إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

نتيجة منحة وزارة الاتصالات


158 رد (ردود) على هذا الموضوع

#121 Ahmed.Hamdy

Ahmed.Hamdy

    مشرف قسم قواعد البيانات

  • فريق الإشراف
  • 598 مشاركة
  • الاسم الأول:Ahmed
  • اسم العائلة:Hamdy
  • البـلـد: Country Flag
  • المنصب الحالي:Sr. Oracle Apps DBA

تاريخ المشاركة 16 November 2007 - 10:36 PM

يا جماعه انا نجحت فى التراك بتاع الاوراكل وعاوز اعرف اى معلومات عن المقابله الشخصيه
ياريت اى حد عنده معلومات يقولنا


سلام عليكم ياشباب ..انا كنت من اللى ربنا كرمهم ووفقهم للقبول بالمنحه السنه اللى فاتت
وهقوللكم على تجربتى فى الانترفيو عسي انها تفيد اى حد

انا كنت تانى واحد عمل انترفيو فى شركه فوجيتسو فى المهندسين ..تراك اوراكل داتابيز

وقابلنى المهندس ايمن وقعد معايا

بدايه ياشباب الناس دى بتشوف تصرفك من اول ماتدخل من الباب ..يعنى اسلوبك فى قفل الباب وراك

و طريقتك فى الدخول والتحيه ازاى ..يعنى تسلم عليه بكل احترام ..صباح الخير يافندم

وتقعد عادى جدا وترجع ضهرك لورا وبدون اى توتر ولا انفعال .وانا عارف ان الواحد بيبقى متوتر ساعتها ..بس حاول ميظهرش عليك ودايما تخللى ابتسامه لطيفه على

وشّك وانت بتتكلم

هيبدا يسالك عن بياناتك اللى انت كاتبها فى فورم التقديم ..ويقوللك على الدراسه بتاعتك وانت تقديرك كان ايه (ودى حاجة عاديه جدا مفيش خوف منها للى جايبين

مقبول ..هما ليهم اعتبارات تانيه برده فى التقييم )
.
ياترى مستواك فى الانجليزى عامل ايه وهل معاك اى كورسات انجليزى ؟؟؟ طيب هل ممكن تقدم نفسك بالانجليزى ..اسمك وسنك وخريج ايه قسم ايه سنه كام

والعنوان مثلا وبالنسبه للناس اللى دراستهم انجليزى ..فده يغنى عن اى كورسات ..يكفى تقولله اننا دراستى كللها كانت انجليش

بعدها هييجى يسالك على التراك بتاعك ..هل انت استخدمت التراك ده فى شغل ليك قبل كده ؟ طيب عملت ايه بيه ..واشمعنى البرنامج ده بالتحديد ..عندك مثلا

(هيقوللك على برامج تانيه بديله ...انت بقى تكون عارف قوه التراك ده فى ايه بالظبط وميزته فى شغلك ايه )

بعدها هيقوللك ..ياترى انت شايف نفسك ايه بعد خمس سنين ؟؟؟ (سينيور بروجرامر او ديفيلوبر او ويب ديزانير او نتوررك ادمنستراتور او سيستم ادمنستراتور .كويس بامر الله )

طيب ياترى لو موفقتش فى الدخول فى المنحه ...هتعمل ايه ؟؟ ...والله يافندم ..ان شاء الله هبدا دراسه التراك ده بره ..حيث اننا شايف نفسي فيه ونفسي ان

شاء الله ان ربنا يكرمنى فيه ..


