إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

سؤال للشركات العامله باوركال؟؟؟؟؟؟؟؟؟؟


13 رد (ردود) على هذا الموضوع

#1 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 29 July 2008 - 12:53 AM

سؤال بسيط



انا لسه طالب في كليه التجاره واخت كورس اوركال من مده والحمد لله مستواي فيه كويس كمان درست قبل كده فيجوال بيزيك ولسه ناقصلي سنه واخلص الجامعه
وعندى 19 سنه وكنت بدور علي شغل في مجال الاوركال بس الشركات بتطلب خريجين مع العلم انى في الدراسه متفرغ



اعمل ايه وهوه انا غلطان انى بدأت اوركال وانا في سن صغير



ارجو الرد

#2 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 29 July 2008 - 08:17 PM

بليز يا جماعه كنت عاوز راي الخبراء

#3 mohooo81

mohooo81

    عضو نشط

  • الأعضــاء
  • 214 مشاركة
  • البـلـد: Country Flag

تاريخ المشاركة 29 July 2008 - 10:02 PM

لا انتة مش غلطان ولا حاجة بس المشكلة اللى بتواجهة كل واحد هية الخبرة يعنى خبرة كام سنة ؟؟فى ناس خدت الكورس من سنتين او تلاتة ولسة مشتغلوش لحد دلوقتى ومخلصين ومش لاقيين شغل ؟؟ نصيحة انتة سنك صغير خدت اى حاجة جنب الاوراكل واعتبر الاوراكل دة هواية ولما تلاقى حاجة من الاتنين امشى فيها ....
مالا يدرك كلة لا يترك كلة

#4 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 30 July 2008 - 01:06 AM

اختلف معاك في الرأي


ازاي اخد حاجه تانى جنب الاوركال انا اصلا مش ملاحق عليه


وشكرا علي الرد...................

#5 MixOughT

MixOughT

    عضو

  • الأعضــاء
  • 4 مشاركة

تاريخ المشاركة 30 July 2008 - 03:30 AM

انا لو منك اتمرس فى اى شركة بنص دوام فى سبيل الحصول على الخبرة

#6 mohooo81

mohooo81

    عضو نشط

  • الأعضــاء
  • 214 مشاركة
  • البـلـد: Country Flag

تاريخ المشاركة 30 July 2008 - 04:47 AM

انا لو منك اتمرس فى اى شركة بنص دوام فى سبيل الحصول على الخبرة

هههههههههههههههههه منين يا مان هوا فية شركات بتعمل كدة
انا مخلص من 4 شهور ودوخت على شركات وقلتلهم انا مستعد اشتغل ببلاش لمدة 6 شهور بدون مقابل وقالولى لا بردة ...
مالا يدرك كلة لا يترك كلة

#7 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 30 July 2008 - 11:38 PM

هههههههههههههههههه منين يا مان هوا فية شركات بتعمل كدة
انا مخلص من 4 شهور ودوخت على شركات وقلتلهم انا مستعد اشتغل ببلاش لمدة 6 شهور بدون مقابل وقالولى لا بردة ...



الله يكرمك بلاش احبااااااااااااااااااااااااااااااااااااااااااط



وياريت حدمن الخبراء او مشرفي الموقع يرد عليا بليز..................

#8 emad

emad

    عضو

  • الأعضــاء
  • 8 مشاركة

تاريخ المشاركة 31 July 2008 - 10:11 AM

اخى الفاضل كمل مشوارك وتابع معنا فى المنتدى لان امثالك همه الى هاينهضوابمصر واحييك على عزيمتك دى وإن شاء الله هاتلاقى الى بتتمناه بس دايما تذكر الله ودائما استغفر الله وبالتوفيق

