babbypirate بتاريخ: 24 يناير 2009 تقديم بلاغ مشاركة بتاريخ: 24 يناير 2009 بسم الله الرحمن الرحيم ازيكم يا شباب الموضوع اللي انا عامله اكيد كتير سمع عنه و دخل الموضوع لقى في شرح بس تقريبا بياخد المعلومة و بيحفظها و خلاص الموضوع بتاعي هيبقى ان شاء الله غير يا شباب بمعنى هنتعلم الاوراكيل كإن في محاضر بيدينا الكورس يعني في اوامر SQL فيها اوامر كتير اوي يمكن الواحد يحفظ الاوامر بس ما يعرفش امتى يستخدم الامر ده عشان يثبت انه محترف و يبقى لسه متخرج من الكورس و يروح يعمل انترفيو الناس تعرف انه مش دارس بس لا دا دارس و فاهم على فكره انا مش محترف اوراكيل ده انا زيكم بس معايا اسطوانات تعليمي الاوراكيل هكتبلكم الدروس و الشرح كامل و هنتناقش فيه علشان المعلومه تعم على الكل و ياريت اي حد من الناس المحترفه يبقى معانا عشان يساعدنا بخبرته مش هقول الموضوع يتثبت لا انا عايز الناس تستفاد و المهم و ده اهم حاجه عندي انكم تدعولي تحياتي لكم و ان شاء الله هكتب الدرس الاول النهارده اقتباس رابط هذا التعليق شارك المزيد من خيارات المشاركة
babbypirate بتاريخ: 24 يناير 2009 كاتب الموضوع تقديم بلاغ مشاركة بتاريخ: 24 يناير 2009 بسم الله الرحمن الرحيم النهارده اول درس يا شباب عن الاوراكيل طبعا هنبدا اول درس ان شاء الله بعد ما سطبنا الاوراكيل و اللي مش عارف طريقه تسطيبة الاوراكيل على الجهاز هحط الرابط بتاع الدرس بتاع تسطيبة الاوراكيل نتوكل على الله و نقول بسم الله عشان ندرس اوراكيل في تخصصين اللي هما 1- ادارة قواعد البيانات Administration 2- مطور قواعد البيانات Developer ان شاء الله في الكورس ده هنتعلم المطور ( Developer ) و عشان نتعلم نبقى مطورين قواعد بيانات يبقى لازم نتعلم و نفهم و نتقن لغة ( SQL ) و بردو ( SQL *PLus ) و بعدها نخش على الــ ( Developer ) من خلال الــ ( Rorm ) و ( Report ) . دلوقتي حطينا الخطه اللي ان شاء الله هنمشي عليها و نبدا بس لازم العدة بتاعتك تكون معاك عايزين ورقه و قلم و يكون على الكمبيوتر مسطب الاوراكل و نبدا نشتغل أولا لغة SQL هي لغة استعلامات تفيد المستخدم و تمكنه من ادارة النظام و عمل التطبيقات الازمة و من اهم اوامر اللغه الاوامر التالية :- 1- الامر Select ====> و هو امر لاسترجاء البيانات ملحوظه صغيرة :- الامر ده من اهم الاوامر مش بس اهم الاوامر ده الشغل كله بيه نخبط مثال ع السريع كده :- لو سيادتك حبيت تجيب الشباب الي مسجلين خطر ( قصدي مسجلين في مدرسة ) هتقول ايه بالبلدي ؟؟ هتقول هاتلي الشباب الي مسجلين خطر طيب نترجم الجملة دي ازاي على لغة الSQL ؟ نقولة SQL>select * from students طيب طحينا النجمه ليه ؟؟ عشان تجيب لنا كل حاجه عن الشباب اما بقى لو حبينا نجيب حاجه معينه نكتبها بعد كلمة select يعني لو حبينا نجيب رقم الطالب المسجل في المدرسه يبقى هنكتب الامر ده و لاحظ الاختلاف ده :- SQL>select studint_ID from studentsنلاحط ان احنا بعد select ما حطيناش نجمه عشان احنا عايزين حاجه معينه عشان كده حطينا اسم الحاجه اللي عايزين نجيبها أظن كده امر select بقى سهل و نعرف نستخدمه و الى لقاء قادم ان شاء الله بس الدرس الجاي عايز ناس صاحيه معايا يعني تكون ضاربه 3 نسكافيه عشان نعرف نشتغل لانه درس تقيل تحياتي لكم و مستني التفاعلات و الاقتراحات اقتباس رابط هذا التعليق شارك المزيد من خيارات المشاركة
