إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

ضحية لنفسى أم للأوراكل


24 رد (ردود) على هذا الموضوع

#1 rh_kamel

rh_kamel

    عضو

  • الأعضــاء
  • 27 مشاركة

تاريخ المشاركة 27 October 2004 - 11:53 AM

أنا رأفت حسنى كامل من مصر
فى سنة 1999 تخرجت من كلية التجارة وكل تفكيرى كان منصب على الكمبيوتر ولغات البرمجة . تعلمت بعض لغات البرمجة ذى الفيجوال بيسك والسى ودخلت شوية فى تصميم المواقع . المهم ماطولش عليكم (قولولى ولا يهمك طول)ذهبت إلى العاصمة القاهرة وقلت ياواد يا رأفت أنت لازم تاخد شهادة محترمة فى الكمبيوتر (يعنى كورس)علشان تتفتح ليك أبواب الشغل والفلوس تجرى فى أيدك المهم أتعرفت على بعض الأخوة الزملاء الذين كانوا فى نفس المود بتاعى (يعنى ليهم نفس التفكير ونفس الطموح) ودول كانوا خريجى كليات هندسة وحاسب آلى ومن القاهرة يعنى أنا بالنسبه ليهم واحد جاى من جنوب مصر (الصعيد) ومجيش جنبهم حاجة المهم عرفت منهم أيه هو الأوراكل ويا سلام على مرتبات اللى شغالين فيه وقالولى أنك لو تعلمت الأوراكل الشركات سوف تتهافت عليك ويطلوبوك للعمل لديهم بمرتبات خيالية . سألت طيب والأوراكل ده بيدرس فين علشان أروح أخدوا قالولى بص يا عم رأفت دورات الأوراكل غالية جداً بس أحنا هانروح مكان رخيص شوية (نقابة التطبيقين بالعاباسية) فى القاهرة ورحت معاهم ودرست الأوراكل 7 والديفيلوبر2000 وكانت الرسوم حوالى 3000 جنية (وربنا وحده هو اللى يعلم أنا دبرت هذا المبلغ إذاى) والكتب كانت تعبانة . المهم أنا بقى قلت خلاص كدة والله يا واد يا رأفت وهاتنفتح قدامك طاقة القدر وعروض الشغل هاتنزل ترخ عليا ومش هاعرف آلاحق عليها ( طبعاَ أكيد بتقولوا ده أنت كنت ساذج سذاجة ملاهاش حد) المهم عملت سى فى ورحت لشركات كتير بس كانت المفاجئة أن اللى عايز يشتغل فى الأوراكل يكون واخد الكورسات فى أوراكل إجيبت مش فى نقابة التطبيقين اللى محدش رضى يعترف بها . طيب والحل آيه يعنى 3000 جنية راحو عليا ولا أية . روحت سألت طيب فين أوراكل إجيبت دى قالولى دى فى روكسى فى مبنى سيدار .ماشى روحت هذا المبنى ودخلته طبعاً أتوهمت من الأستايل والموظفين والموظفات طبعاً . دخلت على الموظفة بتاعة الأستقبال وسألتها أنا بسأل عن كورسات الأوراكل وأسعارها هنا ليقتها بتبصلى من فوق لتحت وشكلى كدة والله أعلم أنها مستنطفتنيش يعنى شكلى معجبهاش وردت عليا ببرود وقالتلى أنت عارف كورسات الأوراكل بكام رديت وقلت ما أنا هنا علشان بسأل هذا السؤال . المهم راحت واخده شوية ورق من المكتب وأعطيتهم لى وأخذتهم ونزلت المهم حسبت الحسبة علشان كانت الأسعار بالدولار فلقيت كورس الأوراكل هايكلف 10000 جنية مصرى والكلام ده كان فى سنه 2001 .
يعنى الحكاية اللى فاتت دى كانت بالظبت من 2000/2001 .
إلى هنا وصلت لمرحلة من اليأس ولكننى كنت مثل الشخص الذى يقامر فقد خسرت 3000 جنية الأولى وعشان أعوضهم لازم أدفع 10000 جنية يمكن البليه تلعب معايا وأحقق كل أحلامى .
طيب مفيش قدامى غير الورث بتاعى اللى ورثته من المرحوم والدى وكان عبارة عن مبلغ 12000 جنية فأخذت القرار بمفردى وهو أن أتابع وراء الأوراكل . فأخذت الكورسات فى بارتنر أسمة
ليج تكنولوجى فى مدينة نصر بالقاهرة وكان الكورس عبارة عن خمس مستويات oracle 8i
* Introduction to SQL & PL/SQL
* Program Unites
* Forms I
* Forms II
* Reports
المهم دفعت الفلوس وأخذت الكورسات وأمتحنت أول أمتحان فى شهادة OCP ونجحت يعنى كدة باقى لى 3 أمتحانات والفلوس خلصت منى المهم أخذت فترة من الوقت أبحث عن عمل بالأوراكل بالشهادات الجديدة التى صرفت عليها كل ما أملك فى دنياى دون جدوى ولم أحصل على فرصة عمل وبدأ الحال يتدهور بى فرجعت إلى بلدتى فى الصعيد وعشت فى يأس بالغ حتى تم تعينى فى وظيفة حكومية (موظف) براتب لا يكفى حتى أقل الأحتياجات وأندمجت فى الحياة وتزوجت والآن لدى طفله أحمد الله عليها ولم يبقى لى من الأوراكل إلاا الشهادات وكتب أوراكل ينفرستى وبعض الكتب الأخرى التى أقرأها بأستمرار وهذا المنتدى العظيم الذى يعتبر صديقى الوحيد الذى يعرف الأوراكل فى بلدتى التى تبعد عن العاصمة بحوالى 600 كيلو متر . ولم يتبقى لى أيضا إلا أحلامى وطموحاتي التى تبددت وأصبحت سراب . فأنا الأن حتى لا أمتلك جهاز حاسب لأطبق ما قرأته فى الكتب والمنتدى . بل يصبح ما أقرأه فى داخلى ربما يأتى اليوم الذى أستطيع أن أسترجع نفسى فأنا أعتبر نفسى ضحية للأوراكل .وضحية لأفكارى وطموحاتى .

