الانتقال إلى المحتوى

تعالوا نتعلم اوراكيل


babbypirate

Recommended Posts

السلام عليكم.. ازي حضرتك يا استاااز... معلش بجد انا آسف على عدم المتابعة في اليومين اللي فاتوا.. وذلك بسبب سفري...
وان شاء الله هتابع معاك... من جدييد.. وشكرا لحضرتك... وشوية كدا وهزااكر الدرس وهحل الواجب.. وهكووون عند حسن ظنك كما توقعت مني دائما وابدا ان شاء الله..
مع خالص شكري وحبي.... islam.11

تم تعديل بواسطة BeCkHaM.11
رابط هذا التعليق
شارك

  • الردود 87
  • البداية
  • اخر رد

أكثر المشاركين في هذا الموضوع

  • babbypirate

    35

  • BeCkHaM.11

    15

  • م/طارق القرم

    5

  • .Mohammad.

    5

أكثر المشاركين في هذا الموضوع

الصور المنشورة

محدش عايز يشتغل معايا ؟؟
طيب يا شباب انا هتابع مع الناس اللي عايزة تشتغل بس و اللي عايز يشتغل يا شباب يراسلني على الخاص و انا هبدا اشتغل معاه عشان كده الصراحه انا ضيعت وقتي و وقتكم
اما لو لقيت شغل بجد يبقى هنشتغل هنا

على فكره انا بعمل الحاجه دي لوجه الله يعني مش باخد فلوس منكم ولا حاجه انا ممكن اشرح زي ما الناس بتشرح و بعدين انا ممكن احط الكتب اللي عندي و الاسطوانات و اقولك عيش يا معلم انت و هو
صدقوني انا متبهدل عشان بذاكر لوحدي من غير ما حد يشرحلي و بلخص المذاكره اللي بذاكرها معاكم عشان نطلع بالزتونه بتاعة الموضوع
تحياتي لكم

رابط هذا التعليق
شارك

انتوا كده بتضيعوا وقتي و وقتكم و انا مش عايز اضيع وقتي و وقتكم انا باذن الله عايز اخلص الكورس ده كامل و نكون مستعدين للامتحان بس بالشكل ده ولا ميت سنه على ما نخلص الكورس

معلش يا شباب انا هشتغل لوحدي و اللي عايز يشاركني يراسلني على الخاص

تحياتي لكم

رابط هذا التعليق
شارك

بناء على طلب المشاهدين ( زي قناة روتانا :unsure: ) ان شاء الله هكمل الدروس عشان اللي عايز يستفيد و ان شاء الله كل يومين درس جديد
خلاص زمن الللل .......... انتهى هندخل في شغل الاوراكل الجد يعني ماعدش فيه هزار

تحياتي لكم و استنوني النهارده مع درس جديد .

رابط هذا التعليق
شارك

meya meya ya Korsan .. a7la karar ..
bas fe 7aga baseta :unsure:
eah ma3na (varchar) ... howa kan fe zamel sa2al el so2al da .. bas a3taked ene ma2aretsh el egeba men ma3aleek ..
so2al kaman ..
bel nesba lel order DROP ... eah el far2 beno we ben order zay DELETE ? ..
we alf alf shokr 3ala el gohd el mbazol .. we rabena yewafa2 we yegeblak ele feeh el 7'eer dayman .

تم تعديل بواسطة .Mohammad.
رابط هذا التعليق
شارك

السلام عليكم يا شباب



شكرا للمتابعه وبالنسبه لسؤال اخي العزيز عن الكلمه varchar اجابتها اهي يا باشا

هقولك مثال بسيط
انت لما تيجي تعرف حاجه مش بتقول خصائصها كلها يعني هل المعلومات اللي هتدخل جوه الحقل ده بيانات نصيه ولا بيانات رقميه ولا تاريخ
اهي varchar دي تعريف للبيانات الحرفيه و عندنا نوعين منهم
النوع الاول varchar و النوع ده بياخد مساحه كبيره
النوع التاني varchar2 و النوع ده هو المستخدم و الاحسن للاسباب اللي هقولك عليها
مميزات النوع ده انه بيحجز مساحه بس على قد الكلمه يعني لو الكلمه بتتكون من 10 حروف هتلاقيه يحجز مساحه للكلمه على قد 10 حروف بعكس النوع الاول انت اللي بتحدد
و لو تلاحظوا اني استخدمت النوع الاول في كل الامثله بتاعتي مش عشان هو كويس عشان ما ادخلكمش في تعقيدات و اهو كل حاجه وضحت دلوقتي يبقى من النهارده و رايح نستخدم varchar2