Hossam Abd El-shahid بتاريخ: 24 يناير 2009 تقديم بلاغ مشاركة بتاريخ: 24 يناير 2009 أنت 100%أنا مش تيكنيكل بس انا فينانشال بس نفسي أتعلم شوية الSQLوشكل أسلوبك في الشرح ده حيشجعني أستمر معكأسلوبك سهل وجميل وأتمني لك التوفيق أن شاء اللهأنا ضربت ال 3 نسكافيه يا أستاذ ومستنيهو مين اللي حيحاسب علي النسكافيه اقتباس رابط هذا التعليق شارك المزيد من خيارات المشاركة
kyoto بتاريخ: 24 يناير 2009 تقديم بلاغ مشاركة بتاريخ: 24 يناير 2009 جزاك الله خيرا على الأسلوب الجميل اقتباس رابط هذا التعليق شارك المزيد من خيارات المشاركة
babbypirate بتاريخ: 24 يناير 2009 كاتب الموضوع تقديم بلاغ مشاركة بتاريخ: 24 يناير 2009 بسم الله الرحمن الرحيم شكرا للتشجيع يا شباب و بالنسبة للنسكافيه طبعا ع النوته نخش على الدرس التاني نشمر ادينا و نقول بسم الله الرحمن الرحيم عرفنا طريقة استخدام جملة Select نخش بقى على شوية اوامر مهمه هنستخدمها في حياتنا العمليه بتاعت اوراكل في عندنا اوامر DML و فيها الاوامر التالية :- امر ====> Insert فايدة الامر ده يا جماعه انه بيضيف جدول بمعنى لو حبينا نضيف جدول على جدول عندنا يبقى نكتب الامر ده SQL> insert Table_name طبعا Table_name ده هيبقى اسم الجدول اللي هنضيفه عندنا طيب نطلع بره شويه و نشوف امر بردو للانشاءالامر ده من اوامر DDL اسم الامر =====> Creat الامر ده بيستخدم لانشاء الجدول طيب سؤال رفيع للشباب :- ايه الفرق بين الانشاء و الاضافه ؟؟؟ الاجابه واضحه و سهلة اولا الانشاء يا شباب انك بتعمل حاجه مش موجوده اما الاضافه فبتبقى على حاجه موجوده يعني الامر insert نستخدمه عشان نضيف حاجه على حاجه موجوده مثال ذلك عندنا جدول الطلاب و فيه الحاجات دي ( رقم الطالب , اسم الطالب , عنوان الطالب ) وعندنا الطلاب ( حنفي , فتحي ,عوضين ) و كلهم بالصلى ع النبي بياناتهم كامله الا الاخ عوضين العنوان بتاعه مش موجود و عايزين ندخل او نضيف العنوان بتاعه ونكتب الامر بالشكل التالي :- SQL> insert into address Value ( ' street hell') لاحظ حاجه مهمه اوي لما جيت اكتب العنوان حطيته بين علامتين تنصيص فردية=====>مهمه اوي الحته دي احنا ركنا امر creat الامر ده فايدته انه بينشئ الجدول طيب معلومه ع الماشي لما تحب تعمل حاجه جديده لازم مش لازم تعرف الحاجه الجديده دي و تدي شوية معلومات عنها طيب نستخدم امر create ازاي ؟؟ SQL>create Table Students ( s_id Number (20) , s_Name Varchar(30) , s_Add varchar (50) ); لاحظوا اني عرفت نوع البيانات الداخله للجدول لان الجدول طازه ملخص الدرس الدسم الامر insert ده للاضافه الامر create للانشاء بس لما نيجي نعمل جدول جديد لازم نعرف البيانات اللي هتدخل للجدول والى لقاء اخر ان شاء الله تعالى و انا جاهز لاي استفسار تحياتي لكم اقتباس رابط هذا التعليق شارك المزيد من خيارات المشاركة