طيب ..ياترى انا ممكن اقبلك ليه فى المنحه ؟؟ (دى اسئله بتبقى نفسيه بيشوف رد الفعل للشخص اللى قدامه ) ..يعنى الرد اللى رديته انا ساعتها اننا الحمد لله

شاب مجتهد وافيد نفسي و بلدى على اد ماقدر وربنا يكرمنى وابقى سينيور كويس ان شاء الله

بصراحه ده اللى انا فاكره من الانترفيو ..بس عاده مايتم التقييم على 3 مراحل

Appearance , Attitude , Technical

فياريت الكل يهتم بمظهره لاقصي درجه ..تبقى عريس من الاخر وانت رايح هناك

وياريت فى موضوع الكورسات ده بالتحديد ..انت لو قلت اننا معايا كورس كذا ..لازم تقدم مايثبت ذلك ..لان متتوقعش منه الثقه ..خللى معاك مايثبت كل كلامك ..ولو

انت اخدت كورس ومش معاك الورق بتاعه ..يفضل متذكروش من اساسه . منعا للاحراج . ولو معاك اى ملخصات انت كاتبها بايدك فى التراك او كورس ضمن التراك

..عادى خده معاك برده ...المهم قبل ماتقول انا اخدت كورس كذا ..يكون معاك مايثبت ذلك .

والكلام ياجماعه يكون ..اسلوبك مهذب جدا فى الكلام لان معظمهم لواءات فى الجيش اللى بيقوموا بموضوع الانترفيو ده ..فيستحسن الاجابه على اد السؤال بس

..وكلامك قليل بس فيه المفيد فى الاجابه ..وبلاش ياريت يحس انك مكلمنجى وبتاع تثبيت وكده ..دول ميمشيش معاهم الكلام ده خالص ..

ومافتكرش اننا اتسئلت على معلومات عامه خالص ..اينعم دى بتتسئل ..بس فى منحه ITI مش فى منحه الوزاره ..

قبل مانسي ياشباب .بعد ماتخلص معاه الانترفيو بامر الله ..لو سلم عليك ومد ايده ..اوكى سلم عليه ..لو مسلمش عليك ..فياريت تكتفى بالقاء التحيه وبدون سلام

منعا للاحراج ..وخطواتك ثابته وتقفل الباب وراك بكل هدوء ومتسالش عن طب يافندم امتى و قبلت والا لا ..بلاش ساعات بيتعصبوا لما حد بيسال اسئله زى كده .

.هيا سلام عليكم وشكرا على وقت حضرتك (دى نصيحتى )

وربنا يوفق الجميع يارب .
.


Ahmed Hamdy
  Oracle Apps DBA Team Leader

Online Trainer

Oracle DBA 11g) & (Apps DBA , SysAdmin ) R12.1,R12.2 )
http://ahmedhandal.weebly.com
btn_viewmy_160x33.png image.jpg


#122 ــHBIBAــ

ــHBIBAــ

    عضو

  • الأعضــاء
  • 2 مشاركة

تاريخ المشاركة 16 November 2007 - 11:13 PM

رااااائع يا دكتور drclick
ربنا يكرمك ويعزك يا فندم

طيب أنا مقدمه برضه DATABASE .... وبحاول أعرف معلومات الأيام دي عن الرتاك بتاعي :o ... وأستب أوراكل :o وكده يعني ... عشان أحس بشوية ثقة في نفسي :o

بس كنت عايزه أعرف في سؤال شايف نفسك فين بعد خمس سنين ... يعني إيه المجالات المتحاحة لدارس التراك ده؟؟ :rolleyes: ...
والفروق بينهم على السريع

سوري على التعب

شكراَ


تم التعديل بواسطة ــHBIBAــ, 16 November 2007 - 11:27 PM.


#123 engcool2010

engcool2010

    عضو

  • الأعضــاء
  • 2 مشاركة

تاريخ المشاركة 17 November 2007 - 02:08 PM

شكرا جدا دكتور كليك على ناصيحك الغاليه وربنا يوفقك

#124 Ahmed.Hamdy

Ahmed.Hamdy

    مشرف قسم قواعد البيانات

  • فريق الإشراف
  • 598 مشاركة
  • الاسم الأول:Ahmed
  • اسم العائلة:Hamdy
  • البـلـد: Country Flag
  • المنصب الحالي:Sr. Oracle Apps DBA

تاريخ المشاركة 17 November 2007 - 07:31 PM

رااااائع يا دكتور drclick
ربنا يكرمك ويعزك يا فندم

طيب أنا مقدمه برضه DATABASE .... وبحاول أعرف معلومات الأيام دي عن الرتاك بتاعي :o ... وأستب أوراكل :o وكده يعني ... عشان أحس بشوية ثقة في نفسي :o