اما بالنسبه للفرق بين امر delete و امر drop لاحظ اني الاتنين بيعملوا نفس العمليه الي هي الحذف بس الفرق بينهم كبييييييييييييييييييييييييييير جدا
لان delete بتمسح حاجه من الجدول بس
اما drop بتمسح الجدول كله
يعني drop ما يعرفش ابوه و الامر ده بنستخدمه للتعامل مع الجداول مش مع البيانات
وياريت يا شباب نفهم ايه الفرق بين الجدول و البيانات
البيانات هي المعلومات اللي هتدخل على الجدول و ليها اوامر معينه عشان نشتغل بيها
اما الجداول هي الصندوق اللي بنعبي فيه البيانات و هي كمان ليها اوامر معينه عشان نشتغل بيها

طلب بسيط يا شباب عشان خاطري بلاش الفرانكوا ارابيك عشان بجد صعوبه في الترجمه يعني يا تكتب انجليزي يا تكتب عربي

تحياتي لكم يا شباب

تم تعديل بواسطة babbypirate
رابط هذا التعليق
شارك

thanks a lot .. and about the the franko arab .. i sent you a private message before .. and i explained in it .. it's ok .

and i saw in a book for learning Oracle .. it was about Dropping a table and an index .. so i thought it might be also rows and columns ..

and also with the order Alter table, it was the example with Drop, to Drop a column .. so i thought its the same with using Drop alone ..

thanks again .

تم تعديل بواسطة .Mohammad.
رابط هذا التعليق
شارك

عزيزي محمد
شكرا لمتابعتك معايا
هقولك على مثل صغير
لما تروح تطلع الرخصه بتاعة السيارة عشان تسوق السيارة في نوعين
رخصه عادي و رخصه اتوماتيك
الرخصه العادي تقدر تسوق العربيه العادي و الاتوماتك
اما الرخصه الاتوماتك بتسوق بس الاتوماتك و ما ينفعش انك تسوق العادي

يعني الامر drop ده بتاع الرخصه العادي يعني تقدر تمسح بيه اي حقل او جدول بس الامر ده بيمسح كله
اما الامر delete ده بتاع الرخصه الاتوماتك و دي خاصه بالاحقول
بس نصيحتي خلي كل حاجه لوحدها يعني الامر بتاع الجدول نستخدمه للجدول و الامر بتاع الحقول نستخدم الاوامر بتاعة الحقول

على فكره الكتب حاجه و العملي حاجه تانيه و نصيحتي استخدم جهاز عليه اوراكل و اعمل جدول و ضيف فيه حقول و اشتغل عليه و بعد كده اسمح جزء منه باستخدام الامر drop وقولي على الناتج