babbypirate بتاريخ: 24 يناير 2009 كاتب الموضوع تقديم بلاغ مشاركة بتاريخ: 24 يناير 2009 بسم الله الرحمن الرحيم طبعا الدروس مكثفه اليومين دول عشان لو اتاخرت في الدروس القادمه و ان شاء الله ما يكونش فيه تأخير الدرس السابق عرفنا فايدة امر insert و فايدة امر create الدرس بتاع النهاردة لذيذ نشمر ادينا و نقول بسم الله الرحمن الرحيم الدرس اللي فات انا حبيت ادمج بين اوامر DDL و اوامر DML طيب انا ليه عملت كده ؟؟ عشان تشوفوا الفرق بين الاوامر اللي بتتعامل مع البيانات و الاوامر اللي بتتعامل مع الجداول ناخد بقى اوامر DML كلها مرة واحده عشان نفهمهم اول امر insert و ده تم شرحه و هو امر اضافة جدول او بيانات الامر التاني Update و الامر ده بنستخدمه عشان نعدل او نحدث البيانات اللي عندنا بالبلدي كده انت لما بتشغل اي برنامج او حتى الويندوز مش بيقولك Update now يعني حدث او نزل اخر فيرجن للبرنامج اهو هو الامر ده بيعمل تحديث للبيانات كلام تقيل نبسطه اكتر عندي شخص دخلت بياناته كلها بس لما جيت ادور على الشخص ده لقيت بياناته فيها حاجات غلط ( الراجل اللي كان بيدخل البيانات شكله نعسان ) يبقى ايه الحل ؟؟ عندنا حلين الاول ان احنا نمسح البيانات بتاعت الشخص ده و نضيفه تاني و بكده يبقى انت مش محترف اوراكيل بس ده انت بوزت الاوراكل لان الاوراكل عايزه السرعه يبقى ما قدمناش حل غير التاني اللي هو نزبط البيانات بتاعته باستخدام الامر Update اتكلمنا كتير عن الامر Update نيجي نشوف الباشا بيتكتب ازاي SQL>Update File_name طيب لو حبينا نمسح بيانات ( بحذفها يعني ) مفيش اسهل من كلمة Delete SQL>Delete File_name كده يبقى لغة التعامل مع البيانات انتهت نيجي للجزء الجميل اللي انا مش فاهمه اوامر التعامل مع الجداول Create <==== طبعا اتكلمنا عنه في الدرس السابق بس كانت نبذه مختصرة الامر ده هو المعلم المتحكم في انشاء الجداول عرفنا ازاي نعمل جدول جديد صح ؟؟؟ الاخ اللي تليفونه بيرن ياريت يعمله سايلنت عشان عايزين نخلص الدرس ده ازاي نعمل جدول جديد ؟؟=====> راجع الدرس اللي فوق دلوقتي احنا عايزين ننشئ جدول جديد بس بخصايص جدول قديم تيجي ازاي دي ؟؟؟ اول حاجه مش احنا هننشئ جدول جديد يبقى هنستخدم امر ايه ؟؟؟؟ ايوه انا سامع الواد الي في الاخر بيقول امر create يبقى نكتب الامر SQL> Create Table Teachers ( T_id ,T_Name , T_add ) as select (S_id ,S_name , S_add ) from students ; تعالوا نشوف الكلكعه اللي حصلت دي ايه الكلام الكبير اللي بتقوله يا عم الحج اولا احنا عملنا امر create اللي عملناه قبل كده و كلمة as يعني زي مش صعبة دي دلوقتي لقينا جملة select دخلت في النص فايدتها ايه ؟؟؟ احنا قلنا في الاول جملة select عشان استرجاع و احنا عايزين نجيب الحاجات دي طيب الحاجات اللي هنجيبها دي جبناها من الجدول اللي عملناه اللي اسمه Students يعني ترجمه الكود على بعضه " بقول للغه اعمليلي جدول مكون من الكلام اللي كتبته و خليه زي الجدول اللي اسمه students " كده الامور وضحت طيب عشان انا ما اقعدش ارغي كتير كل واحد يحل الواجب ده " قم بانشاء جدول جديد اسمه الزبائن على ان يتكون الجدول من 5 اعمدة 2- قم بانشاء جدول الوحدات و يأخذ خصائصة من الجدول الزبائن " مش هحط اي درس جديد الا لما الاقي تفاعل و مشاركات وياريت اي حد يدخل و يلاقيني كاتب حاجه غلط يعرفني لان الانسان مهما كان بيغلط و ارجوا اهتمام المشرفين و المحترفين تحياتي و الى لقاء اخر ان شاء الله تعالى اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 25 يناير 2009 تقديم بلاغ مشاركة بتاريخ: 25 يناير 2009 اهلا بيك.. بجد مش عارف اقولك ايه انت روووعة اوي.. والله احسن حاجة فيك انك بتفهم بطريقة هزاار.. وبتعرف تحسس اللي قدااامك انو فهم.. يعني اصلي انا ما ارعرفش يعني ايه اوراكل غير من حوالي اسبوع بس... انما انا عندي مشكله واحدة هيا انو موضوووع الاكوااد دة شكله هيبقى صب ورخم شوية.. بس بجد انت بتقووول كل حاجة بعد الكود وبتعرفنا نعمل الكود ازاي بالظبط...