بس كنت عايزه أعرف في سؤال شايف نفسك فين بعد خمس سنين ... يعني إيه المجالات المتحاحة لدارس التراك ده؟؟ :rolleyes: ...
والفروق بينهم على السريع

سوري على التعب

شكراَ


مثلا لو قاللك شايفه نفسك ايه بعد 5 سنين ..بكل بساطه وبدون تكليف ..سينيور كويسه بامر الله فى الاوراكل ..انما لو كمان 10 سنين ..يبقى سيستم اناليست
وبالنسبه للاوراكل ومعلومات عنه والفرق بينه وبين سيكويل سيرفر مثلا ..هتلاقي كتب كتير وبالعربى فى قواعد البيانات وخاصه اوراكل فى المنتدى هنا



شكرا جدا دكتور كليك على ناصيحك الغاليه وربنا يوفقك


ربنا يخلليك ..انا فى خدمه اى عضو عنده استفسار بخصوص المنحه

Ahmed Hamdy
  Oracle Apps DBA Team Leader

Online Trainer

Oracle DBA 11g) & (Apps DBA , SysAdmin ) R12.1,R12.2 )
http://ahmedhandal.weebly.com
btn_viewmy_160x33.png image.jpg


#125 Ahmed1981710

Ahmed1981710

    عضو

  • الأعضــاء
  • 4 مشاركة

تاريخ المشاركة 18 November 2007 - 07:09 PM

شكراً جزيلاً يا دكتور كلييك drclick

أنا الحمد لله نجحت في الأمتحان وداخل بإذن الله المقابلة يوم الأربعاء القادم وكونت عايز حضرتك تقولي بعض النصايح بالنسبة لأني مقدم على Web Development وأيه الأسئلة اللي ممكن يوجهوهالي مثلاً

أنا عن نفسي مختار التراك ده لأني في نهاية دورة لإحتراف برمجة السوفت وير بس الدورة دي ماكانتش مركزة قوي على الويب فأختارت المجال ده علشان أبقى مكمل نفسي من الجانبين يعني سوفت وير و ويب في نفس الوقت فهل دي نقطة في مصلحتي وأذكرها ؟ وأزاي أعرضها ؟ أنا مش عارف ليه من ساعت لما ترشحت للمقابله وأنا خايف أكتر من الأول بصراحة :rolleyes: :o

ويا ريت حضرتك تقولي برضه على حكاية السؤال اللي بعد 5 سنوات تبقى أيه لأني مش عارف تدرج الترقيات في المجال ده

وشكراً لحضرتك


#126 nemoo

nemoo

    عضو

  • الأعضــاء
  • 28 مشاركة

تاريخ المشاركة 22 November 2007 - 08:14 PM

السلام عليكم
انا كمان مقدمة wep development ونجحت الحمد لله فى الا متحان وانا مش واخدة اى دورات تانى غير icdl بس انا اخترت التراك ده بالتحديدعلشان كنت عايزة اتعلم تصميم صفحات الانترنت
يعنى كنت فاكرة ان wep developer هى هى wep designer ,
وانا الحقيقة وبكل صراحة ماعنديشاى معلوماتعن التراك ده
ايه نصايح حضرتك ليه؟ وممكن اقول ايه؟ وانا لو قلتلهم كده هايكون ده فصفى؟



لا إله إلا انت سبحانك إنى كنت من الظالمين


#127 nemoo

nemoo

    عضو

  • الأعضــاء
  • 28 مشاركة

تاريخ المشاركة 22 November 2007 - 08:41 PM

السلام عليكم
ممكن اى حد يفيدنى بأى معلومات مبسطة عن التراك ده
بش مش كتب !!!!!!!!!!!!!!! لان مفيش وقت لسه اقرى كتب
بس انا عايزة اخد فكرة عامة عن التراك ده واه اللى بيدرس فيه لأنى عملت سيرش كتير وماوصلتش لحاجة
كل اللى بيكلم عن الويب ديفيلوبر داخل فى الموضوع جد علطول من غير اى مقدمات

