ارجو المساعدة فى Sql Pus

[egypt4egypt90]

السلام عليكم ورحمةو الله وبركاته

اخوانى انا اريد المساعدة

عندما قمت بنتنصيب الاوريكال
جائتنى مشكلة واريد حل لها

فارجو مساعدة ضرورى

عندما ذهبت الى sql pus حتى اكتب الاكواد بداخلها

ففجئت انها لا تفتح

واليكم الصورة

[هجرس]

السلام عليكم
عندما قمت بتصطيب الأوراكل طلب منك وضع كلمة مرور وتأكيدها .... هل تتذكرها؟
ضع فى خانة اسم المستخدم كلمة SYSTEM
وفى خانة كلمة المرور كلمة المرور التى وضعتها فى أول شاشة عند التنصيب
وفقك الله
محمد هجرس

[sameh bakkar]

الأخ الفاضل:
الموضوع تم مناقشته اكثر من مره بالمنتدى ... فرجاء استخدام خاصية البحث

[egypt4egypt90]

يا اخواننا


انا بقالى اكتر من مليون شهر ببحث فى جوجل وفى المنتدى ومش عارف الائى الايجالة ال انا عايزها


ارجوووووووووووووووووووووووو


من يجد حل ويعطينى الروابط

طيب

حاجة تانية لو انا نسيت اليوز نيم والباس ورد
اسطب الاويكال من اول تانى

؟

[egypt4egypt90]

على العموم


لما انا جيت اسطب الاويكال محديش يوزر نيم وباس ورد خاااااااااااااااااااالص

طيب اشتغل عليها ازاى

ارجووووووووووووووووووو المساااااااااااااااااعدة

[weloooo]

السلام عليكم.

شوف إفتح ال SQLplus عادي وفي خانة ال user name أكتب الآتي بالظبط:

/ as sysdba

ولا تدخل أي شييء في الخانة ال password أو خانة ال Host string

وإضغط enter

بعد الدخول هاتفتح الإسكيمه التي تريد العمل عليها ولتكن إسكيمة HR وهاتكتب التالي:

alter user hr identified by hr account unlock
;
بعد كده إقفل ال SQL plus وإفتحه تاني واكتب في خانة ال user name أكتب hr
وفي خانة ال password أكتب hr

ولو أردت أن تفتح أي إسكيمه تانيه إعمل الخطوات السابقه مع تغيير الإسكيمه.

[hanyfreedom]

اول ما تفتح ال SQL*PLUS دوس OK هتلاقى الشاشة اللى فى الوش الصغيرة البيضه اختيفت
اكتب فى الشاشة اللى تحتها التالى :-
SYS AS SYSDBA
ثم دوس انتر ثم اكتب :-
change_on_install
ثم دوس انتر تانى
كده هتلاقى نفسك جوه اسكيمة ال SYS .... اكتب دلوقتى الكود ده :-

ALTER USER system IDENTIFIED BY OUG;

كده معناه انك لما تيجى تدخل على اسكيمة ال SYSTEM تانى مرة فى كلمة المرور بتاعتها هتبقى OUG
بالنسبة لأسكيمة ال HR وال SCOTT فدول مهمين جداً علشان بيتنفذ عليهم معظم الامثلة و لازم تفكهم الاول قبل ما تعملهم كلمة المرور
نفذ الاكواد التالية بعد تنفيذك للكود السابق ذكره :-

ALTER USER HR ACCOUNT UNLOCK;
ALTER USER HR IDENTIFIED BY OUG;
ALTER USER SCOTT ACCOUNT UNLOCK;
ALTER USER SCOTT IDENTIFIED BY OUG;

دلوقتى اطلع عادى من ال SQL*PLUS و ادخل تانى
لما تطلعلك برضه الشاشة الصغيرة البيضه ابقى دوس OK على طول ذى المرة اللى فاتت
اكتب HR ثم اضغط انتر ثم اكتب OUG ثم اضغط انتر تانى
دلوقتى انت فى اسكيمة ال HR
و برضه اعمل نفس الشىء مع ال SCOTT علشان تدخل عليها

