إنتقال للمحتوى

  • تسجيل الدخول عبر الفيس بوك تسجيل الدخول عبر تويتر Log In with LinkedIn Log In with Google      تسجيل دخول    
  • إنشاء حساب

صورة
- - - - -

أرجو النصيحة من الاخوة الكرام Financial Or Supply Chain

e-businees suit +supply chain

4 رد (ردود) على هذا الموضوع

#1 ahmed_samy

ahmed_samy

    عضو

  • الأعضــاء
  • 7 مشاركة
  • الاسم الأول:ahmed
  • اسم العائلة:samy
  • البـلـد: Country Flag
  • المنصب الحالي:accountant

تاريخ المشاركة 09 March 2015 - 05:22 PM

السلام عليكم ورحمة الله وبركاته ..

فى الحقيقة أنا عمرى 31 سنه و حاصل على بكالوريوس تجارة ( تعليم مفتوح ) من جامعة القاهرة ونويت و النيه لله سبحانه وتعالى أنا أدرس كورس oracle financial e-businees suite r12 لانه محاسبى وفى مجال تخصصى وأيضا لايجاد فرصة عمل جيدة سواء فى مصر أو فى الخليج ولكن المشكلة تتلخص فى الاتى :

عندما بحثت عن مكان جيد أدرس الكورس فيه نصحنى الجميع باكاديمية ايماك وعندما سألت عنها أشاد بها الجميع وبالفعل قمت بالاتصال بهم لكى أعرف كافة التفاصيل وتحدثت مع شخص هناك وقال لى لو عاوز نصيحة من أخ أدرس الـ supply chain لان سنك وقلة خبرتك فى مجال المحاسبة ستصعب جدا من فرصك فى ايجاد فرصة عمل وقال لى أن supply chain مطلوب جدا الأن وأن فرصى فى ايجاد فرصة عمل به كبيرة لان الحاصلين عليه عددهم قليل ولن ينظر لسنى أو قلة خبرتى عند التقدم لوظيفه و لكن المهم هى قدرتى فى الكورس فقط وفى الحقيقة أنا كنت بفكر أخد الـ financial وقولت الرزق ده من عند ربنا لكن من ساعة ماتحدثت مع هذا الشخص وأنا مشتت جدا وقمت بصلاة استخارة 3 مرات ولكن مازال تفكيرى مشوش ومحتار خصوصا أن المبلغ اللى هيدفع مش شوية فقولت أعرض مشكلتى على أهل الخبرة هنا لكى ينصحونى لما فيه الخير ويقولولى أعمل ايه .. وشكرا جزيلا .



#2 eslam elbyaly

eslam elbyaly

    عضو مميز

  • الأعضــاء
  • 3,281 مشاركة
  • البـلـد: Country Flag

تاريخ المشاركة 09 March 2015 - 05:34 PM

مشكلة الفايننشيل ان كل خريجين تجارة بيخدوه , فالبلد اتملت ناس معاهم فايننشيل خبرة ومن غير خبرة , فانت رايح في ملعب زحمة .

في عندك الـ supply chain عشان شغل مخازن وتجارة , وفي تخصص تاني اسمه oracle hrms ده خاص بالموارد البشرية ومفيهوش زحمة برده , بس ملوش علاقة بالتجارة والمحاسبة وكده علي حد علمي .

 

- انا مش عارف انت 31 سنة ومفيش خبرة خالص ولا ايه ؟, لان ده في الغالب هيعمل مشكلة over age ,

 

- ايماك بتجيب ناس معندهمش خبرة خالص وتخليهم يدو الكورس , انا ليه واحد صاحبي اشتغل معاهم بيدي كورس فايننشيل وهو معهوش خبرة او يا دوب كام شهر , وانا نفسي جالي شغل اوراكل ديفيلوبر معاهم وانا يادوب كنت شغال شهرين تقريبا .

فمنصحكش تروح هناك , خصوصا ان الدنيا مش واقفة عليهم , في اماكن تانية كتير , ومتهيألي الكورس عندهم 8 ساعات full time , مش عارف عندهم نوعية تانية ولا ايه , بس لو كده فالموضوع ممكن يبقى صعب عليك , لاحظ انه مينفعش الكورس يقع منك

انت يا اما تمشي المشوار كويس من اوله عشان توصل لفرصة شغل او ملوش لزمة تمشي اصلا .