#128 Myheart

Myheart

    عضو

  • الأعضــاء
  • 21 مشاركة

تاريخ المشاركة 24 November 2007 - 05:51 AM

السلام عليكم
ممكن اى حد يفيدنى بأى معلومات مبسطة عن التراك ده
بش مش كتب !!!!!!!!!!!!!!! لان مفيش وقت لسه اقرى كتب
بس انا عايزة اخد فكرة عامة عن التراك ده واه اللى بيدرس فيه لأنى عملت سيرش كتير وماوصلتش لحاجة
كل اللى بيكلم عن الويب ديفيلوبر داخل فى الموضوع جد علطول من غير اى مقدمات



اولا السلام عليكم
ثانيا بالنسبة لتراك الويب يا اخت نيمو التراك دا بيدرسوا فية لغاب برمجة كتير زى html ولغات تانية زى perl و php وكمان بياخدوا جزء فوتوشوب وفلاش
دا بالنسبة لتراك الويب وبيبقوا اسمهم ويب ديفيلوبر
اما بالنسبة للناس اللى اخدت جرافيكس دول يعتبروا ويب ديزينر وكمان جرافيك ديزينر
بالنسبة لك انتى بقى لو عاوزة يعنى تعرفى الحاجات اللى هاتاخديها فى التراك وطبعا دا لازم تعرفية قبل الانتر فيو لان احيانا كتيرة جدا بيسألوكى:" انتى عارفة انتى هاتاخدى ايى فى التراك دا" لازم تكونى عارفة على الاقل 90 % من الحاجات اللى بتتدرس فى التراك فى السنتر اللى انتى هاتمتحنى فية اكيد هاتلاقة ورقة متعلقة فيها كل اللى هاتاخدية فى التراك او لو اى حد فى المنتدى معانا كان ويب فى المنحة اللى فاتت اكدي هايفيدك كتير
وكمان بياخدوا جزء داتا بيز على فكرة وشوية بقى asp ...انا عموما هاحاول اسالك على الحاجات اللى درسوها بالظبط واقولك ان شاء الله

ولو سالك مثلا عاوزة تبقى اية بعد 5 سنين ممكن تقوليلة عاوزة ابقى ويب ديفيلوبر كبيرة مثلا
او عندى شركة حاجة زى كدا
:rolleyes:
هايقولك انتى لو متقبلتيش فى المنحة دى هاتعملى اية.؟؟؟ تقوليلة"" هابدأ اخد التراك وامشى فية علشان انا نفسى ابقى ويب ديفيلوبر من زمان او نفسى ادرس التراك دا من زمان"

يعنى من الاخر حسسيهم انك عاوزة فعلا تتعلمى وتعرفى مش داخلة المنحة هزار يعنى ......وطبعا فى الانتر فيو لبس كويس جدااااااااا تبقى رايحة عروسة زى ما قالولى السنة اللى فاتت :)

لان التقييم بيبقى فية جزء على اللبس والمظهر
وثقتك بنفسك اهم حاجة طبعا
وربنا معاكى ومع الجميع
وطمنينا عليكى ..................يااااارب كلكم تنجحوا ............بجد هاتفرق معاكوا كتير اوى المنحة دى
خلوا املكم فى ربنا كبير ............واللى لية نصيب فى حاجة هايشوفها

السلام عليكم

#129 nemoo

nemoo

    عضو

  • الأعضــاء
  • 28 مشاركة

تاريخ المشاركة 24 November 2007 - 04:00 PM

السلام عليكم
شكرا جزيلا ربنا يكرمك ان شاء الله ويجازيك كل خير

#130 nemoo

nemoo

    عضو

  • الأعضــاء
  • 28 مشاركة

تاريخ المشاركة 24 November 2007 - 04:40 PM

عايزة ارفع ملف ورد للمنتدى فيه اسئلة انترفيو هايلة بس مش غارفة ارفعه ازاى ؟؟؟؟؟؟؟؟؟؟؟؟؟؟؟
كل ما اعمل حاجة يكتبلى ليس لديك الصلاحية !!!!!!!!!!
ياريت حد يكتبلى الخطوات بالظبط عشان اقدر انزله

