ايه افضل المراكز لدراسة اوراكل

[hmadacompaq]

بسم الله الرحمن الرحيم

انا بقالى سنه مع الاوراكل طبعا انا خدت فى الاول كورس اى كلام ب 1000 جنيه واعتمدت بعد كدا على الاسطوانات وعلى الموقع بس الحقيقه كنت بكسل لان مافيش حافز بس دلوقتى قررت عشان عاوز اشتغل اريح نفسى واخد الكورس بس المره دى بجد فا عاوز حد من الناس الجامده فى المنتدى يرشحلى مكان كويس بحيث انى لما اخلص الكورس وطبعا هاكون بجتهد مع الكورس عشان انا هابقى دافع فلوس كتيره فلازم اهتم طبعا فا عاوز حد يرشحلى مكان جامد هل

نيو هورايزون ولا يات ولا ايماك ولا ايه وانا الحمد لله معايا سيوله فياريت لو حد يقولى ولو يعررف السعر يقول كمان واكون شاكر جدا

وانا سؤالى عن اديفيلوبر واهم حاجه ان سمعت ان التولز هاتتغير بتاعة الديفيوبر والجافا هاتحل محلها فياريت حد يدلنى اخد السيكول والبى ال وبعد كدا الjdeveloper

ولا ايه بالظبط لان زى ما انتو عارفين المراكز دى غاليه فحرام اخد حاجه وبعد كد تتلغى

وشكرا

تم تعديل 13 أغسطس 2008 بواسطة hmadacompaq

[hmadacompaq]

وكنت عاوز اعرف هى ايه تخصصات الاوراكل غير الديفيلوبر والادمن انا طبعا بسأل عن الديفيلوبر بس كنت عاوز اعرف ايه باقى التخصصات وهل فعلا لازم عشان ادخل فى اى تخصص من تخصصات الاوراكل الجامده لازم ابتدى بالدييفيلوبر سؤالى هذا بسبب ان لما بدخل على موقاع توظيف للامارات وكدا بلاقيهم عاوزين ناس اوراكل بس اقسام غريبه قوى عمرى ماسمعت عنها فا كنت عاوز اعرف حب استطلاع

[hmadacompaq]

ياريت حد يرد عليا

[hmadacompaq]

انا بجد محتاج حد يساعدنى

[mohamed_abdelsalam]

بص يا سيدى مش مهم تدرس فين المهم يكون عندك النية انك تدرس بجد المرة دي و يفضل انك تبدىء تدور على شغل من دلوقت لانك بالفعل واخد الحاجات دى بس هتراجع عليها وكل الاماكن اللي انت ناوي تاخد فيها كويسة بس فيه عوامل كتييييير غير المكان منها المدرس والطالب وانت و رزقك بالنسبة للمدرس اما بالنسبة للطالب فعليه 60%
اما بالنسبة لموضوع التخصصات ممكن تكون بتقرأ في المواقع عن الاوراكل فينانشيال وده برنامج محاسبي ضخم من انتاج شركة اوراكل هو صحيح مش محتاج انك تكون developer انما محتاج انك تكون عارف محاسبة بالقدر الكافي

تم تعديل 15 أغسطس 2008 بواسطة mohamed_abdelsalam

[hmadacompaq]

الف شكر ياباشا

[mohamed_abdelsalam]

تحت امرك كلنا هنا لمساعدة بعض

[foxman80]

سب ياسيدى انا درست فى مكان كويس وشايف انه بصراحة ممتاز من ناحية الاجهزة والمدرسين لانه فى ناس من اوركل ايجبت كانوا بيدرسولى والمكان ده هو معهد القوات المسحة فى مدينة نصر وسعره معقول اوى
وربنا يوفقك يارب