السلام عليكم ورحمة الله
ان شاء الله انا ناوية اتقدم لمنحة وزارة الأتصالات ومعلوماتى فى مجال الكمبيوتر متوسطة تنحصر فى شهادة ال icdl . ياريت يا جماعة اى حد ممكن يساعدنى ويوجهنى علشان اقدر ان شاء الله أعدى من امتحان القبول , وكمان فى حاجة لافته انتباهى وهو عدم الأقبال السنة دة على المنحة ومش عارفه ده سببه ايه وربنا يكرم الجميع ان شاء

على فكرة يا جماعة انا عندى cd كواليفاى لو اى حد محتاجها وكل سنة وانتم طيبين

thanx my friend
if u u don't mind i wanna take alook on it

أخى العزيز \ salma salah

أضغط هنا لتحميل الأسئلة التى تريدها

و هى أسئلة يمكن تداولها حيث انها ليس عليها حقوق ملكية ....... و بذلك فهى لا تتعارض مع قوانين المنتدى

بالنسبة ل :-

انا عاوز شوية توضيح عن ماهية هذه المادة العلمية و فى اى مجال تخص ؟

و شكراً

هى عباره عن اسئلة فى ال it, english, iq عملتلها dawnload من احد المواقع وعلى فكرة هى نفس الأسئلة الى حضرتك منزلها وربنا يوفق الجميع

يا جماعة هو مفيش حد بيشارك لية انا عايزة اعرف هى المنحة ده فعلا حلوة فى مجال الoracle ولا ابدا اخدها على حسابى انا فعلا نفسى استفيد من الخبرات الى قبل كدة فلو فى حد عنده فكرة ياريت يشارك وشكرا

السلام عليكم ورحمة الله وبركاته
هي المنحة كويسة وهتستفيدي منها كتير مشكلتها ان اللي هتدرسيه في 9 شهور ممكن تدرسيه في 3 شهور
وطبعا تأخر اكتساب الخبرة مش حلو
فلو امكن دراستها بشكل مستقل يكون احسن واسرع

سلام عليكم
بالنسبه للمنحه يا جماعه انا حاليا بدرس في المنحه تراك اوراكل و عاوز اقولكوا ان المنحه مفيده جدا جدا اولا انت بتبداء المنحه بتراك الانجلش و السوفت سكلز و دول مفيدين . اما بالنسبه بقا للتكنيكال انت بتبداء بالديفلوب و بعده الادمن و اهم حاجه بقا ان الوزاره اصلا منزله التراك كامل و المفروض ان السنتر بيلتزم بالكورسات اللي الوزاره منزلاها و الوقت بتاعها و بعدين يا جماعه تراك الادمن دا تراك هايل جدا و فرصه فعلا في المنحه انك تاخده اولا مفيش سنتر برا بيديه كويس و لو كان هيبقا غالي ثانيا انت عشان اصلا تاخد شهادات الادمن لازم يكون معاك اتندانس من جامعة اوراكل يعني عشان تاخد التراك برا و الشهادات بتاعته وجع دماغ و تكاليف كبيره انت بقا في المنحه بتاخد كل دا بتاخد شرح كويس و شهادات دوليه . دا غير بقا انك بتاخد حاجات تانيه مش ببتاخد مع كورس الاوراكل في البرايفت زي مثلا database concept & database modeling و دول بتاخدهم في الاول قبل ما تبداء خالص في التراك و بعد ما تخلص التراك بتاخد الاتي advanced plsql & performance tuning و علي فكره دا لسه نازل السنه دي اول مره بدل forms and report deployment و بعد كدا اخر حاجه managing oracle on linux اظن كدا يعني انتبتاخد كورس اوراكل في الجون و دا علي فكره بيفيد بعد كدا لما تخلص و تيجي تعمل انترفيو الراجل بيلاقيك عندك خلفيه حلوه و اكتر من ناس تانيه يعني اهو حاجه كويسه بتفرقك عن غيرك و طبعا قبل كل حاجه برضو عاوز اقول ان موضوع الشغل توفيق من عند ربنا سبحانه و تعالي . نيجي بقا بعد كدا لاخر حاجه و اقوي حاجه اصلا في الموضوع كله الا و هو المشروع و طبعا الكل عارف ان دا اهم حاجه بتطبق بقا كل حاجه انت درستها و عرفتها عملي بايدك و بتشغل في الاخر و الليله بتبقا كلها قدامك واضحه و وقتها تحس فعلا بشغلك و اللي انت اخدته . احنا حاليا بناخد في اخر كورسات عندنا بس اتقسمنا خلاص و حددنا مشاريعنا و بدئنا ننزل و نجيب الداتا بتاعتنا و نعمل المودلنج بتاعتها . عموما يا جماعه في جمله واحده المنحه فرصه حلوه اوي انك تتعلم اوراكل صح و دا رايي الشخصي و اي اراء تانيه انا بحترمها جدا زي الراي اللي كان بيقول ان الوقت طويل انا بتفق معاه فعلا هو فعلا الوقت طويل بس مش مشكله في سبيل انك تاخد حاجه صح . معلش اذا كنت طولت عليكوا بس انا حبيت اوضح الموضوع بما انه فيه و عايشه و دا طبعا عشان الناس تبقا علي نور و عارفه كل شيء و لو اي حد هياخد التراك برايفت نصيييييييييييييييحه مهمه جدا اسال علي الانستراكتور قبل ما تسال علي المكان اللي انت هتاخد فيه الكورس . و اي استفسار تاني انا موجود و كل سنه و انتوا طيبين و رمضان كريم عليكوا كلكوا جميعا يا رب و يا رب يوفقنا جميعا .