بس بالنسبة للحاجات اللي انت طلبتها.. انا عندي برنامج الاوراكل وكل حاجة... بس انا مش عارف ادخل فين ولا اعمل ايه؟؟معلشا بجد انا آسف وشكرا لشرحك الجميل والمبسط دة مرة تانية... قولي بقا اعمل ايه.. علشااان ادفعلك فلوووس النسكااافيه بدل ما الحساب يتقل عليك اوي مع السلامة... اقتباس رابط هذا التعليق شارك المزيد من خيارات المشاركة
babbypirate بتاريخ: 25 يناير 2009 كاتب الموضوع تقديم بلاغ مشاركة بتاريخ: 25 يناير 2009 السلام عليكم الاخ BeCkHaM .11شكرا ليك على ردك الجميل ده يا باشا و ان شاء الله تتعلم معانا بالنسبه لموضوع الاكواد ده ما تقلقش منه يا باشا الموضوع سهل اول هي كل اللي انت بتعمله ان حضرتك بتترجم الكلام العربي الى انجليزي و خلاص يعني امر select بالعربي لما تقول للصبي بتاع القهوة هاتلي شاي تقيل سكر زيادة هتترجم الجملة دي ازاي ؟؟؟ SQL> select "شاي " from " المطبخ " where " السكر زيادة " ;ملحوظه جديدة لغة SQL ما بتهتمش اذا كتبت الكود كله على سطر او كتبت كل حاجه على سطر منفصل يعني لو كتبنا الكود التاني بالشكل ده SQL> select " شاي " from "المطبخ " where " السكر زيادة " ; الناتج بتاع الجملة دي هي نفسها الناتج بتاع الجمله اللي فاتت البرنامج هيعمل ايه في الجمله دي هيروح يدور في المطبخ على شاي سكر زيادة و لو لقاه هيجيبهولك يبقى الاكواد سهلة مش صعبه وبالنسبه لتسطيب اوراكل على الجهاز بتاعك خش ع الرابط ده http://www.araboug.org/ib/index.php?showtopic=12392تجياتي لكم اقتباس رابط هذا التعليق شارك المزيد من خيارات المشاركة
hanyfreedom بتاريخ: 25 يناير 2009 تقديم بلاغ مشاركة بتاريخ: 25 يناير 2009 هذا مجهود رائع يا أخى الكريم \ babbypirate ...... بارك الله فيك ، و فى انتظار المزيد اقتباس رابط هذا التعليق شارك المزيد من خيارات المشاركة
butterflies_princess بتاريخ: 25 يناير 2009 تقديم بلاغ مشاركة بتاريخ: 25 يناير 2009 شكرا لجهودك بوركتقبل الله عملك وغفر ذنبك اقتباس رابط هذا التعليق شارك المزيد من خيارات المشاركة
babbypirate بتاريخ: 25 يناير 2009 كاتب الموضوع تقديم بلاغ مشاركة بتاريخ: 25 يناير 2009 شباب انا عايز مشاركات بجد عشان اكمل معاكم على فكره الاسلوب ده كنت بستخدمه مع اصحابي و انا في الكليه والحمد لله اصحابي اقل واحد جاب تقدير جيد جدا فلو مش هلاقي اي تجاوب منكم معايا يبقى انا هستاذن و اكمل الشرح و الدراسه مع نفسي على العموم انا هحط درس جديد النهارده لو لقيت تجاوب معايا تحياتي لكم اقتباس رابط هذا التعليق شارك المزيد من خيارات المشاركة