#9 ezzmorsy

ezzmorsy

    عضو

  • الأعضــاء
  • 38 مشاركة

تاريخ المشاركة 31 July 2008 - 10:38 AM

والله انا أرى غير ذلك لان بعد مشيئة الله طبعا فيه شغل --- بس الموضوع ليه ابعاد أخرى وليس أخذ الكورس
مثلا :- حضرتك عملت مشروع وخدمته كويس بعد الكورس وأنهيته ورفعته على cd وكان معاك فى ال cv بتاعك ولا بتقول ان انت انهيت الكورس وخلاص ما هو محدش هيرضه يشغلك على الاقل مش تشغل مكتب وجهاز وخلاص
2- دايما وانت بتقدم ال cv بتاعتك فاهم كويس ال bussiness rule الخاصة بموضوع المشروع بتاعك اللى انت عارف تعمل له presentation كويس
3- عمر ما اى حد اتولد experience كل الناس بدأت beginer or junior لكن كان عندها شوية صبر --- انما المبرمجين دلوقتى مش مستحملين حاجة
لو مكان الشغل احتاج منهم متلاقيش صبر تارة ومتلاقيش احتمال تارة ومتلاقيش اصرار من المبرمج انه عايز يصبح عنده خبرة تارة
4- الوقت والظروف والناحية الاقتصادية مش زى زمان --- يعنى لازم نستحمل شوية لحد لما نصبح ذو خبرة
5- وانت بتقدم ال cv بتاعتك اجعل صاحب العمل يشعر ان انت هتخدمه بجد وهتشتغل معاه زى ما هو عايز واستحمل مرمطة سنة واحدة بعدها كلامك وانت بتعمل interview هيكون اتغير ساعتها املك هيكون كبر وبجد هتكون خبرة وهتقول انا عاوز اشتغل ب 6و7و8و9 الاف جنيه
6- آخر حاجة والمفروض كنت ابدأ بيها بس حبيت ابدأ بالكلام اللى الزميل عاوزه هى ان احنا المفروض نؤمن بقرآن ربنا اكتر ودائما نتذكر الاية "..... فقلت استغفروا ربكم انه كان غفارا - يرسل السماء عليكم مدرارا - ويمددكم بأموال وبنين ......"
نسألكم الدعاء
sis.egypt@yahoo.com
ezzmorsy@yahoo.com

#10 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 31 July 2008 - 11:42 PM

الف شكر علي ردكم جميعا

وبالنسبه لكلام الاستاذ ezzmorsy فانا خلصت الكورس من حوالي 6 شهور بس عشان ظروف الدراسه معملتش مشروع لسه بس ان شاء الله هعمل مشروع قبل الاجازه ما تخلص بس علي فكره مشروع الاوركال بيأخد وقت طويل وماينفعش حد واحد يقوم بيه ....صح ولا ايه
كمان ازاي اعمل مشروع كامل وانا لسه junior




وشكرا................................................

#11 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 02 August 2008 - 01:13 AM

ممكن راي احد المشرفين علي الموقع في الموضوع ده

#12 mido_develper

mido_develper

    عضو نشط

  • الأعضــاء
  • 236 مشاركة

تاريخ المشاركة 03 August 2008 - 01:47 AM

ممكن حد من الاساتذه يقولي اعمل ايه وياريت حدمن المشرفين يرد عليا عشان انا محتار بجد

#13 alaaxp

alaaxp

    عضو

  • الأعضــاء
  • 2 مشاركة

تاريخ المشاركة 03 August 2008 - 03:22 PM

بسم الله الرحمن الرحيم
جزاكم الله خيرا صدقونى يا اخونا انا عندى نفس المشكلة وانا على فكرة عندى صبر وان شاء الله ربنا هيكرم كل مجتهد
بس ممكن طلب صغير لو فى شركات طلبه ديفولبير جونيور ياريت تعلنوا عنها ولكم جزيل الشكر او تبعتوها لخوا نكم
ولكم جزيل الشكر alaaxp2004@hotmail.com



#14 weloooo

weloooo

    مشرف

  • فريق الإشراف
  • 249 مشاركة
  • البـلـد: Country Flag

تاريخ المشاركة 03 August 2008 - 04:31 PM

السلام عليكم.

