إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

فتــافيـت - الفتفوتة التانية


5 رد (ردود) على هذا الموضوع

#1 khaledmega

khaledmega

    عضو مميز

  • الأعضــاء
  • 838 مشاركة
  • البـلـد: Country Flag

تاريخ المشاركة 14 September 2009 - 03:14 AM

الفتفوتة الثانية

خالد :- السلام عليكم
كان وقف كلامنا المرة اللي فاتت عند معنى كود

SELECT * FROM TAB ;

طالب :- الشاشة عندي يا بشمهندس مليانة ومحتاج أنضفها وامسحها اعمل ايه ؟
خالد :- اضغط شيفت + دليت SHIFT + DEL وبعدين هيطلعلك رسالة اضغط انتر ENTER ؛ كمان لو أنت عايز تعرف أخر كود انت كنت كاتبه ممكن تكتب سيمي كولن ; ثم أضغط أنتر ENTER وهو هيظهر لك أخر كود انت كنت كاتبه حتى بعد ما تمسح الشاشة
طالب :- فعلا رغم ان الشاشة بيضاء الا ان ; اظهرت فعلا اخر كود ؛ بس انا عايز انفذ الكود اللى ظهر اعمل ايه ؟
خالد :- اكتب / وبعدين اضغط انتر ENTER ؛ وكده انت بتنفذ الكود وكانك بتقول للاوراكل نفذ الكود المكتوب
طالب :- طب انا لما كتبت

SELECT * FROM TAB ;

ظهرلي كلام
TNAME           
-------------
DEPT
EMP
BONUS
SALGRADE

ده معناه ايه ؟
خالد :- ال TNAME هي أختصار TABLE NAME يعني اسم الجدول ؛ وهتلاقى اربع جداول ؛ وكل جدول منهم ليه وظيفة مختلفة عن التاني
طالب :- يعني ايه جدول ؟
خالد :- تعالي نفهم الامر بمثال مبسط ؛ الجدول فى قواعد البيانات شبيه بالعمارة !! ايوة العمارة السكنية فالجدول هو العمارة والحقول الموجودة داخل الجدول هي بمثابة الشقق داخل العمارة والسكان الموجودين داخل الشقق هم بمثابة الداتا او القيم داخل الحقول ؛ يبقى
الجدول = العمارة
الحقول = الشقق السكنية
الداتا او القيم = السكان
طالب :- جميل بس هل الجداول دي ثابتة الشكل والمضمون ؟ يعني هل كل الجداول زى بعضها ؟ وامتى بحتاج اعمل جدول ؟
خالد :- اطلاقا كل جدول مختلف فى تصميمه عن التاني انما المضمون غالبا بيكون واحد فى كل الجداول ؛ بمعني انى بحتاج اعمل جدول لما اكون عايز احفظ قيم او داتا بمعني ابسط انا مثلا عندي موظفين وليهم مرتبات ووظائف ؛ فبعمل جدول علشان احط ( اضع ) فيه اسماء ومرتبات هؤلاء الموظفين
طالب :- طب منا ممكن اعمل الكلام ده فى ورق عادي من غير جداول !!
خالد :- لا استني ( انتظر ) فى الورق هناك عدة مخاطر :-
1- اى شخص يمكن الأطلاع عليه
2- امكانية تلف الورق
3- لو عندي الاف من الموظفين فهناك احتمالية كبيرة للخطاء من العنصر البشرى
4- لا يمكن عمل معالجة للبيانات من خلال الورق ؛ يعني مقدرش اكتب فى الورق 100 + 100 يقوم الورق يطلعلي او يظهرلي نتيجة الية بقيمة 200
5- ضياع للوقت والمجهود
لكن فى قواعد البيانات هناك عدة مميزات :-
1- يمكنك فرض سرية على بياناتك ويمكنك تحديد الشخص الذى يطلع عليها
2- صعوبة تلف البيانات وسهولة حفظها فى اكتر من مكان
3- مهما كبر حجم بياناتك فلا سبيل للخطاء الا اذا كان المبرمج كان مخطاء اثناء تصميمه للبرنامج
4- تقوم قواعد البيانات على معالجة المعلومات المدخلة لها ؛ والمعالجة هي اجراء عمليات حسابية معقدة او اجراءات ودوال مثل الحذف او الاضافة ؛ الامر الذى يعطى نتائج دقيقة وسريعة تفيد فى تسريع اداء العمل وصحة اتخاذ القرار المناسب
5- الربط بين الفروع المتعددة للشركات بدون تدخل العنصر البشرى
طالب :- ياااا ه كل ده ؛ ده الموضوع كبير بقى !!!!
خالد :- طبعا ؛ كبير بس شيق وبيحسسك انك بنى ادم وليك مخ بتفكر بيه !!
عرفت دلوقتي امتى بنحتاج نعمل جدول وايه هي مميزات قواعد البيانات ؛ تعالي نشوف جدول زى DEPT مثلا الجدول ده هو اختصار لجدول اسمه DEPARTMENT وهو الجدول المختص بالادارات ؛ لو انت رايح تشترى شقة لازم تتفرج عليها وغالبا بتكون فاضية ؛ احنا هنعمل نفس الكلام هندخل جوة جدول الادارات ونتفرج عليه وده من خلال الكود التالي
DESC DEPT 
Name
--------
DEPTNO
DNAME
LOC