babbypirate بتاريخ: 25 يناير 2009 كاتب الموضوع تقديم بلاغ مشاركة بتاريخ: 25 يناير 2009 بسم الله الرحمن الرحيم الدرس النهارده طويل و محتاج تركيز نبدا على بركة الله لو احنا كتبنا الامر ده في السيكوال SQL>Select Enamee from Emp Dept ; ولما جينا ننفذ الشرط ده لقينا غلط كتييييييييير اولا ان الحاجه اللي هنجيبها كاتبين اسمها غلط و لما قلناله فين المكان كتبناله مكانين , طبعا الراجل اللي بيدور ما لقاش الحاجه الي قلنانه عليها و رجع لنا و قالنا في عندك خطأ ياريت تديني المعلومات صح ايه الحل بقى ؟؟؟ عندنا حلين و في اغلب الامور هيكون عندنا حلين الاول الحل بتاع الراجل العادي اللي بينفذ الخطوات و خلاص زي ما الكتاب ما بيقول و الحل التاني انك تعمل حركة حلوه تخلي الراجل يعرف انك محترف تفضلوا اي حل ؟؟؟ انا سامع ناس بتقول نفضل الحل الاول و هو كذلك يبقى نطبق الحل التاني حل الجملة السابقه عشان نزبط العملية دي نكتب كده SQL>c/Enamee/Ename; SQL>c/ Dpet / ; وخلصنا على كده نترجم الجملتين اللي كتبناهم دول الجمله الاولى بقوله فيها غير الاسم الاول الى الاسم التاني C هي اختصار لكلمة change طيب الجملة التانية فايدتها ايه ؟؟ غيرنا الاسم الى مفيش بمعنى اخر عملناله دليت او مسح و بكده قدرنا نخرج من المشكله الصغيرة دي على فكره الحاجات الصغيرة دي مهمه و بردو الحاجات التانيه بردو مهمه فنركز شوية دلوقتي هنخش على حاجه اسمها القيود كل ده لسه في امر انشاء جدول يا شباب الموضوع طويل و مش سهل و بردو مش صعب محتاج تركيز القيود يا شباب من اسمها بتربط او بتقيد حاجه بحاجه معينه يعني لما المعلم ينادي للصبي بتاعه و يقوله قيدلي الواد ده طبعا الصبي بيروح جايب حبل و يقيد الباشا القيود في اللغه انك بتخلي الحاجه تدخل بمعطيات معينة بمعنى انا عملت جدول و عملت فيه خانة اسمها البلد و عايز اخلي البلد دي افتراضيا تبقى مصر ام الدنيا يبقى لازم نقيد الخانه دي بكلمة مصر و عندنا طريقتين للتقييد يا اما بالحبل او بالجنزير الطريقه الاولى بالحبل و هو انشاء القيد على مستوى تعريف الحقل ( ايه الكلام الكبير ده ) بالبلدي يعني و انا بعمل الجدول جيب حبل واربط الكلمة دي معاه ع السريع سامع واحد بيقولي وريني عملي عشان مش فاهم اقوله اوك نكتب الامر ده SQL>Create table customer (cust_no Number (4) Not null , cust_Name varchar2 (40)not null ); طريقة الجنزير انشاء القيود على مستوى تعريف الجدول الطريقه دي جامدة و هي اللي اوراكيل بتحبها عشان جنزير هههههههههه نكتب الكود بقى SQL>create table customer ( 2 cust_no number (4) 3 Cust_name varchar (40) 4 Cust_add varchar (40) 5 Constraint cust_no_nt 6 check ( cust_no is not null ) ); و بكده يبقى عملنا قيود على الجدول بس مش كلة عشان الوقت عملناها على حاجه واحده و الباقي انتوا اعملوه نترجم الكلام اللي اتكتب ده من السطر رقم 5 Constraintدي كلمة محجوزة بتاعت اوراكل يا معلم Nt دي يا باشا اختصار للقيد عشان ما نقعدش نرغي كتير check ( cust_no is not null )عشان نتاكد ان المحتوى مش فارغ و نخلي محتواه على قيمة طيب ايه الارقام دي يا ريس ؟؟ الارقام دي لما انت بتكتب امر في البرنامج و تضغط انتر بيكتبلك الرقم يعني رقم السطر و البرنامج لو فضلت تكتب اوامر من هنا لحد السنه الجايه مش هينفذ اي امر الا لما تقوله انا خلصت كتابة الاوامر و نفذ يا معلم طيب نقوله الكلمة دي ازاي ( نعزم عليه بي سيجارة ) العلامه دي هي اللي بتشغله ; عايزين نعمل قيد عشان القيم ما تتكررش يبقى نكتب الامر ده عند العمود اللى مش عايزين بياناته تتكرر SQL>create table students 2 ( 3 St_no number (10) unique , 4 st_name varcher (40) not unll , 5 st_add varchar (50 ) 6 ); لاحظ ان احنا حطينا الكلمة Unique