ملحوظة : أنى أعرض عليكم هذه القصة ليس بهدف الاستعطاف أو طلب المساعدة لا بل من أجل كل شخص يريد أن يأخذ قرار مصيرى فى حياته لا ينجرف وراء الأحلام بل يكون واقعى ويفكر بحرص حتى لا يصبح شخص يعيش على هامش الحياة مثلى .
رأفت حسنى كامل
مصر
عاشر من الناس كبار العقول
وجانب الجهال أهل الفضول
وأشرب نقيع السم من عاقل
وأسكب على الأرض دواء الجهول

rh_kamel@hotmail.com

#2 ابو صالح

ابو صالح

    مشرف سابق وعضو مميز

  • المجموعة الماسية
  • 1,253 مشاركة
  • البـلـد: Country Flag
  • المنصب الحالي:(رحمه الله)

تاريخ المشاركة 27 October 2004 - 01:54 PM

شوف ياعم رأفت ،، انا ارى انك اخطأت في اتخاذ قرارك لهذا الهدف ،، فانت لم تتجه لاوركل الا بسبب الوظيفة ... وغايتك لم تكون اوراكل بل كانت الراتب ،،، وهذا اللذي وصل بك الى حالة الاحباط ،،، ونسيت ان كل ذلك توفيق اولاً واخراً من الله ونحن مطالبين بالاخذ بالاسباب والتوكل على الله ،،

لي احد من الاصدقاء حاصل على MCSE و CCNP ،،، عندما بدأ حياته الوظيفية بدأ براتب يزيد بقليل عن رواتب عمال النظافه في نفس الشركة التى يعمل بها ،،، لاكن مع ذلك لم يتوقف حبه لتخصص الشبكات بل استمر بها وحصل على شهادات اخرى ايظاً ،،، وبعد ثلاث سنوات جاءه عرض مغري جدا من احد الشركات .... ليس ذلك فقط ،، بل كان في بدايه الامر متردد ،،، مماجعل الشركة ترفع الراتب اللذي اعطوه ثلاث مرات حتى يوافق ،،


