لو عرض عليك تشتغل Implementor توافق ، و ليه ؟

[GOALONE]

لو عرض عليك تشتغل implementor توافق وليه ؟


مع العلم انك خريج هنسة حاسبات

[Essamshabeeb]

هناك العديد من العوامل التى تحدد الرد منها
هل انت على رأس عمل حاليا او لا ؟

هل لديك خبرات سابقة ام لا ؟
فاكتساب الخبرة هو المكسب الاول من أى عمل سواء خبرة أجواء العمل باعتبار ان هذا هو العمل الاول لك

ماهى فرص الترقى فى الشركة ؟

هل هذه الوظيفة سوف تزيد من معلوماتك أم لا ؟

بمعنى هل ستعمل على الاصدارات الاحدث أم ستعمل على اصدارات عفا عليها الزمان وسوف تؤدى الى تقامك تكنولوجيا

واخيرا الراتب هل هو مجزى أم لا وانصحك ان تتمهل فى القبول اذا كانت البيئة التكنولوجية متقادمة

مع دعواتى بالتوفيق ان شاء الله

[Essamshabeeb]

تقادمك تكنولوجيا

[GOALONE]

انا محتاج اعرف هيه وظيفه ملائمه لخريجي هندسه أو طبيعة الشغل الخاص بيها مع العلم اني لسه في بداياتي والمرتب تقريبا 1000 جنيه والشغل من الساعه 9 الى الساعه 6 وهمضي عقد كمان في حالة الموافقه بس فيه واحد صاحبي ديفولوبر قالي حرام عليك لو قبلت يبقه بدمر نفسك لأن ممكن أي شخص مش خريج هندسه يشتغل فيها ؟

انا مش عارف اعمل ايه ؟

[Essamshabeeb]

طبعا المشكلة الحقيقية عندك هى الخبرة التعامل مع الناس لوحده عايز خبرة علشان تبقى عارف اصناف الناس اللى حواليك وتتعامل ماهم ازاى وتتعلم ازاى تتجنب اساءة السيئين وازاى تتصدى لمحاولات الحاقدين و ازاى تقرب نفسك من الكويسين كل ده مش هتعرفه الا من خلال الدخول فى دوامة الشغل ... وده اول مكسب هكسبه أما المكسب التانى فهو حالتك النفسية التى ستكون احسم مما لو كنت لا تعمل .
وبالطبع مش هتفضل طول عمرك تتعلم ازاى تعامل الناس وبس لكن لازم العمل يرضى طموحاتك يعنى الوظيفة ده مش نهايتك دى بدايتك .
وبالتالى العقد لازم يعطيك الحق فى الاستقالة فى اى وقت وحيث انه لا ضرر ولا ضرار فمن المقبول انك تعطى الشركة مهلة يجيبوا غيرك ولتكن شهر مثلا .
كمان لازم تحدد هل العمل يناسب الكورسات اللى انت واخدها ولا لأ يعنى تكون واخد كورسات ادمين وديفيلوبر و شبكات وتشتغل وظيفة أقل من ده لأ ! لكن إقبل ما لم تكن لديك فرصة اخرى واستمر فى البحث عن عمل مناسب أكتر
أما عن أهم الخطوات فلا تنسى الدعاء والاستخارة و خلى اهلك وصحابك يدعوا لك ولا سيما الوالدة والوالد
واذا اتخذت قرار بالرفض فلا تجلس مكتوف الايدى ولكن تعلم حاجات جديدة واذا كنت ناوى على الاوراكل فمن المهم الفاينانشيال فهو سيدعم موقفك فى اى مكان

[GOALONE]

شكرا جزيلا أخي بس انا اخذت كورس اوراكل ديفولوبر من سنه ونصف والشركه اللي انا هشتغل فيها بتشتغل باور بيلدر وشغلها كله مع المستشفيات فانا فهمت ان طبيعة شغلي هتكون في مرحلة التنفيذ بمعنى هاخد البرنامج وانزل بيه واشغل عند العميل على الأجهزه واظبطه ليه واعلمه كيفية استخدامه متهيألي كده مليش دعوه بالكود و لا بالبرمجه خالص .

متفق معايا و لا لاء ؟

[Essamshabeeb]

يبقى كده زى ما قولتلك اعتبرها مؤقتة مجرد ان تبحث عن وظيفة وانت بتشتغل فى وظيفة تانية بيعطيك قوة فى التفاوض على الوظيفة الجديدة لأن اللى بيعمل المقابلة هيحاول انه ياخدك باقل سعر واذا كنت لا تعمل او معندكش خبرة بيكون موقفك التفاوضى ضعيف وتخللى اللى قدامك يلعب بيك لكن اذا كنت بتشغل بيكون تعامله معاك حذر شوية لانه عارف ان مفيش حاجة تجبرك على قبول مالا ترضى
مع دعواتى لك بالتوفيق

[mustafagamiel]

فعلا كلام الاخ عصام إلى حد كبير للتمام فصعب أن تجد ماتريد ولكن لاتجعلها هي النهاية فعليك بالبحث عن المراد
وجميل جدا موضوع الدعاء وربنا يكرمك ويكرم الجميع

[omar-alreyati]

ما هو implementor ؟؟؟؟؟؟؟؟؟؟؟؟؟؟

[omar_alatawneh]

Implementor هو من يقوم بشرع البرنامح للend users و يعده للشركة المشترية,
الاخ GOELONE انصحك بالعمل IMMPLEMENTOR اذا كان النظام عالمي مثل S.A.P او Oracle E-business Suite او Microsft AX او غيره