و لو فى اى شىء مش واضح فى كلامى ياريت تقولى و انا اعيده من تانى

و بالتوفيق

[egypt4egypt90]

الله ما صلى على النبى

تحية مصر

ونجحت العملية


هبييييييييييييي


اقتحمنااااااهااااااااا

وعرفنا تخشاها

==============
كل عضو بالمنتدى ده ليه عندى لتر حاجة سقعة

اشكركم يا جماعه والله العظيم

وبجد وبجد لكم منى تحية وتقدير واحترام

[egypt4egypt90]

يا جماعة انا عاملت اول حاجة لما جيت افتح الـ sql plu

دوست اوكى علشان باتاعه بتاعت اسم المستخدم ورقم السرى تختفى

ولما اختفت

اول حاجة كنبتها

SYS AS SYSDBA

ودوست انتر

وبعدين كاتبت

change_on_install

وبعدين دوست انتر

وبعدين كاتبت

ALTER USER system IDENTIFIED BY OUG;

ودوست انتر

وخلاص على كده

فقاقلت ال sql plus نهائيا

===========

وجيت افتحها تانى

وكاتبت اسم المستخدم : system
والرقم السرى : OUG

فالحمد لله العملية نحجت معاايا والـ sql plus خلاص فاتحت معايا والحمد لله وما فيش اى مشاكل خاااااااااااالص

دلوقتى حالا فى اى مشاكل اة خطوات اعملها تانى رغم انى خلاص قدرت افتحها ؟

طيب لو مافيش اى خطوات تانى

ممكن بعد ازنكم تعلمونى ازاى اعمل جدول واحد وفى اى عدد من الحقول وبعدين ازاى اسيفها وتكون جاهزة علشان اربطها بالفيجوال بيسك 6

وشكرا

[hanyfreedom]

لو انت دلوقتى فى اسكيمة ال system
فممكن تعمل الكود ده لعمل نسخ لجدول الموظفيين الموجود باسكيمة ال HR و تخزينها باسكيمة ال system

CREATE TABLE employees AS SELECT * FROM hr.employees;

و بكده تبقى نقلت كل جدول ال employees بالبنية الاساسية بتعاته مع البيانات المخزنه فيه ..... و للتأكد

DESC employees
SELECT *  FROM employees;

او انك لو مش عاوز كده ممكن تعمل جدول بنفسك بالطريقة دى :-

CREATE TABLE JOBS (
 JOB_ID      VARCHAR2(10 BYTE),
 JOB_TITLE   VARCHAR2(35 BYTE) CONSTRAINT JOB_TITLE_NN NOT NULL,
 MIN_SALARY  NUMBER(6),
 MAX_SALARY  NUMBER(6) );

و من ثم تضع البيانات بنفسك ..... ذى كده :-

insert into jobs values ('AD_PRES','President',20000,40000);
insert into jobs values ('AD_VP','Administration Vice President',15000,30000);
insert into jobs values ('AD_ASST','Administration Assistant',3000,6000);
insert into jobs values ('FI_MGR','Finance Manager',8200,16000);
insert into jobs values ('FI_ACCOUNT','Accountant',4200,9000);
insert into jobs values ('AC_MGR','Accounting Manager',8200,16000);
insert into jobs values ('AC_ACCOUNT','Public Accountant',4200,9000);
insert into jobs values ('SA_MAN','Sales Manager',10000,20000);
insert into jobs values ('SA_REP','Sales Representative',6000,12000);
insert into jobs values ('PU_MAN','Purchasing Manager',8000,15000);
insert into jobs values ('PU_CLERK','Purchasing Clerk',2500,5500);
insert into jobs values ('ST_MAN','Stock Manager',5500,8500);
insert into jobs values ('ST_CLERK','Stock Clerk',2000,5000);
insert into jobs values ('SH_CLERK','Shipping Clerk',2500,5500);
insert into jobs values ('IT_PROG','Programmer',4000,10000);
insert into jobs values ('MK_MAN','Marketing Manager',9000,15000);
insert into jobs values ('MK_REP','Marketing Representative',4000,9000);
insert into jobs values ('HR_REP','Human Resources Representative',4000,9000);
insert into jobs values ('PR_REP','Public Relations Representative',4500,10500);