هل لاحظت الفرق بين الحالتين ،،،

<span style='font-size:11pt;line-height:100%'>
زكاة العلم نشرة

Oracle Certifed Expert, OCE RAC
Oracle Certified Professional OCP 9i,10g
ITIL v3

</span>


#3 amr612

amr612

    عضو

  • الأعضــاء
  • 11 مشاركة

تاريخ المشاركة 27 October 2004 - 02:12 PM

اعذرني صديقي ان سألتك هذا السؤال
ما هو مستواك الحقيقي والمتخصص فيه في منتجات أوراكل ؟
واعلم علي قدر مستواك في منتجات الاوراكل بذات تحصل علي عمل
منتجات أوراكل غير معظم الشركات الاخري لاتعرف غير لونيين فقط أبيض يا أسود

واعتقد الخطأ ليس كله منك
ولكن الكمبيوتر مرتبط اشد الارتباط
بالمجتمع وثقافته واحتياجاته وطبعاً احتياجاته علي
حد تقدم المجتمع ووضعه الاقتصادي
فانت لست الوحيد في هذه المشكلة
واعتقد ان لها اكثر من حل فكر

#4 rh_kamel

rh_kamel

    عضو

  • الأعضــاء
  • 27 مشاركة

تاريخ المشاركة 27 October 2004 - 02:58 PM

صديقى العزيز أبو صالح
أنا مثل أى شاب يطمع فى مستقبل كويس بعمل شريف يدر عليه دخل مناسب له ولآولاده المشكله أننى مش لاقى الفرصة أنا مستعد أعمل بربع راتب أى مبرمج أوراكل لكن فى مصر الفرصة ضئيله أو معدومة يتحكم فى سوق العمل الوسطى والمعارف وبالمعنى المصرى (الكوسه) . يعنى يا عم أبو صالح أنا مش مادى والله مش مادى أنا بطمع فى فرصة كويسة بأى راتب
رأفت حسنى كامل
مصر
عاشر من الناس كبار العقول
وجانب الجهال أهل الفضول
وأشرب نقيع السم من عاقل
وأسكب على الأرض دواء الجهول

rh_kamel@hotmail.com

#5 Osama Soliman

Osama Soliman

    مشرف سابق وعضو مميز

  • المجموعة الماسية
  • 1,611 مشاركة
  • الاسم الأول:Osama
  • اسم العائلة:Soliman
  • البـلـد: Country Flag
  • المنصب الحالي:Oracle Technical Consultant - Asfour Crystal International

تاريخ المشاركة 27 October 2004 - 03:10 PM

السيد / رأفت
ليست اكتب هذه الرد لنتافش فى من هو السبب ولكنى ارد لارفع الظلم الذى ظلمه الاستاذ / رأفت لنقابة التطبيقيين بالعباسية فانى شخصاُ اعرف اكثر من 3 اشخاص (فى حدود معرفتى) درسوا فى التطبقيين وهم الان مطورين متميزين فى الاروكل و2 منهم الان فى خارج مصر.
اى وجدوا فرص عمل ليس فى مصر فحسب بل خارجها


ووفقك الله يا استاذ رأفت لما يحبه ويرضه

وقل رب زدنى علماً
Osama M. Soliman
Oracle Certified Professional
Oracle Technical Consultant

 Asfour Crystal International
Cairo - Egypt
Osama.Soliman@hotmail.com
Osama.Soliman@asfourcystal.com


#6 S_Qaid

S_Qaid

    عضو

  • الأعضــاء
  • 1 مشاركة

تاريخ المشاركة 27 October 2004 - 10:05 PM

السيد / رافت
اشكرك على صراحتك جدا ولكن الياس الذي وصلته اليه هو المشكلة الحقيقية فلكل مجتهد نصيبا ولو اننا الياس داهم حياتنا فلنستطيع الاستمرار في الحياه ولكني اقول لك واصل المشوار ولكن لاتبني لنفسك احلام اكبر من الواقع .

#7 mahmoud_salah30

mahmoud_salah30

    عضو

  • الأعضــاء
  • 40 مشاركة

تاريخ المشاركة 27 October 2004 - 10:45 PM

ليه بس كده ياعم رافت
ده
انت خليت معنوياتنا في الحضيض وبعدين احمد ربنا ياخي عالاقل انت ماشفتش ال 9i
ولا 10g
اخوك