السلام عليكم ورحمة الله

شكرا لكم جميعا على الأهتمام وشكر خاص ل simo_semsem انت بجد شجعتنى على المنحة جدا بس ياريت لو عندك فكرة بميعادها لأن ربنا يعلم انا بقالى اد ايه مستنياها وبعدين فى ناس بتقول ان فى احتمال ان تكون السنة ده مش فيها منحة وان الوزارة كانت متعاقدة على 3 سنين بس فهل الكلام ده صحيح ولا لأ

وشكرا

السلام عليكم
شوفي يا انسه سلمي بالنسبه لمعاد المنحه هيا غالبا بتبقا في شهر 9 يعني الشهر اللي احنا فيه دا هيا السنه اللي فاتت كانت فاتحه التسجيل بالتحديد يوم 23/9 و عموما ان شاء الله اول ما تفتح انا هحط اللنك بتاع التسجيل ع المنتدي و المنحه مقفلتش و لا حاجه س هيا الفكره ان الوزاره كل 3 سنين بتبداء مرحله جديده و ان شاء الله السنه اللي جايه دي هتبقا اول سنه في المرحله التالته و علي فكره انا سامع ان هينزل فيها بعض التعديلات الكويسه و فيه احتمال ان يبقا فيه تعديل علي تراك الاوراكل عموما هو كلام لسه مش معروف اوي بس دا الكلام اللي وصلنا و عموما احنا مع بعض اهو كلها ايام و تفتح و هيبان كل شيء و ربنا يوفقك ان شاء الله و اي استفسار انا موجود .

متشكرة جداااااااااااااا يا استاذ simo-semsem وربنا يجعله فى ميزان حسناتك ان شاء بجد طمنتنى موت وياريت تقولى استعد ازاى علشان امتحان القبول انا معايا شهادة الicdl ومش عارفة ممكن اعمل ايه تانى وربنا يوفق الجميييييييييع يارب

شكرااااااااااااااااااااااااااااااااااااااااااا

السلام عليكم
العفو انا معملتش حاجه و عموما انتي كنتي قلتي باين ان عندك اسطوانة الكواليفاي اقريها كويس و اتدربي علي الاسئله اللي فيها و علي فكره دي نفس الاسطوانه اللي كنت قريت الاسئله منها قبل ما اقدم . هيا الاسئله مش بتيجي زي اللي فيها بالظبط بس علي الاقل بتعرفي نظام و شكل الاسئله ازاي .
و شدي حيلك و ربنا يوفقك و يوفقنا جميعا و انا برضو موجود لو اي حد عنده استفسار في اي شيء يخص المنحه .