درس اليوم
بسم الله الرحمن الرحيم

ندخل في الدرس علطول
الصيغه العامه لجملة
Select
SELECT * or Columns
FROM Table
WHERE condition
ORDER BY Column
نترجم الكلام ده يا شباب عشان لازم نعرف كل جزئيه فيه بالتفصيل
اولا
Select
هي الكلمه اللي بنستخدمها عشان نجيب حاجه طيب و حطينا بعدها النجمه , ليه حطينا النجمه
النجمه يا شباب يعني بقول للاوراكل هاتلي كل حاجه عندك . طيب ملاحظين بعد النجمله في كلمه
Or columns يعني ايه الكلمة دي ؟؟
يعني انا ممكن اختار يا اما اجيب كل الحقول اللي في الجدول او اني اختار حقل معين على سبيل المثال :-
SQL> select st_name
لاحظوا اني ما حطيتش النجمه و ده لاني عايز اجيب اسماء الطلاب بس
طيب نيجي على الكلمه اللي بعدها اللي هي
From
مش لازم بردو لما نقول لحد يجيب حاجه نديله العنوان ولا هيجيب الحاجه ازاي ؟؟
لازم نقوله هات الحاجه دي من المكان الفلاني مثال ذلك :-
SQL> select st_name
From students ;
كده يبقى هيروح يجيب كل اسماء الطلاب من الجدول اللي متخزن عنده واللي اسمه
Students
لحد دلوقتي تمام
نيجي للامر اللي بعده
Where
اهو الامر ده موضوع لوحده يعني ان انا بقول للاوراكل هاتي اسماء الطلاب من جدول الطلاب بس بشرط و اقوم كاتب الشرط يعني
Where
بتاعت الشروط مثال ذلك :-
SQL> select st_name
From students
Where age = 13 ;
يعني بقوله هاتلي اسماء الطلاب من جدول الطلاب بس بشرط يكون عمرهم يساوي 13 سنه
هو بقى هيدور و هيطلعلك الناتج
لحد دلوقتي تمام
طيب نيجي للامر اللي بعده
Order by
الامر ده بيستخدم عشان نرتب و نزوق الشغل بتاعنا يعني ايه ؟؟
يعني انا لما جبت اسماء الطلاب من جدول الطلاب و لازم يكون العمر بتاعهم = 13 بقوله رتبهم ليا
طبعا انا بختار طريقه الترتيب يا اما تصاعدي يا اما تنازلي مثال ذلك :-
SQL> select st_name
From students
Where age = 13
Order by asc ;
نترجم الكود ده يا شباب
بقوله هاتلي اسماء الطلاب من جدول الطلاب بشرط يكون عمرهم = 13 و رتبهم ترتيب تصاعدي
نلاحظ ان احنا لما نيجي نرتب ترتيب تصاعدي يبقى نكتب الامر ده
Order by ASC
طيب لو حبينا نرتب ترتيب تنازلي نعمل ايه ؟؟
نكتب الامر ده
Order by DESC
ايه اللخبطه دي يا عم الحج مش انت قلت ان
DESC
عشان نظهر خصائص الجدول ؟؟؟؟!!!!!
اقولك ايوه بس لاحظ انك لما بتيجي تظهر خصائص الجدول بتكتب الامر ده
SQL> desc students ;
و لما بتحب ترتب تنازلي بتكتب الامر ده
SQL> order by desc ;
مش ملاحظ اختلاف ؟؟؟
لما desc بتيجي لوحدها يعني اعرضي خصائص الجدول
و لما بتيجي مع امر
Order by
يعني رتب ترتيب تنازلي
تمام كده يا شباب
طيب نيجي لحاجه جديده لنج طازه
طبعا احنا كمبرمجين بنكتب اسماء الحقول باسماء بنفهمها احنا يعني المستخدم العادي لما يشوف الاسم ده
St_id
مش هيعرف ده يعني ايه في حين ان احنا عارفين ان الاسم ده معناه رقم الطالب
حضرتك شغال في شركه ( ان شاء الله هنشتغل كلنا ) و مدير الشركه جالك و قالك وريني ارقام الموظفين و اسمائهم و وظيفتهم
نعمل ايه يا شباب ؟؟
اوراكل قالت ماعنديش مشكله انك تظهر الحقول باسماء مستعاره بتتسمى
Aliases
يعني الاسماء المستعاره
بصوا يا شباب عندنا 3 طرق عشان نظهر الحقول باسماء مستعاره
لاحظ معايا كده اول طريقه :-
SQL> select emp_id as number
From employee ;
اول طريقه باستخدام كلمة
As
حلو اوي الكلام ده
طيب الطريقه التانيه ان احنا نستخدم المسافه ! يعني ايه وضح كلامك شويه
بص على الكود ده
SQL> select emp_name name
From employee ;
لاحظوا ان في مسافه ما بين emp_name و name
طيب الطريقه الثالثه و الاخيره ان احنا نستخدم علامة التنصيص المزدوجه
بص ع الكود ده
SQL> select emp_add “Address”
From employee ;

لحد كده الامور ماشيه تمام يا شباب ؟؟؟
على فكره كل اللي احنا عملناه قبل كده ( ازاي نعمل جدول و ازاي نكتب الكود و الكلام ده ) كنا ما بنضيعش وقت ده احنا كنا بنحط القواعد و الاساسات بتاعتنا عشان نمشي في اوراكل

طيب نيجي العمليات الحسابيه في اوراكل
في جملة select
بننفذ العمليات الحسابيه بشروط
ايه هي الشروط بتاعتك يا عم الحج ؟؟
اقولك يا سيدي :-
اول حاجه ان العمليات اللي بتتعمل الاول اللي جوه الاقواس ( 5 +8 )
طب نفترض ان مفيش اقواس هتعمل ايه هقولك اصبر هقولك اهو
لو مافيش اقواس يبقى العمليات الحسابيه اللي ليها الاولويه في التنفيذ هي الضرب و القسمه
طيب لو قابلتنا حاجه زي دي
5x12 /6
اي عمليه هتتنفذ الاول ؟؟
اقولك العمليه اللي هتتنفذ الاول هي العمليه الاولى
في الحاله اللي معانا عملية الضرب هي الي هتتنفذ الاول و بعدها القسمه
طيب اللي بعده
العمليات اللي بتتنفذ بعد الضرب و القسمه هي عمليات الجمع والطرح
3+4*(4-9)+ 4-1
حد يقولي اي من العمليات هتتنفذ الاول ؟؟؟ ( للاجابه ( واجب يعني ))