#8 haitham_ezzt

haitham_ezzt

    عضو نشط

  • الأعضــاء
  • 214 مشاركة

تاريخ المشاركة 28 October 2004 - 12:11 AM

بسم الله والحمد لله والصلاة والسلام على رسول الله صلى الله عليه وعلى آله ومن والاه
أيها الأحبة فى الله السلام عليكم ورحمة الله وبركاته..........ثم أما بعد
الأخ الحبيب.....
والله أجد نموذج حياتى سيناريو يتكرر
لانى تخرجت من كلية التجاره
وانا من المصريين القاطنين خارج القاهره
وأبى يقترض والله يقترض لكى يشترى لى جهاز كمبيوتر ولكى أحصل على كورس بثمن زهيد بالنسبه لثمن الكورسات فى جميع الانحاء .....
ولكن كن على يقين أن العمل والرزق هذا مكتوب ومكفول من عند الله
الذى فعلته من سعى ليس خطأ......................................
لقد أخذت بأقوى الاسباب ولكنها إرادة الله........... ولا أقول هذا انك لن تعمل مطورا بالأوراكل ولكن لم يأنِ وقته وكن على يقين أن ما يأتى به الله هو الخير
وقد قال الرسول الكريم صلى الله عليه وسلم فى حديث ما معناه "لو أطلعتم على الغيب لرضيتم بالواقع".
فكن راضِ بما قسمه الله لك واسعى وادعِ الله لان الدعاء كما قال الحبيب المصطفى صلى اله عليه وسلم "الدعاء مخ العباده"
وأسأل الله الكريم رب العرش العظيم أن يجعلنا واياكم من الفائزين فى الدنيا والآخره

وأحب أن نتواصل مع بعضنا البعض عبر الهوتميل والياهو وهذه هى عناوينى
haitham_ezt@hotmail.com
haitham_ezzt@yahoo.com

والسلام عليكم ورحمة الله وبركاته

صورة


#9 trust_words

trust_words

    عضو مميز

  • الأعضــاء
  • 730 مشاركة

تاريخ المشاركة 28 October 2004 - 01:46 AM

السلام عليكم ورحمة الله
الكلام درامي جدا وفيه شيء من الواقع...ولكن فيه الكثير من العبر...وبسم الله نقول:
إن الرزق امر موكول على الله أولا ,ثم وبامر من الله أيضا ..على جهد الانسان ثانيا
"وفي السماء رزقكم وما توعدون...واسعى ياعبدي اسعى معاك"...هذه عقيدة يجب ان لا ننساها
*مسالة الاختيار والقرار...والالتزام :
على كل مرء منا أن يحسن اختيار ما يرغب بالاستمرار به وفقا لقدرته ..ورغبته.. وامكانيات استمراره في الرغبة التي يختار, ثم يتخذ قرارا بما يختاره..ويترتب على هذا القرار...التزام ذاتي نحوه ,بالجهد والتخطيط وبذل الوقت ...وليس فقط الدراسة بل ان نعرف كيف ندرس؟ وماذا ندرس؟ ولماذا ندرس؟

هناك قاعدة يجب ان نؤمن بها: "المتميز دائما يفرض نفسه" ,يعني مهما كسد سوق الاوراكلجيه وكثر متعلموها, المتميزين منهم سينالون الحظ الاوفر من التوفيق في هذا المجال ....
الغايات متعددة ومتنوعة وفي نظري كلها مشرووعة...واعتقد القول انني ادرس الاوراكل من اجل الاوراكل ..وهياما بها..نوع من الهرطقة والكلام غير المجدي نفعا الخوض في صحته من عدمها, الاغراض المادية مشرووعة تماما,كما الاغراض التي تنوي استعمال الاوراكل لما يفيد المحيط او البيئة..وما فيه خير المسلمين اجمالا ..ونهضتهم...والجمع بين كل هذه الاغراض (الديني والدنيوي)مشروع تماما...بل ويحث عليه الدين ايضا...

انا لست مع القائلين بالتغيير الانقلابي في الحياة من مجال الى ااخر بشكل مفاجيء...الا في حالات يائسة تماما..وهو ما لا ارى فيه وضع الاخ رأفت..وبما انه امتحن اول امتحان يعني..وضعه احسن من الكثير غيره
لا تعتقد انني" فلتة في الاوراكل"...او حتى انني اعمل في مجالها...على العكس تماما..هناك بعض مشاهد الشبه في ماحصل معك ومعي...الا انني ورغم عملي في غير مجال اوراكل ..ولكنني لا زلت ملتزما بالاوراكل كمشروع دنيوي يجب ان انجح فيه
بالتخطيط السليم وتطبيق ما تخططه والصبر والمصابرة عليه...ويمكنني بعد النجاح فيه واثبات ذاتي به أن املك القدرة لتوظيفه لأي غرض ديني اخدم به ديني وأمتي في المجال الذي انجح به...إذ أن" فاقد الشيء لا يعطيه" باي حال من الاحوال.