و لحفظ جمل ال insert التى وضعتها .... فيجب ان تقوم بهذا الامر :-

COMMIT ;

الأن يمكنك التأكد من بنية الجدول من هذا الأمر :-

DESC jobs

و للتأكد من وجود البيانات قم بعمل الكود التالى :-

SELECT * FROM jobs;

أما بقى لموضوع الربط بين الاوراكل بالفيجوال بيسك 6 ...... فأنا لا أعرف عنه شىء
يمكنك البحث فى المنتدى عن طريقة الربط بين الاوراكل و الفيجوال بيسك ..... أكيد هتلاقى ما تريد

و بالتوفيق

[egypt4egypt90]

الف شكر ياباشا

والعملية نحجت والحمد لله

بس سؤال لو سمحت

انا لما كنت بعمل قاعدة بيانات بالاكسس

بعمل جدول وحقل والذى منه

وبعدين احفظة فى اى مكان بالهارد بتاعى

يعنى بشوف الملف بعينى

ينفع
بعد انا ما عاملت الخطوات ال حضرتك قولتها

اقدر احفظ الملف قاعدة بيانات فى اى مكان بالهارد

واعرف المحتوى بتاعه

===========

هاوضح اكتر

انا خلاص عاملت ال حضراك قولت عليه بالحرف الواحد
والحمد لله العملية نجحت معايا

بس دلوقتى ان المشكلة
اننى عايز اشوف الملف نفسه مكانه فييييييييييييين فى الهارد نفسه

وعايز افتحه واشوف الشغل بتاعى من غير اكواد
يعنى اشوف جدول منظم بالحقول ال انان عاملتها

وشكرا وارجو الرد وجزاكم الله خيرا

[hanyfreedom]

اكتب امر spool my_data ثم دوس انتر ... ثم اكتب امر استرجاع البيانات للجداول اللى عاوزها .... ثم اكتب spool off .... و هذا مثال لما قلت :-

spool my_data
select * from jobs;
--
spool off

علشان تشوف البيانات ...... روح لهذا الفولدر :-

C:\oracle\product\10.2.0\db_1\BIN

دا على اساس انك نزلت الاوراكل على دريف ال C ... و دور على ملف اسمه :-

my_data.LST

و افتحه بأستخدام برنامج ال WordPad

دلوقتى هتلاقى كل البيانات اللى فى جدول ال Jobs

بس خلى بالك .... لو حد صحبك او مدير عملك مثلاُ قالك انه عاوز الجدول اللى انت انشأته .... فانت لازم تعطيه الكود اللى أنشأت بيه الجدول مش البيانات اللى موجوده فيه .... بمعنى مثلاً لو طلب منك جدول ال Jobs اللى انت عاملته فانت مفروض تعطيه هذا الكود :-

CREATE TABLE JOBS (
JOB_ID VARCHAR2(10 BYTE),
JOB_TITLE VARCHAR2(35 BYTE) CONSTRAINT JOB_TITLE_NN NOT NULL,
MIN_SALARY NUMBER(6),
MAX_SALARY NUMBER(6) );

و ده تقدر تجيبه يالا بحفظك للكود بملف تكست ساعة لما عاملته ، أو انك تعمل DESCRIPTION للجدول و تستخلص منه طريقة عمل الكود.

لو لسه ليك اى استفسار ... قول و انا فى الخدمة

و بالتوفيق

[egypt4egypt90]

الف شكر يا بشمهندس

بس اانا عندى حاجة

بعد ازن حضرتك

انا خلاص عاملت كله حاجة ونجحت
بس فى استفسار معين

ارجو ان تفيدنى


انا لما اعمل قاعدة بيانات بالاكسس

بفتح الملف وبضيف بيانات

مثلا

بالاكسس عامل جدول واحد فقط ويحتوى على الاسم والهاتف وحفظت قاعدة بيانات

وجيت افتح قاعدة بيانات علشان املى البيانات
وجيت احط تحت الحقل الاسم ( محمد ؛ على .,..(
وجيت احط تحت حقل الهاتف(0164222...