والى لقاء اخر ان شاء الله تعالى

رابط هذا التعليق
شارك

thanks for care ... and i guess its little difficult for me to do it ... it's ok anyway .

and about the home work :
(4-9)
and after the result to be multiplied by 4
1-4
and the result to be added to the result of the step before the last
and finally + 3 .
i suppose :unsure:
it will be very funny if it was wrong :wacko:

رابط هذا التعليق
شارك

محمد انت شكلك عايز تتعلم معايا و ان شاء الله مش هخيب ظنك

العمليه الحسابيه اللي هتتنفذ الاول هي عملية الطرح 3+4*(4-9)+ 4-1
4-1 وطبعا دي هتطلع بالسالب
وبعد كده هيطرح 4-9 اللي جوه القوس و هتطلع 5 و بعد كده هضربها في 4 و بعد كده هيزود عليها 3
يبقى التانج 11
و هو ده اليوم اللي هرجع فيه مصر ان شاء الله :unsure:

تقبل تحياتي و ان شاء الله الدرس الجاي هيكون كبير و محتاج مذاكره كتير

رابط هذا التعليق
شارك

السلام عليكم

و شكرا على المجهود الرائع

انا اطلعت علي الدروس و ساكونمعكم قريبا ان شاء الله

شكرا مرررررررررررررررررررررررررررررات كتييييييييييييييييييييييييييييييييييرة

رابط هذا التعليق
شارك

بسم الله الرحمن الرحيم

نخش ع الدرس علطول
عرفنا جملة select ومكوناتها و ازاي نكتبها
طيب كل مره كنا بنكتب امر استرجاء البيانات كنا بنجيب كل البيانات طيب المره دي انا عايز بيان محدد يعني على سبيل المثال انا عايز اسماء الطلاب اللي عمرهم 13 سنه يبقى ايه الحل ؟ طبعا مش هقوله هاتلي كل الطلاب
الامر هيكون كالتالي :-
SQL> select stu_name
2 from students
3 where age = 13 ;
طيب نترجم الكود ده كده و نشوف
Select ودي طبعا زهقنا منها
From المكان اللي هيروح يجيب منه البضاعه اللي هو جدول الطلاب
طيب where دي بتاعة الشرط يا سيدي لاني مش عايزها سايحه في بعضها قولتله هاتلي اسماء الطلاب من جدول الطلاب بس خد بالك لازم يكون عمرهم 13 سنه و ما تخنصرش يعني لا تزود ولا تقلل .
واحد بيقولي يا ريس و النبي سؤال هو عشان نجيب حاجه معينه لازم الشرط يكون رقم ؟؟
اقوله طبعا لا مش شرط ان الشرط بتاعنا يكون رقم
يعني لو حبيت اجيب اسماء الطلاب اللي عندي وبشرط ان اول حرف من اسمهم r عادي جدا
تتكتب ازاي ؟
SQL> select stu_name
2 from students
3 where stu_name like ‘r%’
4 ;
دخلنا في العك
ايه اللي انت عملته يا معلم ده ؟؟ اقولك يا باشا لما تحب تجيب اي حاجه حرفيه لازم تحطها بين علامتين تنصيص فردية ( قاعدة عامه ) او حتى هتكتبها لازم بين علامتين تنصيص فرديه
طيب انا قلتله هاتلي اسماء الطلاب من المخزن بتاعنا بس بشرط ان اسم الطالب لازم يبدا ب حرف r و ده معنى كلامي في like ‘r%’
كده الكلام واضح
طيب لو حبيت اجيب اسم الطلاب بشرط ان الحرف التاني يكون r تتعمل ازاي يا شباب ؟؟ اللي هيعرف هديله سيجارة :unsure:
اقولكم
زي ما عملنا في الكود التاني تعمل في الكود ده بس اختلاف بسيط
SQL>select stu_name
2 from students
3 where stu_name like ‘_r%’
4 ;
لاحظوا كده اني حطيت شرطه صغيرة اندر اسكور يعني قبل الحرف
اه يعني لما احب اجيب الحرف مثلا التالت هحط 2 اندر اسكور
كده الامور وضحت ؟؟

