الانتقال إلى المحتوى

أريد رأيكم هل اترك أوراكل ؟


mohooo81

Recommended Posts

انا عايز اخد رايكم اسيب الاوراكل ولا لا؟ انا كنت اخدت اوراكل من فترة كبيرة حوالى سنة وخلال السنة دى ذاكرت حوالى 3 شهور وبعدها قعدت ورميت الاوراكل خالص
لكن فجاة ولارادة من الله جنتى وظيفة ديفولبر اوراكل ودة تالت اسبوع لية فى الشغل وانا تعبان جدا حاسس انى تايهة ابسط الامور مش عارف اكتبها حاسس انى صاحب الشغل بيتريق عليا فى سرة ولو قالى معلومة افادتنى ارجع ابص للمذاكرات الاقى حاجات تانية اصعب يرجع لية الاحباط وانا مش عارف اعمل اية امشى من الشغل واسيب الاوراكل ولا اعمل اية حد يقولى وشكراا....

رابط هذا التعليق
شارك

اسئل نفسك بتحب الاوراكل ولا لأ ؟
لو اه يبقى اتحمل شوية و اجتهد و ادعي ربنا يوفقك
لو لا يبقى فكر انت بتحب ايه و بعد كده حاول تجنهد فيه و تدور على شغل فيه و ادعي ربنا يوفقك

اولا و أخيرا : ادعي ربنا يوفقك و انا كمان بدعيلك ربنا يوفقك للخير

رابط هذا التعليق
شارك

لا طبعا متسبش الشغل
انت حتتعلم من زملائك اضعاف الكتب
اقراء الكود واحدة واحدة وذاكر تانى لو حاجة وقفت معاك ولو عايز نشرحلك حاجة احنا موجودين لاى سوال

رابط هذا التعليق
شارك

على فكرة مفيش حاجة اسمها صاحب الشغل بيسخر منى فى سره
ده بيزنس لو هو مش شايفك ذكى ويجى منك كان قالك مع السلامة

رابط هذا التعليق
شارك

توكل على الله اخي
وكل الاخوان هنا تحت امرك اي شي بتحتاجه احنا جاهزين
من الألف الى الياء
بالتوفيق

رابط هذا التعليق
شارك

أخي بارك الله فيك الحالة إلي إنت فيها ديه طبيعية جدا لان انت ابتعدت فترة عن الاوراكل كبيرة و لذلك إنت نسيت أبسط الأمور, و يمكنك أن تسترد نشاطك العلمي و ذلك بمراجعة الكورس من أوله و اعمل لنفسك كل يوم قدر معين من المذاكرة و لو حتى مش كبير بس علشان المراجعة و طبق كل إلي بتقراه و إن شاء الله هتلاقي نفسك بعد فترة رجعت زي الأول إن ماكانش أفضل, و لكن مبدأ إن المدير بيسخر منك ده مش صح لان لو هو شايف إنك ما تنفعش كان مشاك على طول بس إنت حاول إنك تثبتله إنك كويس و ده مش هاييجي غير بالإجتهاد , إنك تجهد في المذاكرة و الشغل مع بعض و ديه هاتكون فترة لغاية أما تقف على رجليك تاني, و مسالة إنك تسيب الأوراكل برضو مش صح لان إنت كده بتهدر الفترة إلي خذتها في الاوراكل و هتبدأ تتعلم حاجة تانية من الاول , و بدلا من إنك تقعد تذاكر حاجة من الأول تاني الجهد ده فرغه لمراجعة الكورس و ربنا يوفقك

تم تعديل بواسطة K a n d i L
رابط هذا التعليق
شارك

شد حيلك ولا تزعلني منك
كل بداية صعبة و انت في البداية واذا استسلمت وفشلت رح ينعكس هالفشل ويأثر على حياتك اليومية و تتسجل نقطة عليك و حيظل اثرها السلبي معاك طول عمرك وصعب يتلاشى شبح الفشل
مطلوب منك تثبت حالك و اذا بعد ما تنجح وتبعد عن حفرة الفشل قررت انه غير هالمجال (الاوراكل) احسن لك اتركه وتوكل على الله اطلع منها وانت ناجح وراسك عالي وموقفك مشرف قدام نفسك وخلي ايمانك بالله كبير و معنوياتك عالية
مع الايام حيبدأ الضباب يختفي من قدامك شوي شوي وحيصير الشغل لعبتك انا اقول خليك بشغلك وبكرة بتصير مدير على احسن من صاحب شغلك بس ابدأها صح وكلنا معك والله يوفقك

تم تعديل بواسطة orefai
رابط هذا التعليق
شارك

الاخ الكريم
السلام عليكم ورحمه الله وبركاته
بالطبع لا استطيع ان ازيد على مقوله الاخوان ...ففيها الكثير ... ولكن وددت ان اخبرك باني اخذت كورس الاوركال منذ سنة تقريبا وكنت انوي العمل به ولكني اهملته واتجهت الي امور اخري .. وعدت فوجدت نفسي تائهة وكما تصف انت حالك الان ...
ولكن عندي اصرار علي الصمود واتخاذ الاوركال مجال لاني احبه واجد فيه الكثير من القوة
لذا اخوي لا تيأس واخوانك هنا يرشدونك ويساعدونك ما شاء الله ما يتأخر احد عن الاخر والكل يساعد

فتمسك واصمد واصبر علي هدفك ولا تتراجع

ولا تجعل اليأس ينهش عزيمتك

الله يوفق الجميع
اخوكم
سامح حسن

رابط هذا التعليق
شارك

السلام عليكم ورحمة الله وبركاتة ياخي الكريم احب أأولك ان انا معايا خبرة ولو بسيطة ولو حد طلب مني شغل هأدر اعملة او على الاقل مش هعطل فيه وبالرغم من ذلك انا مش لاقي شغل خالص مع اني دورت في كل حتة تتخيلها فأنا اقولق متسبش الشغل طبعا على الاقل لحد متلاقي حاجة انت حببها فعلا ده في حالة انك لو طلعت مش اد النعمة الي ربنا ادهالك يعني متزعلش مني انا بقولق كده يمكن أأدر افوئك وبعدين مفيش حد بينزل شغل ويئدر يعمل كل حاجة بتتطلب منة وعلى فكرة صحاب العمل بيتعمدو انهم يعملو عملية احباط علشان تحس دايما انك مقصر وطبعا لا تسطتيع طلب الزياده دي حاجة وحاجة تانية اديك بتاخد خبرة حتى لو مش ناوي تكمل في الاوراكل وبالتوفيق ولا عندك شغل متنسناش
(إن الله في عون العبد مادام العبد في عون اخية)

رابط هذا التعليق
شارك

كلنا كنا كدة ومالزلنا كدة

انا طلعت روحي علشان اجيب المعلومة

صدقني والله امسك في الشغل بايدك وسنانك علشان شغل الدفولبر صعب اوي الايام دي

وادعي ربنا وسمي الله ودوس يا بوبو ولا يهمك

رابط هذا التعليق
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

جاري التحميل
×
×
  • أضف...

برجاء الإنتباه

بإستخدامك للموقع فأنت تتعهد بالموافقة على هذه البنود: سياسة الخصوصية