وده كود مهمته انه يفرجك ويعرضلك محتويات الجدول وده بيفيدك كمان لما تكون مش عارف اسم حقل داخل جدول فبدل ما تستعرض كل الداتا الموجودة فى جدول ما فبتكتب امر DESC وهو اختصار لكلمة DESCRIBE ومعناه وصف او عرض ؛ مش بس كده امر DESC كمان بيعرضلك نوع الحقل !! ايوة اصل لكل حقل انت بتعمله فى الداتا بيز لازم يكون ليه حاجة اسمها DATA TYPE وده معناه نوع القيم اللي هتدخل فى الحقل ده بمعني لو انت هتعمل حقل هتحفظ فيه أسماء موظفين اذا لازم يكون تصنيف الحقل من نوع حروف ؛ ولو مرتبات يبقي تصنيف الحقل ارقام
طالب :- ده الموضوع كبير !!
خالد :- مش زى ما انت متخيل ؛ الفكرة كله عملية منطق ليس الا ؛ بعد شوية فتافيت ان شاء الله هناخد ازاى نبني او ننشيء جدول ؛ وبناء الجدول له مواصفات قياسية زى الايزو او معيار الجودة ؛ والجودة بتفرق من مبرمج لمبرمج ؛ وده بيتوقف على مدى فهم واستيعاب المبرمج ؛ فاى جدول فى الدنيا له عدة خصائص منها الاختيارى ومنها الاجبارى ؛ فمثلا الاجبارى انه :-
1- اى جدول لازم يكون له اسم فريد غير مكرر فى الداتا بيز
2- لازم يحتوى على حقل واحد على الاقل
3- اسماء الحقول لا تتكرر فى الجدول الواحد ولكن يمكن ان تتكر فى اى جدول اخر
4- لازم اوضح نوع او هيئة الحقل من حيث نوع البيانات المدخلة عليه ؛ هل هي حروف ولا ارقام ولا تاريخ
اما الاختيارى :-
1- هل الجدول مربوط على جدول اخر ( وده هنشرحه فى فتفوتة تانية )
2- عدد الحقول غير محددفى الجدول الواحد
3- فرض قيود على الحقول داخل الجدول
خلينا نرجع لكلامنا امر DESC بيعرفني ثلاث حاجات مهمة :-
1- اسماء الحقول الموجودة فى الجدول وعددها
2- نوع البيانات لكل حقل موجود فى الجدول هل الحقل معد ومجهز لاستقبال حروف ولا ارقام ولا تورايخ
3- انواع القيود المفروضة على الحقول
تمام !!
طالب :- تمام !!
خالد :- طب ما تيجي نتفرج على بيانات الجداول ؟
طالب :- يا ريت
خالد :- لما تحب تستعرض جدول بكل بياناته بنكتب الامر التالي :

SELECT  * FROM DEPT ;

تعالي نفهم شوية ( بعض ) الأساسيات ؛ اولا مش هيفرق معايا اذا كنت بتكتب الكود بحروف كبيرة او صغيرة ؛ كمان مش هيفرق لو كتبت كل كلمة فى سطر او بمسافات بعيدة يعني لو كتبت
SELECT                                      *
FROM
DEPT
;

لكن تعالي نفهم الية كتابة الكود او الاوراكل بيفهم الكود ازاى ؛
SELECT = هات او اعرض او احضر
*= كل البيانات بلا استثناء
FROM = من ( المصدر )
DEPT = وهو الجدول اللي انت عايز تستعرض البيانات الخاصة به
; = نفذ الامر وهنا الاوراكل بيفهم بالعلامة دى انك خلصت الكود
هتلاقى حقول ظهرت وفيها بيانات زى حقل
DEPTNO = اراقام الادارات
DNAME = اسماء الادارات
LOC = وهو موقع او مكان الادارة
طيب الكود ده لو انا عايز اعرض كل البيانات بلا استثناء ؛ طب لو انا عايز اعرف واعرض بيانات حقل محدد زى اسماء الادارات مش كل الحقول فى الحالة دى بكتب الكود التالي

SELECT  DNAME  FROM DEPT ;

تعالي نفهم الاول بالبلدى ؛ لو انت عايز كتاب من مكتبة هل هتقول هات المكتبة من الكتاب ؟ او هتقول مثلا هات الثلاجة من الزجاجة ؟ طبعا لأ ؛ هتقول هات الكتاب من المكتبة ؛ او هات الزجاجة من الثلاجة ؛ اذا انت بتذكر الصغير قبل الكبير نفس الامر فى الاوراكل لازم تقول الحاجة الصغيرة الاول ؛ والصغير هنا هو الحقل والكبير هو الجدول ؛ لان الجدول هو اللي بيحتوى على الحقل وليس العكس ؛ اذا لما بتكتب

SELECT  DNAME  FROM DEPT ;

كأنك بتقول للاوراكل
( هات او اعرض اسماء الادارات من جدول الادارات )
SELECT = اعرض
DNAME = اسماء الادارات ( الشيء الصغير )
FROM = من ( المصدر )
DEPT = جدول الادارات ( الشيء الكبير )
; = انا خلصت كتابة الكود يا اوراكل ويلا نفذ
تمام !!!
طالب :- تماااااااام !!!