لقد سائني فعلا كلمات اليأس التي قراتها...والتي قد تكون مررنا بها يوما...ولكن الاهم ان لا نستسلم لها....
"وانما النصر......صير ساعة !"
اسال الله لي ولك اخي رافت ولكل المسلمين التوفيق والنجاح...والهداية والرشاد...اللهم اامين
فالله وحده وليّ التوفيق
وقل رب زدني علما...


ومانيل المطالب بالتمني . . . . ولـكن تــؤخــذ الدنـيا غـلابـــا !

#10 عبدالله أسعد

عبدالله أسعد

    مشرف سابق وعضو مميز

  • المجموعة الماسية
  • 1,194 مشاركة

تاريخ المشاركة 28 October 2004 - 02:32 AM

بسم الله الرحمن الرحيم


السلام عليكم ورحمة الله وبركاته،،
اخى رافت لن اضيف شىء على كلام اخونى فى الله و لكن ما استيع ان اقوله اننى ممرت
بظروف اصعب و سبحان الله لم تكن الا سباب الما دية هى المشكلة لان الحا ل الحمد لله
متيسر و والدى اكثر انسان شا هدته عينى يؤمن بفا ئدة التعليم و انه له الا ولوية عن كل شىء
اخى لقد ضا ع من عمرى اربع سنين من الدراسة بسبب تعنت من دكتور الله لا يسا محه
و انتقلت الى التعليم الخا ص و انفت الكثييير مصا ريف الدراسة فقط غير مصا ريفى الشخصية كانت 12 الف جنيه و لكن لم ايا س و استطعت و الحمد لله ان انهى كدراستى فى
3 سنوات فقط لان الدراسة كانت نظام السا عات المعتمدة و الحمد لله لو يستطيع احد فى تاريخ كليتى ان ياخذ البكا ليروس فى اقل من 3 سنين مثلى و درسة اوراكل اثناء الكلية و الحمد لله و انا فى انتظار مو قفى من التجنيد خلا ل ايام
لا تياس اخى و انا من صعيد مصر و سوف اكون سعيد جدا جد ا جدا لو اتصلت بى فلدى
كتب اتمنى من الله ان تسال عدك و انا فى انتظار ايميلك
اخوك عبد الله
cor2oba@yahoo.com
cor2oba@hotmail.com
abduallah@spymac.com
فى انتظارك و ان شا ء الله يد فى يد والى ان تصل الى الحلم الذى تمنيته و ان شاء الله
سوف يصبح حقيقة باذن الله و سوف تخبرنا بذلك و تفر حنا و انا فى انتظارك
الدعاء نجى يونس وأهلك قوم نوح ورفع قدر سليمان وأظهر دين محمد عليه الصلاة و السلام فلا تتردد و قل يارب يارب يارب
Oracle DBA@Amig.com.eg

#11 عبدالله أسعد

عبدالله أسعد

    مشرف سابق وعضو مميز

  • المجموعة الماسية
  • 1,194 مشاركة

تاريخ المشاركة 28 October 2004 - 04:05 AM

بسم الله الرحمن الرحيم


تُولِجُ اللَّيْلَ فِي النَّهَارِ وَتُولِجُ النَّهَارَ فِي اللَّيْلِ وَتُخْرِجُ الحَيَّ مِنَ المَيِّتِ وَتُخْرِجُ المَيِّتَ مِنَ الحَيِّ وَتَرْزُقُ مَن تَشَاءُ بِغَيْرِ حِسَابٍ (27)

صدق الله الغظيم

سورة ال عمران
--------------------------------------------------------------------------------------------

بسم الله الرحمن الرحيم


فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتاً حَسَناً وَكَفَّلَهَا زَكَرِيَّا كُلَّمَا دَخَلَ عَلَيْهَا زَكَرِيَّا المِحْرَابَ وَجَدَ عِندَهَا رِزْقاً قَالَ يَا مَرْيَمُ أَنَّى لَكِ هَذَا قَالَتْ هُوَ مِنْ عِندِ اللَّهِ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ (37)