كده

انا بقى لما عاملت قاعدة بيانات بالاوريكال مثل ما حضرتك علمتى

جيت اشوف الملف ا وجيت افتحة
معرفتش اعمل فيه اى حاجة

ارجو ان تكون فهمت قصدى

[hanyfreedom]

علشان تضيف صف جديد لازم تستخدم جملة Insert و علشان تتم عملية الحفظ بنجاح فلازم بعد اكمالك لكل جمل ال insert ان تقوم بعمل commit و للتاكد من نجاح وضع البيانات بداخل الجدول قوم بعمل select ..... و هذا مثال بسيط للتوضيح :-

CREATE TABLE hany(ID NUMBER , NAME VARCHAR2(14));
INSERT INTO hany VALUES (1, 'qq');
INSERT INTO hany VALUES (2, 'ww');
INSERT INTO hany VALUES (3, 'dd');
COMMIT ;
SELECT * FROM hany;

اتمنى ان تكون الفكرة اكثر وضوحاً الأن

و بالتوفيق

[egypt4egypt90]

الف شكر يا بشمهندس

بس اانا عندى حاجة

بعد ازن حضرتك

انا خلاص عاملت كله حاجة ونجحت
بس فى استفسار معين

ارجو ان تفيدنى


انا لما اعمل قاعدة بيانات بالاكسس

بفتح الملف وبضيف بيانات

مثلا

بالاكسس عامل جدول واحد فقط ويحتوى على الاسم والهاتف وحفظت قاعدة بيانات

وجيت افتح قاعدة بيانات علشان املى البيانات
وجيت احط تحت الحقل الاسم ( محمد ؛ على .,..(
وجيت احط تحت حقل الهاتف(0164222...

كده

انا بقى لما عاملت قاعدة بيانات بالاوريكال مثل ما حضرتك علمتى

جيت اشوف الملف ا وجيت افتحة
معرفتش اعمل فيه اى حاجة

ارجو ان تكون فهمت قصدى

nnnn

[hanyfreedom]

نزل الفورمز ال 6i و اربطها بالداتابيز و اعمل form للجدول و فى ال run time حط البيانات برحتك كأنك بالظبط بطحط فى الاكسس و اقفل ال run time و هتطلع رسالة تقولك عاوز تحفظ اللى كتبته ، دوس yes ... خلاص كده يبقى لما تيجى تدخل ال run time تانى علشان تشوف اللى انت كتبته هتلاقى موجود.

نصيحة أخوية : الاوراكل ما يتخدش فى يوم و ليله ..... لو انت ناوى تذكره كله فلازم تدرس ال SQL الاول و بعد كده ال PL/SQL و بعد كده ال FORMS و بكده تبقى قادر على عمل قاعدة بيانات بالاوراكل ( لكن مش معنى كده انك خلصت الاوراكل ، لأن الاوراكل فيه فروع كتير جداً )

اذا كنت ناوى على درسته .... فقولى و انا هساعدك و اعضاء كتير برضه هيسعدوك

و بالتوفيق

[egypt4egypt90]

طيب استاذى ممكن تكون معايا خطوة وبخطوة وتقولى اذاكر ايه بالضبط

واجيبها منين

وامشى معاك خطوة بخطوة
من بداية خاااااااااالص

دى اولا

اما ثانيا

انا مسطب نسخة الاوريكال 10 جى فقولى اشيلها اواسب ال انت قولتها

طيب لو كده ادينى رابط احمل منها النسخة ال انت بتقول عليها

[hanyfreedom]

أنت مسطب دلوقتى database 10g دا سيبه ذى ما هو ...... بالنسبة لل forms 6i حمله من هذا الرابط :-
http://download.oracle.com/otn/nt/forms/6i_rel2_xp.zip
بس طبعاً لازم يكون ليك حساب على موقع http://www.oracle.com و ده تعمله الاول بعد دخولك للموقع
هتلاقى من فوق على ايدك اليمين sign up ادخل عليها و أملى بياناتك و بعد عمل account ليك ابقى دوس على الرابط اللى كتبتهولك و حمل ال Forms 6i