أي شركه همها الأول والأخير هو طبعاً مصلحتها وأنها تتقدم في عملها. وهناك إعتبارات لأي شركه عند النظر في موضوع تعيين دفيلوبر جديد منها:
1- ما هي الإمكانيات التي يجب أن تتوفر في الدفيلوبر وذلك حسب طبيعة إحتياجات الشركه (نسبه وتناسب).
2- كم المبلغ التي سوف تحدده الشركه للدفيلوبر الجديد.(لو زادت خبرته هايزيد راتبه)
3- هل الإمكانيات التي تطلبها الشركه موجوده بكثره أم بنسبه قليله.
4- الكثير من السمات الشخصيه للدفيلوبر منها طبعاً حسن أخلاقه وقدرته على التقدم في العمل.

وغير ذلك من الإعتبارت . كل هذه الإعتبارات يتم النظر لها كلها على بعضها حتى يتحدد الشكل النهائي لعملية الإختيار.

طيب إحنا نعمل إيه؟

صعب جداً إنك تعرف كل الشركات عاوزه إيه ولكن هناك قواعد أساسيه وهي.
1- الله هو من يرزق وهو بيده كل شييء. دايماً إدعو الله أن يوفقك.
2- لابد وأن تكون متميز سواء بخبره إيجابيه أو بدون خبره ولكن أن تكون فاهم كويس جداً (أي يعتمد عليك).
3- بعض الشركات لا تطلب خبره كبيره (مش هاتدفع كتير) وبعض الشركات لا يهمها الخبره (هاتدفع أقل) ولكن عليك أن تكون فاهم جداً وذلك من خلال الإطلاع المستمر وتزويد نفسك بأقصى قدر مستطاع من المعلومات ولا تتوقف حتى ولو لم تأتي الفرصه آجلاً. والحمد لله المنتدى يوفر بيئه ممتازه حتى لا تنسي وكذلك لتزويد نفسك بالمعلومات العمليه .
4- لا تضع أمام عينك أن تعمل بدون أجر في شركه لتأخذ خبره ولكن ضع أمام عينك (أنا هاشتغل بأجر لإن الشركه سوف تستفيد من قدراتي) وطور نفسك على أساس هذه الفكره.
5- خليك دايماً جاهز وأوعى اليأس. أما موضوع إنك تخلص وتقعد 3 سنين بدون شغل في حين في ناس بتشتغل بعد ما تخلص بفتره قليله (طبعاً بتوفيق الله عز وجل) يبقى دي مشكلتك مش مشكلة الشركات وحاول أن تجد العيوب التي بك وأهمها هو أنني لست مؤهلاً مثل باقي زملائي للعمل. يعني من الآخر مش شرط الخبره أكتر منها الكفاءه. وبعدين حاول أن تجد المصادر إللي ممكن تاخد منها خبره سواء مشاريع أو كتب أو مشاكل وحلول أو تجارب شخصيه منك والنت مليء بمثل هذه المصادر. بس ياريت تحاول أن تجد مشروع جماعي (جاد ) لأنه فعلاً له جدوى كبيره ولو لم تجد ممكن أن تلجأ لأحد معارفك ويكون صاحب أي مؤسسه سواء كبيره أو صغيره وأن تعرض عليه موضوع أنك تريد أن تستثمر علمك في عمل مشروع لمؤسسته وذلك لأخذ الخبره. سواء وحدك أو مع مجموعه هايكون فايده كبيره.
6- خطط صح وحاول أن تحدد الخطوات الإيجابيه التي تفيدك. كن عملي في تفكيرك ولا تتوقف وخلي أملك بالله كبير مع العمل الجاد.
7- ذاكر ولا تمل أو تكل. إعمل مشروع ولو بسيط بس يكون عملي (تجاري مثلاً) إتميز والعمليه مش عملية (ذكاء وقدرات فرديه) أكثر منها مثابره وجهد متواصل وأمل في الله.

وربنا يوفقنا ويوفقكم جميعاً....

أحمد يحيى


Oracle Apps Senior Technical Consultant