صدق الله الغظيم

سورة ال عمران
----------------------------------------------------------------------------------------

بسم الله الرحمن الرحيم


لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ وَاللَّهُ يَرْزُقُ مَن يَشَاءُ بِغَيْرِ حِسَابٍ(38)

صدق الله الغظيم

سورة النور
----------------------------------------------------------------------------------------
[ALIGN=center]بسم الله الرحمن الرحيم[/ALIGN]
قُلْ يَا عِبَادِ الَّذِينَ آمَنُوا اتَّقُوا رَبَّكُمْ لِلَّذِينَ أَحْسَنُوا فِي هَذِهِ الدُّنْيَا حَسَنَةٌ وَأَرْضُ اللَّهِ وَاسِعَةٌ إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ (10)

صدق الله الغظيم

سورة الزمر

-------------------------------------------------------------------------------------

بسم الله الرحمن الرحيم



مَنْ عَمِلَ سَيِّئَةً فَلاَ يُجْزَى إِلاَّ مِثْلَهَا وَمَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَأُوْلَئِكَ يَدْخُلُونَ الجَنَّةَ يُرْزَقُونَ فِيهَا بِغَيْرِ حِسَابٍ(40)

صدق الله العظيم

سورة غافر
الدعاء نجى يونس وأهلك قوم نوح ورفع قدر سليمان وأظهر دين محمد عليه الصلاة و السلام فلا تتردد و قل يارب يارب يارب
Oracle DBA@Amig.com.eg

#12 Linux

Linux

    عضو نشط

  • الأعضــاء
  • 405 مشاركة

تاريخ المشاركة 28 October 2004 - 09:51 AM

أخي رأفت ، نصيحتي لك ابق على اتصال مع الأوراكل وتابع أخبار المنتجات، حتى إن عدت في يوم ما لا تجد هوة بينك وبين الأوراكل، واحمد الله يا أخي فقد أعطاك الله طفلة إن شاء الله تكون صالحة، خير من الأوراكل بألف مرة أو تزيد...
أتمنى لك التوفيق........
وفوق كل ذي علم
عليم

#13 abu yousra

abu yousra

    مشترك

  • الأعضــاء
  • 54 مشاركة
  • الاسم الأول:mohamed
  • اسم العائلة:hashem
  • البـلـد: Country Flag
  • المنصب الحالي:it manager

تاريخ المشاركة 29 October 2004 - 03:04 AM

أخي رأفت أعتقد لن أضيف كثيراً إلي ما قاله الأخوة الأفاضل
ولكن أقترح عليك الأتي
1- أن تحاول أن تشتري جهاز كمبيوتر بأي طريقة
2- أن تقوم بعمل مشاريع projects بالأوراكل (مشاريع تخيلها أنت) أو حتي مشاريع قرأت عن المماثل لها ...فبذلك تضرب عصفورين بحجر واحد
اولا: لن تنقطع علاقتك بالأوراكل وتزداد خبرة تضاف لما درسته.
ثانياً: قد يأتي يوم (وأظنه قريب) تحتاج فيه لهذه المشاريع عند التقدم لعمل في مكان
ما حالما تتيسر الظروف فوقتها ستكون أفكار تلك المشاريع مدعمة لموقفك عند التقدم لهذه الأماكن.
واعلم أن الأمور تجري بقدر الله ....وما تأخر من بدأ
وأرجو التواصل عبر الأيميل بتاعي إذا أمكنك ذلك
mhsa2020@hotmail.com
محمد هاشم
mhsa2020@hotmail.com
أطلب قلبك عند ثلاث مواضع
عند قراءة القرآن وفي مجالس الذكر وعند خلوتك بينك وبين الله فإن لم تجده فاسأل الله أن يمنحك قلباً فأنه لا قلب لك

#14 عبدالله أسعد

عبدالله أسعد

    مشرف سابق وعضو مميز

  • المجموعة الماسية
  • 1,194 مشاركة

تاريخ المشاركة 30 October 2004 - 03:14 AM

من وصايا لقمان الحكيم
يا بنى ان الذهب يجرب بالنار والعبد الصالح يجرب بالبلاء فاذااحب
الله قوما ابتلاهم فمن رضى فله الرضى ومن سخط فله السخط
الدعاء نجى يونس وأهلك قوم نوح ورفع قدر سليمان وأظهر دين محمد عليه الصلاة و السلام فلا تتردد و قل يارب يارب يارب
Oracle DBA@Amig.com.eg