بجد بجد ميرسى ل simo_semsem

بجد بجد والله كلامك طمنى شوية

بس كنت عايزة اسال على حاجة هو لازم انا اخد icdl
انا خريجة حاسبات ومعلومات
عشان نقبل مثلا ولازم التويفيل مثلا

وهيا الامتحانات صعبة اووووووووووووووى ولا ايه

اصلى بجد قدمت فى منحة iti فرع الكس ومانجحتش

فبجد انا خايفة من موضوع المنحة ماتجيش تانى انا بجد نفسى بجد ادخلها
وادخل تراك الداتا بيز

يااريت تنصحنى اعمل ايه عشان ننجح فيها

ممكن بس موقع التقديم للمنحة ياريت علشان اقدم فيها

السلام عليكم
هو ده اللينك بتاع السنة اللى فاتت واللى المفروض يظهر فيه اعلان الدورة الجديدة
http://www.mcitprof-train.gov.eg/Newhome2.aspx
ياريت ياجماعة نخلى الصفحة دى لتبادل الاسءلة المطلوبة لاجتياز الاختبارات
محمد هجرس

سلام عليكم
اولا يا جماعه شهادة icdl مش شرط و لا حاجه و لا التوفل سكور شرط و عاوز الناس تعرف ان امتحانات mcit بتبقا ارحم شويه من امتحانات iti يعني الامتحان السنه دي مثلا جالهم حوالي 45 سؤال انجلش و زيهم iq في حوالي ساعتين دا غير امتحان personality دا غير الشروط بتاعتهم في سنة التخرج و التقدير التراكمي . الكلام دا مش في منحة mcit خالص و الناس تتطمن لو مكنش فيه نصيب في الاولي ان شاء الله ربنا يوفقهم في التانيه و علي فكره iti مش فيها اوراكل اساسا ما علينا . اصبروا بس يا جماعه لما المنحه تنزل و نشوف new phase هتبقا عامله ازاي و ايه اللي اتعدل و ايه اللي لسه زي ما هو و بعدين ان شاء الله هنتكلم في الامتحان بالتفصيل .

السلام عليكم ورحمة الله

انا الاسئلة دة لقيتها فى موقع تانى وهى عبارة عن نموذج صغير للسئلة الى بتيجى

السلام عليكم ده نموذج مصغر لل IQ

English

S Question
-------------------------- I often invite friends to dinner, because I don't like eating
-
a- own
b- alone
c- single
d- one

We lived on the same street. His house was __________ mine. 2-
a- across
b- opposite
c- under
d- above

3- Don't leave your bike there - somebody ________ it.
a- might be steal
b- might stealing
c- might steal
d- might to steal

4- I'll need some help carrying this piano ________ the steps!
a- over
b- above
c- along
d- up

5- I'd like ________ my own business one day.
a- having
b- have
c-
d-
IT

1- Which of the following is the right options to select all the sheets in a Workbook?
a- Click on the tab for the first sheet and then hold down the Shift and click the tab for the last sheet
b- Right Click a Sheet tab and then click Select All Sheets
c- Click the tab for the first sheet and then hold down the Ctrl and click the tab for the last sheet
d- Click the tab for the first sheet and then hold down the Alt and click the tab for the last sheet

2- Which is the correct menu option to create a simple table:
a- Click where you want to create a table->Insert Menu->Table
b- Click where you want to create a table->Table Menu->Insert->Table
c- Click where you want to create a table->On Standard Toolbar->Click Insert Table
d "Both b and c

3- Real-time systems are:
a- Primarily used on main frame computer
b- Used for maintaining events as they occur
c- Used for program development
d- "Used for real-time interactive users

4- Which of the following can be placed on Desktop?
a- Windows
b- Icons
c- Dialog Boxes
d- Menus

5- The Quick Launch bar on the Taskbar displays icons with which you can:
a- Execute Programs
b- Show the Desktop
c- Execute Internet Explorer
d- "All of the above
IQ

1- aeroplane:air::ship:
a- water
b- sea
c- land
d- "road

2- The length of a rectangle is increased by 60%. By what percent would the width have to be decreased to maintain the same area?
a- 37.5%
b- 60%
c- 75%
d- "120%