#131 m.abdelwhhap

m.abdelwhhap

    عضو

  • الأعضــاء
  • 7 مشاركة

تاريخ المشاركة 28 November 2007 - 11:51 PM

السلام عليكم ورحمة الله وبركاته
دي أول مشاركة ليا وإن شاء الله مش هتكون الأخيرة

أنا عملت المقابلة في منحة وزارة الإتصالات ،وعايزكم تطمنوني

أنا قابلت مندوب الوزارة وكنت الحمد لله لابس اللي علي الحبل وسألني إنت خريج سنة كذا ؟ من ساعة ماتخرجت درست إيه قلت له في بي دوت نيت وسي شارب وسيكوال سيرفر ،قال لي جميل - علي فكرة انا من اسكندرية - سألني وهتسكون فين قلت له عندي سكن فقال يالا أنا نجحتك مبروك ، هل أصدقه ولا ممكن يكون كلام وخلاص علي فكرة المقابلة في تراك الأوراكل في فوجيتسو ،دكتور كليك ليك رأي في الموضوع ده؟

وبالمرة يا جماعة عندكوا فكرة النتيجة هتبان امتي؟ والدراسة امتي؟ لأني سمعت إن الدراسة إن شاء الله هتبدأ يوم 8/1/2008

أرجو الإفادة

والسلام عليكم ورحمة الله وبركاته


#132 m.abdelwhhap

m.abdelwhhap

    عضو

  • الأعضــاء
  • 7 مشاركة

تاريخ المشاركة 28 November 2007 - 11:52 PM

يا جماعة انا اللي من اسكندرية مش المندوب والجملة الاعتراضية كتبتها عشان أبين سبب سؤاله

#133 Myheart

Myheart

    عضو

  • الأعضــاء
  • 21 مشاركة

تاريخ المشاركة 29 November 2007 - 02:38 PM

ها ياجماعة مافيش اى اخبار اعتقد ان الكل عمل الانترفيو .........طمنونا عليكوا وقولولنا عملتوا اية وعملوا اية معاكوا؟

#134 nemoo

nemoo

    عضو

  • الأعضــاء
  • 28 مشاركة

تاريخ المشاركة 30 November 2007 - 01:31 PM

السلام عليكم
انا لسه ما عملتش الانتر فيو لحد دلوقت ولا حد اتصل بيه من الشركة وقالى على الميعاد
بس انا شوفت اسمى نجحت على السايت
واتصلو بزميلى وكمان اختى نجحت واتصلوا بيها وبزميلى وقالولهم الميعاد يوم الاثنين اللى جاى ..........هو مش كل اللى بيعملوا انتر فيو فيوم واحد؟؟؟؟
وانا لحد دلوقت مش عارفة موقفى ايه ؟؟؟؟؟؟؟؟؟؟؟؟؟
نفسى اخلص من الموضوع ده بقى

#135 mohamed787

mohamed787

    عضو

  • الأعضــاء
  • 5 مشاركة
  • الاسم الأول:mohamed
  • اسم العائلة:ahmed
  • البـلـد: Country Flag

تاريخ المشاركة 01 December 2007 - 03:07 AM

السلام عليكم
انا لسه ما عملتش الانتر فيو لحد دلوقت ولا حد اتصل بيه من الشركة وقالى على الميعاد
بس انا شوفت اسمى نجحت على السايت
واتصلو بزميلى وكمان اختى نجحت واتصلوا بيها وبزميلى وقالولهم الميعاد يوم الاثنين اللى جاى ..........هو مش كل اللى بيعملوا انتر فيو فيوم واحد؟؟؟؟
وانا لحد دلوقت مش عارفة موقفى ايه ؟؟؟؟؟؟؟؟؟؟؟؟؟
نفسى اخلص من الموضوع ده بقى


لازم تتصلى بالمركز او تروحى المركز لتعرف ميعاد الانترفيو

لازم تتصلى بالمركز او تروحى المركز لتعرف ميعاد الانترفيو

تم التعديل بواسطة mohamed787, 01 December 2007 - 03:08 AM.