حملت اكتر من مشروع جاهز ومبيشتغلوش ممكن مساعده

[emy 2012]

السلام عليكم ورحمه الله وبركاته
انا الحقيقه تعبت جدا فى الموضوع ده
وانا مبتدئه فى الاوراكل واكاد اكون لا افقه شسئا فيه
بس مطلوب بروجيكت لماده الداتا بيز فى الكليه ولازم يكون بالاوراكل
بحثت كتير فى النت عن المشروعات وحملت كتير لكن كل مااحمل حاجه مبتتفتحش مش عارفه ايه السبب
ممكن يكون ناقصنى برامج لازم تتحمل الاول وانا مش عارفاها
ودى صوره لمشروع حملته ومش عارفه اتعامل معاها ازاى
الصوره فى المرفقات
ياريت تفهمونى ايه المشكله وايه المفروض اعمله وابتدى منين واعمل رن للبرنامج ازاى ؟؟؟؟؟؟؟

[ahmedbb]

السلام عليكم
انا شايف ان مشكلتك الاساسية هى قلة المعلومات ونقص المعرفة
الصورة المرفقة بها ملفات لها امتدادات مختلفة وشرحها كالاتى
fmb الفورم فى مرحلة التصميم
fmx الفورم فى مرحلة الرن تايم او التشغيل
mmb القؤائم فى مرحلة التصميم
mmx الفورم فى مرحلة التشغيل
rdf التقارير فى مرحلة التصميم
المطلوب منك الاتى
- تحميل الاوراكل داتا بيز
- تحميل الديفلوبر حسب الاصدار المناسب للمشروع
- جمع اكبرقدر من المعلومات عن الاوراكل و البرمجيات
- الاستعانة بمن لهم خبرة فى هذا المجال

وكل ما سبق طبعا يسبقه التوكل على الله

معكم ولكم نتواصل

[eslam elbyaly]

انتي محتاجة برنامج اسمه oracle forms builder
ده اللي بيفتح الملفات اللي عندك دي fmx and fmb
البرنامج ده بيبقي ضمن package اسمها oracle developer suite
زي الـ microsoft word كده بيبقي جوه pacakage اسمها microsoft office
الـ oracle developer suite دي ليها كذا اصدار , فانتي لازم تشوفي البرامج اللي عندك معمولة باي اصدار بالظبط
وتنزلي الاصدار المناسب عشان تقدري تشغلي الملفات دي

وتنزلي الباكدج من موقع اوراكل نفسه مجاني عادي

لما تعملي كده هيبقي فاضلك بس تقريبا ازاي تعملي run للملفات , وهي بسيطة (زرار بس بتدوسي عليه)
لما توصلي ربنا يسهل ساعتها بقي
ربنا يوفقك

[emy 2012]

انا متشكره جدا لحضراتكم انكم رديتوا عليا
وجزاكم الله كل خير
انا دلوقتى بحمل oracle developer suite
المفروض بعد ما احمله كل حاجه تتظبط ان شاء الله
الخطوه اللى بعدها اعملها ازاى يعنى انقل فولدر البروجكت فى مكان معين ولا فى اى مكان وازاى اعمل رن ليه ؟؟؟
مستنيه ردودكم
وجزاكم الله كل خير وجعله فى ميزان حسناتكم