3- The Average of 3 numbers is 24. If first and second number is 16 and 24 then the third number is?
a- 30
b- 22
c- 28
d- "32

4- Pick the odd one out of the following:
a- Shop
b- House
c- Building
d- "veranda "

5- One-third of one-fourth of two-fifth of a number is 15. What is the number?
a- 150
b- 450
c- 500
d- 470


ياريت يا جماعة تقرؤوها لأنى اعتقد ان هى دة النوعية الى بتيجى زيها الأسئلة وانا لو لقيت حاجة تانية هجيبها ان شاء

شكرا

سلام عليكم
بالنسبه للاسئله دي اللي جايباها سلمي هيا علي فكره نفس الاسئله بالنص اللي كانت نازله علي موقع الوزاره اصلا السنه اللي فاتت اقروها يا جماعه نظام الامتحان بيبقا كدا . و يا ريت يا سلمي تحكي اسطوانة الكواليفاي هنا عشان بقية الناس تحملها و تقراها برضو .

انا نزلتها ويارب تفيدكوا واقروها كويس لأن فيها كتير حلوة

مين قال أن iti مفيش فيها أوراكل..
ده أكبر تراك فيها هو أوراكل..
سواء بتدرسه مع سى شارب وجافا و أكس أم أل..وده الديفلوبر..
أو الأدمن.. وده بتدرسه مع لينكس وسولاريس...وكمان apps developer ...
أو ال ERP وده متاح للجميع فى iti ...مش زى منحة mcit اللى بيكون فيها متاح لخريجى هندسة بس..
وكمان iti بيوفرو فرصة عمل ممتازة لجميع الخريجين مهما كان تخصصهم...بعكس mcit ..
عموما أذا لم توفق فى منحة iti ...فأن منحة mcit جيدة جدا ...

انا كنت بتكلم عن هنا في المنصوره لان iti كانت اول مره تفتح عندنا السنه اللي فاتت و اتخرج منها دفعه واحده و كانت سنه تجريبيه و كلهم كانوا تراك واحد سوفت وير ممكن فعلا يكون التراك موجود في القاهره و انا معرفش عموما انا بتفق معاك انهم بيجيبوا عروض شغل كويسه للناس بعد ما بتخلص و اعرف ناس جالهم بدل العرض اتنين و تلاته انما mcit بتخلص و مع نفسك بقا تبداء تشوف زمايلك اللي شغالين و مواقع التوظيف و كدا عموما ربنا يوفقنا جميعا .

يا جماعة النهاردة27/9/2008وانا مش عارف اي حاجة عن منحة mcit هي بداء التسجيل فيها ولا لسة ومعادها امتي لو حد يعرف
يعرف اي حاجة يكون مشكور

السلام عليكم ورحمة الله وبركاتة
انا عندي امتحانات شهادة ال icdlكاملة هي برنت سكرين اخر فيرجن من الامتحانات وان شاء الله لو عايزاها انا ممكن ابعتها على الايميل الخاص بحضرتك يا salma

السلام عليكم ورحمة الله

هو لسة المنحة منزلتش ومن المتوقع تنزل بعد العيد ان شاء وفى احتمال انها تتأخر شوية وان شاء الله لما تنزل هقولكم




و merci جدا يا alaa bahaa انا الحمد الله امتحنت ال icdl وخلصتها

وربنا يوفق الجميع ان شاء الله

انا حبيت اقولكم بس على اللى عرفته عن mcit والجديد فيها السنه دى انها افضل من الثلاث سنوات السابقه والمنحه هتنزل اخر الشهر ده واللى ماخرها كده ان الشركه اللى متعاقده مع وزاره الاتصالات عقدها خلص السنه دى وبالتالى بيعملوا مناقصه والكلام ده كله وبيخطوا بردوا شروط جديده زى icdl اساسيه زى ما انا عرفت وفى بعض الكليات ملهاش انها تقدم زى طب واداب اقسام معينه يعنى فيها شغل جامد قوى السنه دى واحنا مع بعض واول ما يكون فى حاجه جديده هتلاقينى معاكم على طول
وشكرا ليكم smida

Do you mean that we must pass ICDL test to be accepted in the MCIT or you mean ICDL is included within all courses