بالنسبة لتسطيبه فهو سهل ..... اثناء التسطيب اى رسالة تطلعلك دوس OK
و بعد انتهاء التسطيب هتلاقى كذا فولدر اتفتحه ابقى اقفلهم ... و بعد كده روح ل :-
C:\orant\BIN\ifbld60.EXE و ده اللى هو ال ( Form Builder ) اللى بنستخدمه بشكل أساسى لبناء ال Form اللى هتعملها دلوقتى ،
و اعمله shortcut على سطح المكتب و افتحه ، هتطلعلك رسالة دوس cancel و اتاكد ان عندك module جديد
( و ده فى الغالب هيبقى موجود بشكل تلقائى ) و الباقى عبارة عن انك تختار data block من قائمة tools للجدول اللى
انت عاوز تشتغل عليه فهتختار مثلاً Jobs ( بس لما تيجى تدوس على Browse هتطلع رسالة تقولك حط ال user name وال password
اكتب هنا system و ال password هتبقى oug و دوس ok كده يبقى انت وصلت الفورمز عندك بالداتابيز و دا شىء مهم جداً علشان تقدر تشوف
بيانات جدولك من خلال الفورمز و كمان علشان تقدر تملى البيانات اللى انت عاوز تحطها .
و بعد كده كمل كله next لغاية finish هتطلع بعد كده رسالة ذى اللى فاتت
( اللى هى بتاعة ال Canvas ) اعمل برضه next لغاية finish ( خلى بالك فى الشاشتان اللى فاتوا ابقى ضيف كل الحقول )
و لما تخلص هتلاقى على ايدك الشمال ايقونة صغيرة ذى بتاعة اشارة المرور ( Run Form ) دوس عليها كده انت خلاص بقيت فى ال Run Time
كأنك فى الاكسس تقريباً ...... بس كده عيش حياتك و أملى البيانات عادى برحتك

و لو وجهتك اى مشاكل ابقى قولى و احنا اى خدمة

[egypt4egypt90]

أنت مسطب دلوقتى database 10g دا سيبه ذى ما هو ...... بالنسبة لل forms 6i حمله من هذا الرابط :-
http://download.oracle.com/otn/nt/forms/6i_rel2_xp.zip
بس طبعاً لازم يكون ليك حساب على موقع http://www.oracle.com و ده تعمله الاول بعد دخولك للموقع
هتلاقى من فوق على ايدك اليمين sign up ادخل عليها و أملى بياناتك و بعد عمل account ليك ابقى دوس على الرابط اللى كتبتهولك و حمل ال Forms 6i

بالنسبة لتسطيبه فهو سهل ..... اثناء التسطيب اى رسالة تطلعلك دوس OK
و بعد انتهاء التسطيب هتلاقى كذا فولدر اتفتحه ابقى اقفلهم ... و بعد كده روح ل :-
C:\orant\BIN\ifbld60.EXE و ده اللى هو ال ( Form Builder ) اللى بنستخدمه بشكل أساسى لبناء ال Form اللى هتعملها دلوقتى ،
و اعمله shortcut على سطح المكتب و افتحه ، هتطلعلك رسالة دوس cancel و اتاكد ان عندك module جديد
( و ده فى الغالب هيبقى موجود بشكل تلقائى ) و الباقى عبارة عن انك تختار data block من قائمة tools للجدول اللى
انت عاوز تشتغل عليه فهتختار مثلاً Jobs ( بس لما تيجى تدوس على Browse هتطلع رسالة تقولك حط ال user name وال password
اكتب هنا system و ال password هتبقى oug و دوس ok كده يبقى انت وصلت الفورمز عندك بالداتابيز و دا شىء مهم جداً علشان تقدر تشوف
بيانات جدولك من خلال الفورمز و كمان علشان تقدر تملى البيانات اللى انت عاوز تحطها .
و بعد كده كمل كله next لغاية finish هتطلع بعد كده رسالة ذى اللى فاتت
( اللى هى بتاعة ال Canvas ) اعمل برضه next لغاية finish ( خلى بالك فى الشاشتان اللى فاتوا ابقى ضيف كل الحقول )
و لما تخلص هتلاقى على ايدك الشمال ايقونة صغيرة ذى بتاعة اشارة المرور ( Run Form ) دوس عليها كده انت خلاص بقيت فى ال Run Time
كأنك فى الاكسس تقريباً ...... بس كده عيش حياتك و أملى البيانات عادى برحتك