تم التعديل بواسطة khaledmega, 14 September 2009 - 03:15 AM.


من أهـم مواضــيعي :



نفسك تسطب اوراكل 10g وبالصور وتربط بين الداتابيز والديفولبر ؟


للأستفسار عن أى شيء يخص الأوراكل أبس أو اوراكل ديفولبر راسلنى على

e
ng-mega@hotmail.com

 

Oracle Apps Techno-Functional Consultant


Oracle Developer & Instructor

 

Instructor At Next Academy

 

محاضر معتمد لدي نكست أكاديمي

OCA - OCP

م / خالد الشاذلي


#2 J.DEV

J.DEV

    عضو

  • الأعضــاء
  • 15 مشاركة

تاريخ المشاركة 14 September 2009 - 04:11 AM

بجد تسلم ايدك يا هندسه قمه في الروعه ، كمل يا هندس وكلنا متابعين ان شاء الله

صورة


#3 mmsalman87

mmsalman87

    عضو مميز

  • الأعضــاء
  • 1,689 مشاركة
  • الاسم الأول:Maher
  • اسم العائلة:Salman
  • البـلـد: Country Flag
  • المنصب الحالي:Senior Oracle HCM SaaS Pre Sale Consultant

تاريخ المشاركة 14 September 2009 - 09:18 AM

جزاك الله كل خير

                                                                                             

                                                                                                                  Maher Salman

• Oracle Fusion Human Capital Management 11g Human Resources Certified Implementation Specialist 

Taleo (TEE): Onboarding Administration Ed 3 LVC, Oracle University.

• Taleo (TBE): Recruit Essentials Ed 4.1 LVC, Oracle University.

• Oracle Fusion HCM Implementation, Oracle University.

• Oracle Certified Professional Developer (OCP) - Oracle Forms: Build Internet Applications.

• Oracle Certified Associate Developer (OCA).

• Oracle E-Business Suite R12 Human Capital Management Certified Implementation Specialist (HCM)

                                                                                                                                        
                                                                                                           http://learnoracle.net                                                                                                                

                                                                                                                             
----------------------------------------------------------------------------------------------------------------------------------------------------------------------------

أهم مواضيعي ( Oracle Developer )

- برنامج حفظ الكودات - My Codes

- كيفية عمل نظام متعدد اللغات

- انشاء شاشة دخول وتغيير كلمة السر والتحكم بالمستخدمين

- Import And Export On Toad

- التحكم في النظام من خلال الملف Formsweb.cfg

​- Advanced Dynamic List

- توليد ارقام وحروف عشوائية 

 

 

أهم مواضيعي ( Oracle HRMS)

 

Using Special Value set in oracle hrms 


#4 جلال شواقفه

جلال شواقفه

    عضو مميز

  • الأعضــاء
  • 2,559 مشاركة
  • البـلـد: Country Flag

تاريخ المشاركة 14 September 2009 - 09:54 AM

فتافيت حلوه
وبإنتظار المزيد شكرا
ارجو من يستفيد من مشاركاتي الدعاء لوالدي ولاموات المسلمين بالمغفره والرحمه......

جلال محمود شواقفه
مدير دائرة الحاسوب
بلدية المفرق الكبرى
المملكه الاردنيه الهاشميه.

#5 عبداللطيف

عبداللطيف

    مــشــرف عــام

  • الإشراف العام
  • 1,267 مشاركة
  • البـلـد: Country Flag

تاريخ المشاركة 14 September 2009 - 10:05 AM

الف شكر اخي للمراجعة العامة

على كل فتفوته اخاف افطر في رمضان - هذي مي فتفوته هاي كيكه .

#6 khaledmega

khaledmega

    عضو مميز

  • الأعضــاء
  • 838 مشاركة
  • البـلـد: Country Flag

تاريخ المشاركة 15 September 2009 - 01:38 AM

جزى الله خيرا لكل المشاركين وكل عام وانتم بخير

من أهـم مواضــيعي :



نفسك تسطب اوراكل 10g وبالصور وتربط بين الداتابيز والديفولبر ؟


للأستفسار عن أى شيء يخص الأوراكل أبس أو اوراكل ديفولبر راسلنى على

e
ng-mega@hotmail.com

 

Oracle Apps Techno-Functional Consultant


Oracle Developer & Instructor

 

Instructor At Next Academy

 

محاضر معتمد لدي نكست أكاديمي

OCA - OCP

م / خالد الشاذلي