إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

سؤال مصيري ارجو الرد والمشوره


7 رد (ردود) على هذا الموضوع

#1 HELL-BOY

HELL-BOY

    مشترك

  • الأعضــاء
  • 187 مشاركة
  • البـلـد: Country Flag

تاريخ المشاركة 10 December 2010 - 12:12 PM

السلام عليكم ورحمه الله وبركاته

انا دلوقت شغال في شركه حكوميه المهم جتلي فرصه عمل في شركه خاصه"سوفت وير هاوس" وليها اسم كبير انا مش عارف اسيب اللي انا فيها واروح هناك ولا اخليني في الشركه الحكوميه وخلاص

مميزات الشركه الحكوميه
مواعيد العمل مريحه جدا
محدش ممكن يمشيني من الشغل

مميزات الشركه التانيه لا حصر لها بس في اي وقت ممكن يرموني بره ودي النقطه اللي عمال افكر فيها من ساعت مبعتولي العرض بتعهم

فانا بصراحه متردد جدا خايف اسيب اللي انا فيها لانها امان بالنسبالي وخايف اسيب الشركه التانيه لانه فرصه بردو بالنسبالي

ياريت حد يفيدني في الموضوع دا انا صليت استخاره ومتوكل علي الله اني هروح علي الشركه التانيه بس زي مقلت خايف جدا من التغير ومن المستقبل بعد كدا.
ملحوظه:
مينفعش اخد اجازه خالص من الشركه اللي انا فيها يعني لازم استغني عن واحده

ارجو المشوره من اخواتي واخواني في هذا الموضوع وجزاكم الله كل خير

تم التعديل بواسطة HELL-BOY, 10 December 2010 - 12:15 PM.

ORACLE 10G DEVELOPER


ORACLE 11G ADMIN

 

مطلوب شريك لتسويق برنامج حسابات ومخازن

waleed.ita@gmail.com

http://hodaerp.blogspot.com/

 

 


#2 eslam4444

eslam4444

    عضو نشط

  • الأعضــاء
  • 444 مشاركة
  • البـلـد: Country Flag
  • الاهتمامات:football,swimming,design,PlayStation,web developer,,

تاريخ المشاركة 10 December 2010 - 05:42 PM

بسم الله الرحمن الرحيم
انا هرد عليك من وجهه نظرى وان شاء الله تفيدك
انت لو سألت اى حد مصرى بتقوله انا شغال فى مكان حكومى وجت ليا فرصه تانيه هل أسيب الشغل وأروح الشركه التانيه
هيرد عليك رد واحد
هو حد لاقى شغل فى الحكومه انت تحمد ربنا
ده رد طبيعى جدأ هتسمع من اى فرد
- طبعا مميزات الشغل الحكومى
. مواعيد ثابته فى الدخول الى العمل والخروج وممكن تعتذز انك مش جاى عشان ظرف ما الى أخره
. مش هيقدر يمشيك ويتشرط عليك
.تامينات
. أجازات رسميه زيك زى اى قطاع تانى حكومى يعنى لو فى زياده فى المرتب هتعود عليك
. حاجه تانيه مهمه جدأ انك بتخرج من الشغل على الساعه 2 ده الوقت يعنى ممكن تشتغل part time فى مكان تانى
.المرتب بيكون على حسب القطاع اللى انت شغال فيه هل قطاع بترول او قطاع الصحه الى أخره لان كل موظف بيكون ليه كادر على حسب المكان اللى شغال فيه
.المرتب بيختلف من كونك أدمن ولا مطور يعنى ده مميزات الشغل الحكومى
مميزات الشغل الخاص
.مرتبات محترمه على حسب انت رايح ايه أدمن ولا مطور
. الشغل شغل يعنى مفيش هزار
. ممكن تبنى نفسك فى وقت صغير
. هتحتك بخبرات كتير فى الشغل هترفع من شأنك لو كان الشركه ليها فرع بره مصر ممكن تمسك الفرع اللى هناك كل ده على حسب ده
. انت لو رايح على شأن معين ده طبعا هيفرق معاك قوى حتى فى المرتب لو فى طريقه التعامل يعنى رايح junior or senior طبعا الموضوع ده مش بالسنين ده بيكون بالتجارب يعنى فى واحد يوصل senior فى أقل من سنه يعنى بتكون امكانيات من شخص لاخر
.تامين عليك بردو من قبل الشركه الخاصه
.الاجازة اللى بتاخدها
-------------------------------------------
ده يعتبر مميزات كل قطاع
نيجى بقى للمهم
لو انت تعرف تكلم الناس اللى فى القطاع الحكومى ترجع الشغل تانى اذا حصلت مشكله او لاقدر الله ماوفقتش هناك يبقى أنصحك تروح على الشركه هناك
اما لو ماعرفتش تعمل كده هتكون مخاطرة
ربما تكون الشركه مكانها بعيد وهتغير حياتك لما مثلا كنت بتروح الشغل فى ساعه هتروحه فى 2.30 ده بردو تاخدها فى الحسبان
انما لو انت مرتاح فى شغلك ومرتبك كويس يبقى الحمد لله
عايز تخود التجربه بس إتاكد الاول هل هتعرف ترجع الشغل تانى اذا ماوفقتش لاقدر الله هناك عشان تحسب الخطوة صح
وانت رايح هناك تشتغل أدمن ولا مطور
ولا position بتاعك ايه هل junior or senior
بالتوفيق ان شاء الله