اوك
طيب نرجع للعمليات اللي هي فيها يساوي و اكبر و اصغر و الكلام ده
طيب في لغة البرمجه عشان نكتب يساوي نحط الرمز بتاعها اللي هو ده =
طيب عشان نكتب اكبر من نحط الرمز بتاعها >
طيب عشان نكتب اكبر من ويساوي نحط الرمز بتاعها >=
طيب عشان نكتب اصغر من نحط الرمز بتاعها <
عشان نكتب اصغر من ويساوي نحط الرمز بتاعها <=
طيب عشان نكتب لا يساوي نحط الرمز بتاعها واحد من الرمزين دول =! او <>
اشطه كده يا شباب

طيب نكمل الدرس
لو لو حبينا بسترجع البيانات بتاعتنا وكان عندنا شرطين مش شرط واحد نعمل ايه ؟؟
اقولك وماله جوز جنيهات للراجل و هيمشيلك امورك كلها ما تقلقش ( كوسه يعني ) :wacko:
هنكتب الامر التالي
SQL>select emp_name
2 from employee
3 where sal between 1500 and 3000
4 ;
طيب نترجم
بقوله هاتلي اسماء الموظفين من جدول الموظفين بس بشرط ان الراتب بتاعهم يكون بين 1500 و 3000 جندي
طيب لحد كده تمام
عرفنا امر where مع between ونلاحظ مع between لازم كلمة and
لو حبينا نستخدم and لوحدها بمعنى ان احنا عايزين نجيب الموظفين اللي عندنا اللي راتبهم اكبر من 1500 و العمولة بتاعتهم تساوي 500 جندي
SQL> select emp_name
2 from employee
3 where emp_sal >1500 and comm= 500
4 ;
لاحظتوا الفرق ان احنا ما استخدمناش between هنا لاننا عايزين نجيب الراتب و العمولة
طيب لو في شرط من الشرطين دول ما اتحققش هل هيكون عندي ناتج ؟؟
الاجابة لا مش هيكون عندنا ناتج لان الشرطين لازم يتحققوا
طيب لو شرط ما اتحققش الناتج هيقولك مفيش اي حاجه عندي بالمواصفات اللي انت عايزها
ناخد امر or
لو حبينا نجيب اسماء الطلاب اللي ساكنين في القاهرة او تقديرهم اكبر من 70%
كلمة أو بالانجليزي يعني or اشطه
يبقى الكود كالتالي :-
SQL> select stu_name
2 from students
3 where stu_degree > 70 or stu_add = ‘ Cairo ‘
4 ;
طيب عرفنا في and ان الشرطين لازم يتحققوا عشان يبقى في ناتج
طيب في الامر or لازم الشرطين يتحققوا ؟؟
لا طبعا اي شرط منهم يتحقق هيطلع ناتج
يعني انت مثلا لما تبعت اي عيل ماشي في الشارع تقوله روح هاتلي علبة سجاير مالبورو و لو ما لقيتش هات كوكو الضعيف
الواد هيروح يقول للبقال عندك مارلبورو لو قاله اه هيجيبها و هييجي و لو ما لقاش هيقوله طيب هاتلي كوكو
واظن الكوكو عند كل الناس :wacko:
كفاية كده النهارده لاني لاجع من الشغل تعبان و يادوب خلصت الدرس ده و عايز انام
تصبحوا على خير يا شباب
و الى لقاء اخر ان شاء الله تعالى

رابط هذا التعليق
شارك

very good

انت رائع و شرحك اروع

الله يوفقك و يجازيك


لحد الان ليس لدي تعليق فالشرح واضح

بارك الله فيك



والله انت اللي رائع
ان شاء الله قريب الدرس الجديد وبكده يبقى دخلنا في الجد في الاوراكل

تحياتي لك و للجميع
رابط هذا التعليق
شارك

i wish you are safe at home now .. eating fool :ph34r: .. or koshary :rolleyes: ( i don't think you was able to eat both .. where ever you was :D )(and i miss both also :unsure: ) !i
and about my mistake about those steps, it was just because i think i misunderstood what you said about solving what between() first ..!i
anyway it's too complicated for me because i cant use the program .. i don't know really what i'm gonna do ...!i .. i just want to remain reading from you . .even if i don't exactly use it ^_^ .