عند رقم الطالب عشان المفروض ان رقم الطالب ما يتكررش استخدام القيد الافتراضي Default نفس الجدول اللي فات بس هنضيف الجزئية دي SQL>create table students 2 ( 3 St_no number (10) unique , 4 st_name varcher (40) not unll , 5 st_add varchar (50 ) 6 St_national varchar (15) 7 Default ‘ Egypt’ 8); فاضل 3 او 4 حصص و نكون خلصنا امر الانشاء بالكامل و نكون عرفنا ازاي نعمل جدول و نبقى محترفين اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 25 يناير 2009 تقديم بلاغ مشاركة بتاريخ: 25 يناير 2009 شكرا اوي اوي... على ردك الجميل دة... وبجد ان شااء الله انا هكووون متاااابع معااك باستمراااااار...ومعلش هتعبك معايا شوية... وبجد والله انت طريقتك رائعة.. بس اللي انا كنت عاوز اعرفه ادخل على ايه بالظبط.. يعني في دول؟؟application developmentconfiguration and migration toolsintegrated management toolsoracle installation productsوطبعا كل حاجة في دول فيها حاجات تانية... ان امش عارف ايه هوا البرنامج اللي هشتغل عليه بالظبط؟؟؟معلش .... لو كنت تعبتك....مع السلامة... انا هدخل بليل واكمل دراسة ان شاء الله.. اقتباس رابط هذا التعليق شارك المزيد من خيارات المشاركة
sedyrohy بتاريخ: 25 يناير 2009 تقديم بلاغ مشاركة بتاريخ: 25 يناير 2009 مجهود عظيم من الاخ babbypirate وبجد بجد مش عارف اشكره ازاى لانه فعلا يشجع الواحد على المزاكرة باسلوبه البسيط و الغير متكلف دا ربنا يوفقه دايما و ارجو منه الاستمرار فى شرح باقى الدروس اقتباس رابط هذا التعليق شارك المزيد من خيارات المشاركة
babbypirate بتاريخ: 25 يناير 2009 كاتب الموضوع تقديم بلاغ مشاركة بتاريخ: 25 يناير 2009 (معدل) السلام عليكم شكرا ليكم يا شباب على تشجيعكم ليا و بالنسبة للاخ BeCkHaM .11 طبعا بعد ما سطبت المحروس ( اوراكل ) طبعا هتروح على قائمة start وبعد كده هتلاقي oracle-oraDb10g هيطلعلك القائمة بالكلام الكتير اللي مكتوب ده application developmentconfiguration and migration toolsintegrated management toolsoracle installation productsطبعا احنا هنختار =====> application development و هنختار منها الـــ=====> SQL Plus طبعا تكون مسطب الاوراكيل كامل بالديفولبر عشان نقدر نعيش شوية و ان شاء الله بكره درس جديد و حلو عشان عايزين نخلص الجزئية الصغيرة و نخش بقى ع التقيل يا شباب تحياتي يكم تم تعديل 25 يناير 2009 بواسطة babbypirate اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 شكراااااااااا اوي... بجد ربنا يخلييييك.. الاوراكل من غيرك رمووووووووز على رأي الاعلان حياتي من غيرك شوربه ... على العموووم شكرا اوي... وانا بزاااكر اهو يا استاااز...يل بقااا ادعيلنا...وشكرا لكل جهووودك دي مرة تانية.... اقتباس رابط هذا التعليق شارك المزيد من خيارات المشاركة
angel of dreams بتاريخ: 26 يناير 2009 تقديم بلاغ مشاركة بتاريخ: 26 يناير 2009 انا متابعه مع حضرتك وشكرا وحضرتك كلمه null هى اللى غلط ومع الشكر اقتباس رابط هذا التعليق شارك المزيد من خيارات المشاركة