تم التعديل بواسطة eslam4444, 10 December 2010 - 05:44 PM.

mcts||''||oca||''||ocp||askpc expert

I hope soon successful Ceh


متغيب مؤقتا


#3 HELL-BOY

HELL-BOY

    مشترك

  • الأعضــاء
  • 187 مشاركة
  • البـلـد: Country Flag

تاريخ المشاركة 10 December 2010 - 06:50 PM

شكرا ليك جدا علي الرد استاذ اسلام
بص انا شغال في الشغل الحكومي مطور بس بعمل customization للبرنامج بتعهم فالخبره المكتسبه قليله جدا او تكاد تكون معدومه

يعني انا حاسس لو كملت في الشغل الحكومه سنتين علي بعضهم هنسي الاوراكل كله

انا عندي خبره في الاوراكل سنه فعليه بس المكان اللي رايحه في الشركه الخاصه هيبقي junior developer
وطبعا الراتب و الخبره احسن من الي انا فيها

للاسف لو مشيت مش هرجع تاني يعني لازم استغني عن حاجه

ORACLE 10G DEVELOPER


ORACLE 11G ADMIN

 

مطلوب شريك لتسويق برنامج حسابات ومخازن

waleed.ita@gmail.com

http://hodaerp.blogspot.com/

 

 


#4 shaldum

shaldum

    عضو

  • الأعضــاء
  • 13 مشاركة

تاريخ المشاركة 10 December 2010 - 08:00 PM

السلام عليكم ورحمة الله
الموضوع باختصار هايعتمد على هدفك انت اية
بمعنى ان فى انسان حاطت هدف لنفسة فى المستقبل انة عايز يكون (صاحب شركة سوفت وير)
وفى واحد تانى عايز يتجوز ويربى اولادة كويس وهو مبسوط على حالة كدة بشغلة فى الحكومة
بيروح الشغل براحتة وبيرجع بدرى وبيقضى وقت مع اصحابة وبيتة
باختصار عايز اقولك شوف انت نفسك تكون اية فى المستقبل
لو كنت مبسوط على اللى انت فية وحياتك هادية وحاسس ان انت عايز تفضل كدة يبقى هاتغير مكانك لية
اما لو كنت عايز تكون حاجة تانية زى صاحب شركة مثلا
يبقى مستحيل شغل الحكومة يوصلك لهدفك ولو بعد خمسين سنة
مع العلم ان فى حاجة مهمة اوى عايز اقولهالك
لو كان هدفك كبير لازم تعرف ان تحقيقة صعب جدا وانك حياتك هاتكون مختلفة تماما فى القطاع الخاص
ضغط شغل باستمرار وضغط نفسى وعدد ساعات شغل طويلة ولو ليك اصحاب مش هاتعرف تقعد معاهم تانى غير فى المواسم وهاتحس انك غريب
يعنى متفتكرش انك هاتكسب حاجة وهاتفضل كل حاجة حلوة انت فيها دلوقتى معاك
لا انت طبعا هاتكسب وحياتك هاتتغير وخبرة هاتزيد بسرعة لكن هاتخسر برضو حاجات كتير حلوة
شوف الموضوع بالنسبالك يستحق التضحية بالبيت والاصحاب يبقى توككل على الله لانة لو انت شوفت انة يستاهل يبقى ان شاء الله هاتقدر تكمل
اما اذا كنت متردد والحاجات دى بالنسبالك مهمة فانت هاتتعب بسرعة وممكن متقدرش تكمل وهاييجى عليك يوم تقول يا ريتنى ما كنت سبت مكانى
كمان عايز اقولك ان لو كان طموحك كبير يبقى كان المفروض انك انت اللى كنت تدور على شغل قطاع خاص من غير ما تجيلك فرصة لحد عندك
عموما ربنا يوفقك للخير وممكن تحسبها كويس الاول وتصلى كمان استخارة تانى وتالت وربنا يوفقك للى فية الخير ان شاء الله
  • mostfa_future معجب بهذا

الم ينفخ فينا من روحة .... الم تسجد لنا الملائكة !!!