 

ملحوظة : دي آرائي الخاصة , اسأل ورايا اكتر من حد ( خبرة و فريش ) , عشان تكون وجهة نظر سليمة .

ربنا يوفقك



#3 ahmed_samy

ahmed_samy

    عضو

  • الأعضــاء
  • 7 مشاركة
  • الاسم الأول:ahmed
  • اسم العائلة:samy
  • البـلـد: Country Flag
  • المنصب الحالي:accountant

تاريخ المشاركة 09 March 2015 - 05:54 PM

متشكر جدا يا أستاذ اسلام على أهتمامك وردك الجيد ..

هو فعلا الشخص اللى أتكلمت معاه هناك قاللى نفس كلام حضرتك و نصحنى أخد الـ supply chain لانه برضو فى أطار المحاسبة و قاللى الاتنين بنفس السعر يعنى كده كده هدفع نفس المبلغ بس هو كان وجهة نظره كأخ أنى أخد حاجه أعرف أشتغل بيها حتى هو نفسه حلفلى أنه بياخد الـ supply chain لانه فاينانشال و عنده 28 سنه و برضو مش لاقى فرصة عمل جيدة ..

أنا بالنسبالى خبرتى على قدى يعنى المعلومات العادية عن المحاسبة الحاجات اللى خدناها فى الكلية أو اللى مرت عليا فى الشغل أنما كاتخصص معين بجيد فى بصراحه لا لانى معظم الاماكن اللى اشتغلت فيها مكنتش بتعمل ميزانيات أو قائمة مركز مالى أو ضرايب أو كده و عشان كده أنا بحاول الحق نفسى قبل ما العمر يجرى وأتخصص فى حاجه أتسند عليها و كله بأمر الله ..

طب بخصوص المكان حضرتك ايه رأيك فى نكست أكاديمى أو ايه المكان اللى حضرتك تنصحنى بيه ؟؟

منتظر رد حضرتك و جزاك الله كل خير ..



#4 eslam elbyaly

eslam elbyaly

    عضو مميز

  • الأعضــاء
  • 3,281 مشاركة
  • البـلـد: Country Flag

تاريخ المشاركة 09 March 2015 - 06:39 PM

بص يا باشا , هي مسألة السعر , تقريبا واحد في ايماك ونكست , تقريبا 4500 , في اماكن تانية زي ITSHARE مثلا , بس مش عارف في الكورسات دي ولا لا , وفي NEW HORIZON ,

وفي egabi solutions ودي اصلا شركة بتشتغل في الكلام ده مش كورسات بس , بس معرفش ظروفها ايه في الكورسات وفي global academy و في cite academy وفي apps stuff .

 

كل دول ناس بتدي كورسات , المفروض بقى انت تعمل ايه لانك مينفعش تضرب ضربة ومتجيش في الصميم  :- 

 

المشكلة مش في المكان , يعني نكست مثلا , في ناس بتشكر فيه وفي ناس بتقول حسبي الله ونعم الوكيل , انت الي يهمك المحاضر الي هيديك , فانت المفروض تسأل مين الي هيديك الكورس ( اسمه ) وخبرته وشغال فين وكده وتسأل عليه في اكتر من مكان

وعلي سمعته , وتسأل هنا مثلا , اكيد هتلاقى ناس تعرفه ان شاء الله , وتسأل مثلا اذا كان ممكن تحضر محاضرة او اتنين مجاني مع الراجل ده لو في كورس شغال مثلا , او في اول الكورس الي انت هتخده معاه , او تحضر سيمينار مثلا ويبقى هو موجود فيه .

 

- اعمل كده بقى في الاماكن دي كلها .

وابعد عن شركة اسمها step systems خالص .

 

- حتة السن دي بقى الي مش عارف افيدك فيها كويس , ان شاء الله تلاقى ناس هنا ترد عليك فيها .



#5 ahmed_samy

ahmed_samy

    عضو

  • الأعضــاء
  • 7 مشاركة
  • الاسم الأول:ahmed
  • اسم العائلة:samy
  • البـلـد: Country Flag
  • المنصب الحالي:accountant

تاريخ المشاركة 09 March 2015 - 06:50 PM

متشكر جدا يا أستاذ اسلام على مجهودك ..

لو حد شاف الموضوع و حابب يفدنا يبقى كتر ألف خيرو..