#15 leo

leo

    عضو

  • الأعضــاء
  • 27 مشاركة

تاريخ المشاركة 30 October 2004 - 05:51 AM

السلام عليكم ورحمة الله وبركاته
ياعم رافت مساء الفل معلش كلنا اتصدمنا الصدمه دي بعد ماخلصنا الكورس فده شئ طبيعي وبعدين مفيش واحد درس كورس البرمجه باوراكل ويكون قوة تحمله كده لان انا في رايي ان اللي ينجح في انه يفهم هذا الكورس كويس بالذات program unit
الا ويكون رجل مكافح فهذه اول خطو واصعب خطوه اي حد بيخطيها في الاوراكل وانا باعتبر ده انجاز انك تكون فهمت الكتب كويس فلا تستهين بذلك يالها من متعه حينما فهمت ماهي package وماذا تفعل الباكج الجاهزه من اوراكل والامثله الموجوده بالكتاب
ثاني حاجه اجتياز الامتحانات ، ياعيني على الفرحه يوم امتحان OCA لما نجحت
عيش واستمتع بالاوراكل واوصيك بالتالي علشان توصل وتبقى مبرمج اوراكل كويس
1- طبعا اول مفاجاه عرفتها انا شخصيا لما لقيت اعلانات الشغل المطلوبه في الشركات الكبرى هي الخبره كله عاوز اقل شئ خبره سنتين ، لذلك لابد من استمرار القراءه والدراسه في كتب اوراكل واي كتب تسمع عنها لها علاقه بالمشاريع حتى يفرجها ربك الكريم بشغل لكن لاتجلس هكذا تتفرج على الدنيا استمر في عمل مشاريع مع نفسك وقراءه الكتب الموجوده على موقع اوراكل وهذه نصائح من خبراء اوراكل سوف تجد الرد على تسعين في المئه من اسئلتك عن اوراكل في مستندات اوراكل الموجوده لكل اصدار
2- طرح اي مشكله تواجهك في البرمجه على منتديات شركة اوراكل فهي غنيه بشكل رهيب وايضا عرب اوراكل التي تنافس بالعربيه انشاء الله وسوف تجد مساعدات من كل صوب
3- العالم كله اليومين دول ماشي بالواسطه وانا وكل الناس عارفين كده بس مجال البرمجه بالذات انسى انك تشتغل بواسطه ومش انا اللي باقول كده ده واحد ربنا يبارك فيه من الاخوه اللي مشي في المجال ده وكان رده عليا لما اشتكيت له من الواسطه قالي معلش بس مش في البرمجه و اوراكل وفكر معي وليفكر كل الاخوه هنا ويردوا عليا ماذا ستفعل لو معاك واسطه وشغلوك مبرمج قواعد بيانات باوراكل وانت معندكش خبره ؟؟؟؟؟؟؟
حيعطوك مرتب 3000 وانت قاعد تتفرج عليهم وعايزهم يعلموك الشغل ؟؟؟؟
مستحيل شركه تشغل مبرمج بواسطه ومبيفهمش ، ممكن يكون قريب صاحب الشركه مثلا حيشغله مدير مكتب او علاقات عامه او سكرتير او اي حاجه سهله بوورد او اكسل او حتى ينام وياخذ فلوس ايه المشكله ، لكن لو عايز يعمل برامج لشركته ازاي حيعملها بواحد معرفه او قريب له وهو لايعلم شئ ؟؟؟؟
الشركه بتشغل مبرمج فاهم وعنده خبره علشان يحلوا مشاكلهم مش يدفعوا مرتبات وبس