#5 ahmedbb

ahmedbb

    عضو مميز

  • الأعضــاء
  • 935 مشاركة
  • البـلـد: Country Flag

تاريخ المشاركة 11 December 2010 - 09:53 AM

السلام عليكم
بصراحة رد الاخ shaldum
هو ابلغ وانقى رد
انا متفق معه 100% لان الموضوع يرجع لصاحب الشأن وهو صاحب القرار
و لكل منا فترة فى حياته لابد فبها من قرار صعب يغير من حياته
بقولك كدا لانى كان عندى ايضا قرار اخذته الحمد لله غير من حياتى الى الافضل
م احمد

"وفوق كل ذى علم عليم"
برامج من انتاجى
شئون العاملين - الحضور و الانصراف - الاستحقاقات و الاجور
ادارة المراكز التدريبية - متابعة الانتاج - ادارة المستشفيات والعيادات - نظام ادارة المعارض ونقاط البيع
برنامج ادارة حركة السيارات - برنامج ادارة المكتبات - برنامج إدارة المدارس والمعاهد
من مواضيعى:
منادة المنيو من اى مكان http://www.araboug.o...nu&fromsearch=1
ايجاد اجمالى حقل معين فى فورم تابلور http://www.araboug.o...showtopic=50174
الوظيفة
Oracle Developer - Data Base Administrator - Programmer

Oracle Instructor

اسكاى بى ahmedoracle74
ahmedbb_work@hotmail
ahmedbb_work@yahoo

 

00201208042608

 

00201142271287
القاهرة - مصر




احمد محمود


#6 HELL-BOY

HELL-BOY

    مشترك

  • الأعضــاء
  • 187 مشاركة
  • البـلـد: Country Flag

تاريخ المشاركة 11 December 2010 - 10:56 AM

جزاكم الله كل خير خلاص الخيره فيما اختاره الله
ان شاء الله يكون قرار صائب

ORACLE 10G DEVELOPER


ORACLE 11G ADMIN

 

مطلوب شريك لتسويق برنامج حسابات ومخازن

waleed.ita@gmail.com

http://hodaerp.blogspot.com/

 

 


#7 salawta

salawta

    عضو

  • الأعضــاء
  • 2 مشاركة

تاريخ المشاركة 16 December 2010 - 01:09 AM

بقولك اية متدينى اناالشغل الى فى الحكومة دة
علشانانا بنوتة
بس هو فين؟؟
:lol:

#8 Muhamed salah

Muhamed salah

    مشترك

  • الأعضــاء
  • 176 مشاركة
  • البـلـد: Country Flag
  • الاهتمامات:Oracle ERP - SAP ERP - Consulting - PMP
    HRMS- Business analyst

تاريخ المشاركة 16 December 2010 - 09:51 PM

وما نيل المطالب بالتمنى

ويفوز باللذات كل مغامر ويموت بالحسره كل جبان

اول لما اخدت كورس الديفلوبر مش كان نفسك تشتغل فى سوفت وير هاوس كبيره ويكون ليك تدرج وظيفيى وحلم تتمنى توصل له
لما يجيلك الحلم ومعاك جزء منه مش عاوز تروحه ومتردد
ايه اللى يخليك خايف من انك تروح التانيه هل حاسس انك ممكن تفشل لو انت واثق من قدراتك معتقدش هتخاف واللى جاب لك الشغله دى اكيد مقدرك حاجه تانيه احسن لو محصلش لك نصيب
فى دى
وبعدين سى فى بتاعك هيكون فيه انك اشتغلت فى سوفت وير هاوس وكبيرة ليها اسم
لو لا قدر الله ومكملتش فى دى يكفيك انك قدراتك دخلت الشركه واى شركه تانيه هتقدر ده وكل ما كانت الشركه اكبر اللى انت هتروحها قدراتك هتزيد بسرعه عن اى شركه تانيه
صغيره وبرده هيكون ليك فرص فى شركات اقل لا قدر الله
ولكن متوقفش حلمك على شغله حكومه ربك اللى بيبعت الرزق من الحكومه
ومتوقفش حلمك على ديفلوبر انقل وجرب الاكبر ده لو انت عندك طموح وعاوز ده لكن لو مش حابب تخوض التجربه والمغامره خليك فى مكانك

اتمنى انك تستخير ربنا وهو هيوفقك للخير اتمنى التوفيق

Mohamed Salah El Din

Oracle HRMS Functional Consultant - Abu Dhabi

.

Join US .....My Face book page