و لو وجهتك اى مشاكل ابقى قولى و احنا اى خدمة

الف الف الف الف شكر ليك ياباشا
وجزاك الله خيرا

انا فعلاعندى حساب فى الاوريكال

وانا بحمل
حصلتى مشكلة بسبب برنامج دون لو مانجر
بعد ما وصلت 98%
البرنامج دون لود مانجر طلب منى سيريال نمبر
المهم حاملت برنامج تحمل اخر
وانا الان وصلت 80% فى الاويكال
المهم

اسف على التاخير فى الرد

انا دلوقتى هاعمل كل حاجة خطو ة بخطوة زى ما انت قولتى بالضبط

بس لما اخلص
عايزك تتابعنى
لغاية ما اقدر اشبك قاعدة بيانات بلاانتر فيس فبتعتها بالفورم
وشكرا جزيرا

[egypt4egypt90]

كله ياباشا ميه ميه ولا فراخ اغلجمعية
بس فاضلة حاجة اخير علشان اقدر اكمل بقيت المشوار بعد ازنك

عند DATABAse اكتب ايه

اانا لغايو هنا مش قادر اكمل

ممكن تساعدنى بعد ازنك

[hanyfreedom]

اكتب :-
orcl
ذى ما فى الصورة دى :-

دا مفروض اسم قاعدة البيانات الافتراضى اللى مفروض انت ملعبتش فيه او غيرته فى اول شاشة طلعتلك ساعة تنزيلك لل Database
على اى حال انا بدخل بال username و ال password بس ..... بكتب مثلاً :-
system
oug
و بسيب الخانة اللى مفروض اكتب فيها orcl فارغة و بدخل عادى بدون مشاكل .... و ده لأن انا مش منزل
غير قاعدة بيانات واحدة بس على الجهاز ، ذى ما انت عامل بالظبط .

[egypt4egypt90]

محااااااااااااااااااااااااولة

فااااااااااااااااااااااشلة



ارجو ايجاد الحل يا اخواننا


كاتبت اسم قاعدة بيانات
للاسف طلعت غلط

رغم انى مالغبتش فيها

يا ترى حضرتك تقدر تساعدنى بانى اعمل اى حاجة

[hanyfreedom]

هل انت جربت تدخل من غير اسم ال Database ولا لأ ؟!
على اى حال .... ادخل على ال SQL*PLUS و نفذ الكود ده

SELECT NAME FROM v$database;

و قولى الناتج طلع معاك ايه !!!

[egypt4egypt90]

طلعت معايا

EGYPT4EG

فقططط

وكلها بالكابتل مش ثمول

طيب بصى

بقول لحضرتك ينفع تدرينى رابط احمل منها اوريكال 10 جى
يمكن تكون النسخة ال عندى مضروبة

ولو اذا ايتنى نسخة حلوة قولى اسطبها ازاى بالتفاصيل الممل

اوكى
واختار ايه واروح فين وهكذا

[hanyfreedom]

ده معناه انك غيرت اسم قاعدة البيانات فى اول شاشة طلعت قدامك لما جيت تنزل الداتابيز ..... و الاسم اللى انت وضعته هو ده :-
EGYPT4EG

دلوقتى ادخل على الفورمز اكتب فى ال user name
system
و فى ال password
oug
و فى ال Database أكتب :-
EGYPT4EG
و دوس OK

ان شاء الله هتدخل و تلاقى جدول ال jobs اللى عاملته و اختاره و كمل ذى ما قلتلك قبل كده

و بالتوفيق