اذا الخبره هنا هي التي تفرض نفسها والبرمجه هي عمل ابداعي وهذا مايجعلني اطمئن باذن الله ان لنا مستقبل ولكن المساله مسالة وقت الاوراكل او مجال البرمجه عموما هو استثمار عقول طويل الأجل ماتصرفه اليوم من الاف سوف يعود باذن الله واكثر ولكن بعد سنتين ويمكن اقل على حسب مجهودك لاتنسى هذه الكلمه .....مجهودك .....يبقى دلوقتي نفكر بس ازاي يكون عندنا خبره ونبحث وراء هذا الهدف وبعدين نحط رجل على رجل ونملي شروطنا ونقول عايزين مرتب .........، وننسى دلوقتي التفكير في اي حاجه تجيب احباط لان المشوار طويل ياعم انت دي اوراكل مش بطاطس ، لانك لو فكرت في الاحباط من دلوقتي حتقع اوراكل يعني صمود الي مالا نهايه يعني نبقى رجاله ونتحدى الكتب وناكلها امال ياعم صعايدة ايه بس .......... ده الصعايده هما اللي عاملين ميزان لمصر ومن غيرهم البلد تقع ، انا مش من الصعيد بس باحب الصعايده جدا وباحب ولاد بلدي قوي مصر وباحب العرب بجنون وفوق كل ده وقبل كل ده اولا واخيراً انا مليش قيمه الا بالمسلمين كلهم ، ياعم انت العرب عباقره والتاريخ يشهد والعالم التانيه دي شغالين بتاريخنا ومستوى ذكائهم اقل مننا بس بالمجهووووووووووووود والنظام غلبونا وتفوقوا علينا وسبقونا مش بالذكاء واسأل اي حد احتك بالغرب حيقولك احنا اذكى منهم والدليل علماءنا اللي شغالين هناك عندهم ، مين اسس علوم الرياضيات والجبر والهندسه ، صباح الفل ياعم رافت؟؟
اشتغل اي حاجه تمشي نفسك بيها دلوقتي في اي مجال واستمر في الدراسه والمشاريع لغاية اما تلاقي شغل باوراكل
هذا ماتوصلت اليه انا شخصيا من تجربتي مع الاوراكل
وسوف ارسل لك وللجميع بعض النصائح لاحقا هنا على الموقع واللتي قرات عنها بتوصيات لخبراء من اوراكل بماذا تقرأ من كتب اوراكل لزيادة خبرتك ومعلوماتك
مساء الفل عليكم جميعا واحلى مساء على الاوركالجيه اللي مش لاقيين شغل وبكره يازمن تضحك لنا وادي احنا مستنيين لو ربنا ادانا عمر ونشوف اخرتها ايه
ياراجل ده انا اشتغلت في مشروع وحيد واخترت نقطه صعبه جدا وسالت المدرب ايام الكورس فيها وقالي انت عايز تتعبنا من اولها وعايز تعمل حاجه صعبه جدا مش مستواك كمبتدئ بس حماسك حيخليني اعيش معاك في الموضوع وتحدينا بعض وعشت لمدة شهر في عذاب وكنت لا انام الليل واصبت بجنون اوراكل والبرمجه وجالي احباط وعجزت عن كتابه الكود اللي يحل المشكله وقلت اخيراً انت كنت فاهم نفسك حاجه وفاكر نفسك حتكون مبرمج لكن للاسف انت مستواك العقلي متواضع ودي مش شغلتك وانسى الموضوع وشوف شغلانه تانيه احسن وابتديت احس بالهزيمه بس كان جوايا نار قايده يا اخي وعند ازاي معرفش احل المشكله دي وقعدت اقرا في كتب خارجيه وصممت ان احل الموضوع بنفسي وبدون مساعده المدرب وحدثت المفاجاه وجالك الفرج ياعبد من ربك وكتبت احلى كود واشتغل وزي الفل بعد معاناه واخطاء كثيييييييييييييييييييييييييييير والله بكيت من الفرحه وكانت احلى ليله في عمري اتولد فيها مبرمج جديد ومش بس كده انا كان عايش معايا المعاناه دي خطيبتي لمدة شهر واتعذبت معايا عذاب وكانها كانت تدرس الاوراكل معايا وتعالى شوف ياسيدي بكاء الفرح البرنامج اشتغل ياخبر ابيض فيلم هندي
عيش واستمتع مع اوراكل وارمي الدنيا ورا ظهرك وتأمل في سقف غرفتك وانت نايم على السرير بتفكر في شويه كود ولا كيرسور ولافنكشن حلوه وصغيره وفجاه تقوم جري على الكمبيوتر زي المجنون وتعيش .......ياعيني ياعيني
كل عام وانتم بخير
ورمضان كريم
e.mail
goforh@hotmail.com