تم تعديل بواسطة .Mohammad.
رابط هذا التعليق
شارك

عزيزي محمد

انت لازم تستخدم البرنامج عشان تعرف تشغل معايا لان و انت بتكتب الكود بيطلعلك اخطاء
الامور مش زي ما انتم فاكرين اني كتبت الكود خلاص يبقى الاوراكل بقى سهل
انا واجهتني مشكلة ازاي ادي صلاحية لمستخدم لسه عامله جديد و كتبت الكود زي الكتاب ما بيقول بس طلعلي مشكله قعد اجرب لحد ما عرفت الحل

على العموم هحاول اشوف برنامج محاكي عشان تقدر تشغله على اي جهاز تشتغل عليه و هيبقى نفس البرنامج

تقبل تحياتي يا زعيم

رابط هذا التعليق
شارك

  • بعد 2 أسابيع...

أستاذنـــــــا الحبيب



في الأوريكل طبيب

وبقلوبنا قــــــــريب

أبو قلب زي الحليب

===========

كل ما تتنرفز من اللي مش بيدخلوا معاك

يرجع قلبك يحن تاني
:rolleyes:

أقسم لك أنا معاك

وجبت أمس جهاز محترم وافق عليه ابن خالي

(اللي قلتلك عليه زي ما تقول كدة أبو تريكة ف الأوريكل)

حايظبطلي الجهاز

وأدخل معاك ف العملي

عندي سؤالان ساذجان

السؤال الأول
---------------

(يا رب ما تضحك عليا :unsure: )

ليه بعد الأوامر في نهاية السطر

بالاقيك حاطط

رقم 1

رقم 2

رقم 3

هل ده قص ولزق من الـ LIVE ????

السؤال التاني
----------------

الواجب اللي فات ده عملية طرح بين ال 9 و ال4

تيجي 5

تنضرب علقة مع ال 4

تدي 20

وطرح 3 و جمع 3

تفضل 20

ليه حضرتك قلت 11

شكلك مستعجل ع السفر
^_^

أشكرك بجد على كل اللي بتعمله

ونفسي أقول لك كلمة واحدة من نفسي

كان ممكن أوي الرسول عليه الصلاة و السلام

يقول خير الناس

من يسبح أو يعتكف

أو يذكر الله أو يحج

تخيل يا جميل انه قال

خير الناس

أنفعهم للناس

وأحسبك منهم يا جميل

مش عشان بتعلمنا بس

كفاية رغبتك ف ابتغاء وجه الله في شيء مجاني

لا ليك فيه لا أبيض ولا أسود

ربنا يسعدك

وانتظرني بإذن الله أحد تلامذتك النابغين

رغم اني عجوز
:D

بس برضه تلميذك

طارق القرم

رابط هذا التعليق
شارك

مهندس طارق

اشكرك على ردك الجميل و المشجع

اولا انا بطلت اكتب عشان لقيت الناس مش مهتميه بالموضوع و ثاني حاجه عشان في شوية مشاكل في الشغل بحاول اخلصها بس انت عارف المشاكل مش هي اللي هتخليني ما اشرح الدرس
عديها يعني :unsure:

وعشان خاطرك هحط درس جديد النهاردة يا بوب

وبالنسبة لاسئلتك
السؤال الاول انا بحط الارقام ليه ؟؟ انا بحطها لانك لما تيجي تكتب على الاس كيو ال اول سطر و تضغط انتر عشان تنزل على السطر التاني تلاقيه كتبلك رقم 2 و هكذا عشان يعرفك انت في اي سطر و عشان لو في اي خطا يقولك المشكله عندك في السطر كذا

وبالنسبه لعملية الضرب و القسمه و الجمع راجعها تاني و شوف ايه الاولويات و اعملها هتلاقي الناتج طلع يوم 11 ( وهو ده اليوم اللي هرجع فيه مصر :rolleyes: واحتمال قبل اليوم ده )

رابط هذا التعليق
شارك

السلام عليكم ورحمة الله وبركاته
انا اسمع كتير عن الاوراكل ونفسي اتعلمه ممكن حد يفيدني ويرسلي درس لتعليم الاوراكل كبداية عشان اعرف هو نظامه ايه جزاكم الله خيرا
[email protected]

رابط هذا التعليق
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

جاري التحميل



×
×
  • أضف...

برجاء الإنتباه

بإستخدامك للموقع فأنت تتعهد بالموافقة على هذه البنود: سياسة الخصوصية