angel of dreams بتاريخ: 26 يناير 2009 تقديم بلاغ مشاركة بتاريخ: 26 يناير 2009 (معدل) Sql>create table student c/ 2 customer no.number(4)3customer _ name varchar(40)4customer_add varchar(40)5 contraint cust_no_nt6check(cost_no is not null));sql>c/ up date/; تم تعديل 26 يناير 2009 بواسطة angel of dreams اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 (معدل) اهلا استاز babbypirateكان في واجب بعد الدرس الثالث على ما اظن وكان كلأتي...طيب عشان انا ما اقعدش ارغي كتير كل واحد يحل الواجب ده" قم بانشاء جدول جديد اسمه الزبائن على ان يتكون الجدول من 5 اعمدة2- قم بانشاء جدول الوحدات و يأخذ خصائصة من الجدول الزبائنوانا حاولت احله بس كل مرة كان بيديني ايرور.. مش عارف ليه.. على العموم انا هحط لحضرتك الحل وانت شوف بقا ايه الغلط.. ويا ريت تتكرم عليا وتقولي ايه هوا وهكوون منتظر الرد من حضرتك.. تم تعديل 26 يناير 2009 بواسطة BeCkHaM.11 اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 create table clients ( c_id number (20) , c_name Varchar (30) , c_add Varchar (50) , c_ status Varchar (30) , c_email Varchar (50) ) ; اقتباس رابط هذا التعليق شارك المزيد من خيارات المشاركة
BeCkHaM.11 بتاريخ: 26 يناير 2009 تقديم بلاغ مشاركة بتاريخ: 26 يناير 2009 (معدل) خلااااااااص شكرا شكرا يا استاااااز انا حليتها.... انا فضلت وراااها وكل شوية اغلط ولاحظ الغلطة لحد الحمد لله ما حليييتها.. انا عرفت ايه الغلط اللي كان عندي وهوا اني حطيتهم ورا بعضالمفروض احط كل واحدة واعمل انتر... زي كدا... create table clients ( c_id number (20) ,c_name Varchar (30) ,c_status varchar (30) , c_add Varchar (50) ,c_email Varchar (50( ; بس هوا قالي Table created.طيب هوا اتكريت فين بقا .... سؤال يطرح نفسه... هههههههمستني الرد من حضرتك مع السلامة... تم تعديل 26 يناير 2009 بواسطة BeCkHaM.11 اقتباس رابط هذا التعليق شارك المزيد من خيارات المشاركة
جود بتاريخ: 26 يناير 2009 تقديم بلاغ مشاركة بتاريخ: 26 يناير 2009 thanks 4 all babbypirate اقتباس رابط هذا التعليق شارك المزيد من خيارات المشاركة
جود بتاريخ: 26 يناير 2009 تقديم بلاغ مشاركة بتاريخ: 26 يناير 2009 thanks 4 all babbypirate اقتباس رابط هذا التعليق شارك المزيد من خيارات المشاركة
جود بتاريخ: 26 يناير 2009 تقديم بلاغ مشاركة بتاريخ: 26 يناير 2009 Thanks 4 all babbypirate اقتباس رابط هذا التعليق شارك المزيد من خيارات المشاركة
babbypirate بتاريخ: 26 يناير 2009 كاتب الموضوع تقديم بلاغ مشاركة بتاريخ: 26 يناير 2009 السلام عليكم و رحمة الله و بركاته بالنسبه للاخت angle بتقول الغلط في كلمة null ارجوا التوضيح يعني ايه الغلط في كلمة null عزيزي BeCkHaM .11 انت لما بتسطب الاوراكل المحروس ده بعمل لنفسه فولدر اسمه db على بارتشن الــ C هتلاقيه في اليوزر على اليوزر اللي انت بتستخدمه يعني لو عندك 3 يوزر على الجهاز بتاعك و مسطب الاوراكل على اليوزر الاول ادخل على اليوزر ده على فولدر local<==== application dada هتلاقي كل حاجه جواه بس نصيحة للناس اللي لسه هتسطب اوراكل ياريت لو نعمل بارتشن منفصل خاص بالاوراكل و سؤال بردو بيطرح نفسه ====> انت ليه عايز تعرف مكان قاعدة البيانات ؟؟؟ الدرس الجاي ان شاء الله هنتكلم عن كيفية كتابة الكود في اللغه ادعولي اخلص الدرس و احطه عشان تذاكر تحياتي لكم اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.