلون بأي معلومة وأكيد كتير منهم شافو بعينهم ازدياد علمهم بسبب نشر تلك المعلومة ومعرفتهم بالصدفة أو بالتجربة والخطأ لمعلومة عمرهم ما كانو هايعرفوها إلا لو قرأوا كذا كتاب .. أنا عن نفسي حصلت معايا كتير
وأعتقد ان الخير موجود في شباب مصر و العرب جميعا بالرغم من كل النماذج السيئة اللي ممكن تكون موجودة ... إذا كنا مش عارفين نجاهد في سبيل الله فأعتبر إن العلم وتطوير نفسك وإنك تشغل نفسك بالعلم عن معصية الله لإن الفراغ مفسده اعتبره جهاد في سبيل الله

استخير الأول واقرأ في مجالات أخرى متاحة وشوف ربنا هاييسر ليك طريق ويجعل لك مخرجاً إن شاء الله

وشكراً تم تعديل 9 أكتوبر 2008 بواسطة tamer2002

[أبوعبدالملك المصري]

أخي تامر كلامك من دهب
جزاك الله خيرا وبارك الله فيك

[mido_develper]

لا للاحباط
لا للواسطة

ربنا معانا والي هيجتهد هياخد نصيبة

مش هقول غير كده
اوعي تيأس طول ما ربنا معاك عشان اكيد هيبعتلك الخير

[mdsalah]

لا اريد ان احبطك ..........
ولكن صعب صعب عمرك 27 سنة وبدك تبلش تدرس برمجة لأن معظم المبرمجين يعتزلون في سن 31-33

اخى الفاضل
لا اعلم كم عمرك ولكنى اعتقد انك لا تعرف شى عن الحياة والاعمار فمن قالك لك هذا الكلام عن الاعتزال عن عمرة 31-33
فى مبرمجين كتير جدا اكبر من السن اللى بتقوله ده عمر السن فى مجال البرمجه ما كان سبب
فى توقف الانسان عن التفكير ده مش مجهود عضلى او بدنى والسن ليه تاثير عليه دة فكر

[diaa678]

أخي تامر كلامك من دهب
جزاك الله خيرا وبارك الله فيك

لا تعليق
ربنا يبارك فيك كلام رائع